Matthieu 26:70 - NYANMIƐN NDƐ'N 1998

⁷⁰ Sanngɛ ɔ kɛnnin i be kwlaa be nyrun lɛ kɛ ɔ si-mɛn i, ɔ seli i kɛ: «Ndɛ nga a kan'n, n wun-mɛn i wlɛ.»

Nyanmien nde Ufle

⁷⁰ Sannge o keen bé kwlaa bé nyrun le ke o simen, o sé ke: Nde nga a klô ke ah kanh'n, n wu'en i wle.

Matthieu 26:70 Iomraidhean Croise

Nyanndra Mun 28:26

Sran nga bɔ i bɔbɔ klun like liɛ nga i waan ɔ ´yo'n, i kunngba yɛ ɔ si i'n, i sɔ sran liɛ'n ɔ ti sinnglinfuɛ. Sran nga kusu b'ɔ nanti akunndan su'n, i sɔ sran liɛ'n, i nyrun atin'n ti wein.

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Nyanndra Mun 29:25

Srongble'n i agualiɛ'n ti-man kpa. Sran ng'ɔ fɛ i wun wlɛ i Anannganman sa nun'n i liɛ'n, kɛ ɔ o lɛ'n yɛ ɔ wo-ɔ.

Ezai 57:11

?Wan yɛ srɛ kun amun i wun-ɔn? ?Wan yɛ amun sro i ti yɛ man amun laka min b'ɔ man amún wla kpɛn-man mín su, b'ɔ man amun ndɛ nun-man min ndɛ nun nin-ɔn? M muannin min nuan ɔ'a cɛ kpa. ?I sɔ'n ti yɛ amun sro-man min kun nin-ɔn?

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Matthieu 26:51

Be nga be su Jésus su'n be nun kun cuɛn i tokofi'n ɔ fa kpɛli Nyanmiɛn nyrun jranfuɛ'm be su kpɛn'n i sran'n kun su'n.

Matthieu 26:56

Sanngɛ be yoli i kwlaa sɔ'n nan ndɛ nga Nyanmiɛn nuan ijɔfuɛ'm be klɛli'n ɔ ´kpɛn su.» Yɛ i sɔnnzɔnfuɛ'm be kwlaa be yacili i lɛ be wanndili-ɔ.

Matthieu 26:58

Piɛr su i su lele be juli Nyanmiɛn nyrun jranfuɛ'm be su kpɛn'n i awlo lɔ, sanngɛ ɔ'a mɛntɛn-mɛn i. Ɔ wluli lɔ, ɔ nin sua sunianfuɛ'm be trannin lɛ kɛ ɔ ´nian kɛ ndɛ sɔ'n ɔ ´fa kpɛ'n.

Matthieu 26:69

Kɛ ɔ ´yo sɔ'n, wuun Piɛr ti awlo lɛ. Afanniɛn kun bɛli i wun lɛ wa seli i kɛ: «Wɔ, a o Jésus b'ɔ fin Galile'n i sin wie.»

Matthieu 26:71

Kɛ Piɛr ɔli ala bo lɔ'n, afanniɛn kun ekun wunnin i, ɔ seli be nga be o lɛ'n be kɛ: «Bian nga o Jésus b'ɔ fin Nazarɛt'n i sin wie.»

JÉSUS-CHRIST I DYASIN FE'N BO LUC KLELI'N 22:57

Sanngɛ ɔ fɛli i nuan kekle ɔ seli kɛ: «Mmo, n si-mɛn i mlɔnmlɔn.»

Rɔmfuɛ Mun 11:20

Ɔ ti sɔ. Nyanmiɛn bɔ be lafi-mɛn i su kpa'n ti yɛ be kpɛkpɛli be-ɔ, ɔ kusu, i su bɔ a lafi'n ti yɛ man a o lɛ-ɔ. Nán tu ɔ wun, sanngɛ nian ɔ wun kpa,

1 Korɛntfuɛ Mun 10:12

I sɔ'n ti'n, sran ng'ɔ bu kɛ ɔ'a jran kpa'n, man ɔ niɛn i wun kpa nan ɔ'a tɔ-man!

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»