Matthieu 27:2 - NYANMIƐN NDƐ'N 1998

² Kɛ be cili i'n, be fɛ i ko mannin Pilat b'ɔ sie be'n.

Nyanmien nde Ufle

² Ke bé tyilii'n, bé fe kô maan Pilate b'o sié bé'n.

Matthieu 27:2 Iomraidhean Croise

Bo Bolɛ 22:9

Be ko juli lika nga Nyanmiɛn kleli'n nun. Abraam siesieli Nyanmiɛn sɔwlɛ kun, ɔ fali yie'n siesieli su, kpɛkuun ɔ cili i wa Izaak yili i Nyanmiɛn sɔwlɛ'n su yie'n su.

Matthieu 20:19

Be ´se kɛ m'an di fɔ nan be `kun min, be ´fa min wla be bɔ be ti-man Zuif'm bé sa nun kɛ be `yo n finfin, be ´bo min nin ngble, be ´bobo min waka'n su, yɛ i le nsan su n ´cɛn.»

Matthieu 28:14

Sɛ kpɛnngbɛn'n ti ndɛ sɔ'n, e ´kpɛtɛ i, e ´de amun, ɔ man ɔ su kle-man amun yalɛ.»

JÉSUS-CHRIST I DYASIN FE'N BO LUC KLELI'N 13:1

Kɛ ɔ yoli sɔ'n, sa bɔ Pilat fa yoli Galilefuɛ wie b'ɔ fa be mmoja'n sanngannin nnɛn nga be fa sɔ Nyanmiɛn'n i mmoja nun'n, le kun sran wie'm be wa kannin i ndɛ kleli Jésus.

JÉSUS-CHRIST I DYASIN FE'N BO LUC KLELI'N 20:20

Ɔ man be sɛsɛ i, be sunmannin sran wie'm be kɛ be ko kplɛ i nian, sran sɔ'm be yoli bé wun kɛ sran nanwlɛfuɛ mun sa, be waan be ´tie i nuan bo ndɛ, nan be ´fɛ i man jɔlɛ difuɛ mun nin kpɛnngbɛn'n.

JÉSUS-CHRIST I DYASIN FE'N BO LUC KLELI'N 23:1

Be kwlaa be jao fa Jésus ɔli Pilat ja su.

JÉSUS-CHRIST I DYASIN FE'N BO LUC KLELI'N 23:12

Le kunngba sɔ'n, Erɔd nin Pilat bɔ laa be di-man'n, be yoli janvuɛ.

JÉSUS-CHRIST I DYASIN FE'N BO LUC KLELI'N 3:1

Kɛ be sieli Tibɛr Sezar famiɛn'n, i afuɛ blu-nin-nnun su bɔ Pɔns Pilat ti Zide nvle'n i su kpɛn'n, bɔ Erɔd sie Galile nvle'n, bɔ i niaan bian Filip sie Itire nin Trakɔnit nvle'n, bɔ Lisanias sie Abilɛni nvle'n,

Jean 18:12

Sonja'm be nin bé su kpɛn'n, be nin Zuif'm be sonja mun be trali Jésus, yɛ be cili i-ɔ.

Jean 18:24

Yɛ Ani fɛ i nin i sa nyanman'n ko mannin Kaif, Nyanmiɛn nyrun jranfuɛ'm be su kpɛn nin-ɔn.

Jean 18:28

Kɛ be nin i fin Kaif awlo lɔ'n, be fɛ i ɔli Pilat awlo lɔ. Kɛ ɔ ´yo sɔ'n, wuun lika'n nian wie-man cɛn. Kɛ ɔ ´yo nan Zuif'm b'a kan-man fiɛn nan b'a kwla di Delɛ-cɛn wie'n, be bɔbɔ b'a wlu-man lɔ.

Sa nga bé yôli'n 12:6

Le kunngba nga Erɔd waan kɛ aliɛ cɛn-ɔn ɔ ´di Piɛr jɔlɛ nzra nun'n, kɔnguɛ sɔ'n nun be cili i nin jrɔkɔ nnyɔn, ɔ la sonja nnyɔn be afiɛn lafili, gladi difuɛ'm be kusu be jin anuan'n nun lɛ be nian bisua'n su.

