Matthieu 27:26 - NYANMIƐN NDƐ'N 1998

²⁶ Yɛ Pilat yi Barabas mannin be-ɔ. Kɛ ɔ yoli bɔ be boli Jésus'n, ɔ fɛ i mannin be kɛ be ko bobo i waka'n su.

Nyanmien nde Ufle

²⁶ Ye Pilate yi Barabbas maan béo. Ke o man bé bôô Jésus'n, o fe maan bé ke bé kô bôbôé waka'n su.

Matthieu 27:26 Iomraidhean Croise

Ezai 50:6

N tikeli min sin'n su m mannin be nga be boli min'n, n yacili min nyrun'n lɛ m mannin be nga be tutuli min akanza'n kɛ be ´kpɛ min nzowa'n, kɛ be ´ti be nuan nzue ´ta mín wun'n, m'an kata-man min nyrun .

Ezai 53:5

Sanngɛ é sa tɛ'm bɔ e yo be'n be ti yɛ ɔ nyannin kannin mɔnnɛn-mɔnnɛn i wunnɛn'n su-ɔ. E fɔnlɛ bɔ e fɔn'n, i ti yɛ be sisili i wunnɛn nin-ɔn. E fɔ b'ɔ fata kɛ be tu ye nan y'a nyan aunjuɛ'n yɛ ɔ tɔli i su-ɔ. Yɛ i wunnɛn'n susuwa'n nin i kannin'm be ti yɛ man e yo juejue-ɔ.

Matthieu 20:19

Be ´se kɛ m'an di fɔ nan be `kun min, be ´fa min wla be bɔ be ti-man Zuif'm bé sa nun kɛ be `yo n finfin, be ´bo min nin ngble, be ´bobo min waka'n su, yɛ i le nsan su n ´cɛn.»

Marc 10:34

be ´yo n finfin, be ´gua min wun ngɔsrɛ, be ´bo min nin ngble, yɛ be ´kun min, kɛ n di le nsan'n, n ´cɛn.»

Marc 15:15

Kɛ Pilat klo kɛ ɔ ´yo sa ng'ɔ yo sran'm be fɛ ti'n, ɔ man ɔ yacili Barabas nun mannin be. Kɛ ɔ yoli bɔ be boli Jésus nin ngble'n, ɔ fɛ i mannin be kɛ be ko bobo i waka'n su .

JÉSUS-CHRIST I DYASIN FE'N BO LUC KLELI'N 23:16

I sɔ'n ti, m ´yo man be bo i nan n ´yaci i nun.» [

Jean 19:1

Yɛ Pilat man be fa Jésus be ko boboli i-ɔ.

Jean 19:16

Nan ɔ'a fɛ i a man be kɛ be ko bobo i, yɛ be nin i ɔli-ɔ.

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.