Sa nga bé yôli'n 21:33

Ɔ wunngeli Pɔl wun lɛ nan ɔ'a trɛ i, ɔ man be cili nin jrɔkɔ nnyɔn, yɛ ɔ usali be sran wafa ng'ɔ ti'n nin sa ng'ɔ yoli'n.

Sa nga bé yôli'n 22:25

Kɛ be yoli man Pɔl lali b'ɔ tinngɛli i wun kpa'n bɔ be waan be wa bo i'n, ɔ usali sonja ya su kpɛn b'ɔ o lɛ'n kɛ: «?Rɔmfuɛ kun bɔ be nian di-mɛn i jɔlɛ'n, an kwla tɔ i su bo i?»

Sa nga bé yôli'n 22:29

Kɛ ɔ yoli sɔ'n, kpɛkuun be bɔ be bali i sa usalɛ'n, be cuɛnnin bé wun. Kɛ sonja akpi su kpɛn'n wunnin kɛ Pɔl ti Rɔmfuɛ'n, srɛ kunnin i kpa, afin ɔ man be cili i.

Sa nga bé yôli'n 24:27

Ɔ yo i sɔ lele ɔ dili afuɛ nnyɔn. Pɔrsiis Fɛstis wa kacili i. Feliks klo kɛ ɔ ´yo Zuif'm be klun sa, i ti ɔ yacili Pɔl bisua'n nun lɛ.

Sa nga bé yôli'n 28:20

Sa sɔ'n ti yɛ min waan n ´wun amún wun nan n ´kan kle amun-ɔn, afin like nga Izraɛlfuɛ'm bé wla o su'n i ti yɛ be fa jrɔkɔ ng'ɔ o yɛ'n cili min-ɔn.»

Sa nga bé yôli'n 3:13

Abraam, nin Izaak, nin Zakɔb be Nyanmiɛn b'ɔ ti e nannan'm be Nyanmiɛn kusu'n, ɔ yoli man i Sran Jésus nyannin nyrun, i yɛ an fɛ i mannin sran mun nin-ɔn, i yɛ kɛ Pilat waan ɔ ´yaci i nun, amu'an kplin-man su, bɔ an yili i blo nin-ɔn .

Sa nga bé yôli'n 4:27

Nanwlɛ, klɔ nga su wa'n, Erɔd nin Pɔns Pilat, ɔ nin be bɔ be ti-man Zuif'n be nin Izraɛlfuɛ'm bé bo yoli kun ɔ sran Jésus bɔ a guɛli i su ngo kɛ ɔ yo famiɛn'n i wun ,

Sa nga bé yôli'n 9:2

ko srɛli i kɛ ɔ mɛn i Nyanmiɛn ndɛ suanlɛ nin i srɛlɛ sua nga be o Damas lɔ'n bé wun fluwa, nan sɛ ɔ to sran wie lɔ'n, sɛ yasua o, sɛ bla o bɔ be fa ndɛ nga su'n, ɔ ´ci be ba Zerizalɛm.

1 Timote 6:13

Nyanmiɛn b'ɔ man like kwlaa nguan'n, nin Krist-Jésus b'ɔ kan ndɛ nanwlɛ yakpa su kleli Pɔns Pilat'n, be ti ndɛ nga n wa kan kle wɔ yɛ'n i nun lalofuɛ :

2 Timote 2:9

Jasin fɛ sɔ'n ti yɛ n wun nyrɛnnɛn bɔ be ci min kɛ sa tɛ yofuɛ sa nin-ɔn. Sanngɛ Nyanmiɛn Ndɛ fuɛ'n, be kwla tannin-mɛn i.

Hébreu 13:3

An `bu bisuafuɛ'm be akunndan kɛ amun bɔbɔ an wo lɔ wie sa. An `bu be nga be ´yo be tɛtɛ'n be akunndan, afin be kusu be ti sran kɛ amun sa.

Jɔlɛ Difuɛ Mun 15:12

Yɛ be seli i kɛ: «E bali kɛ e wa ci wɔ nan e ´fa wɔ fa wla Filistifuɛ'm be sa nun.» Yɛ ɔ seli be kɛ: «Amun `ta min nda kɛ amun bɔbɔ amun su kun-man min.»