Matthieu 26:47 - NYANMIƐN NDƐ'N 1998

⁴⁷ Kɛ i nuan tɛ o ndɛ'n su kpɛkuun i sɔnnzɔnfuɛ blu-nin-nnyɔn'n be nun kun bɔ be flɛ i kɛ Zidas'n, ɔ nin sran kpanngban bɔ Nyanmiɛn nyrun jranfuɛ dandan nin mɛn kpɛnngbɛn'm be sunmannin be'n, bɔ tokofi nin klɔnman o bé sa nun'n, b'a bo nun.

Nyanmien nde Ufle

⁴⁷ Ke i nuan te ô nde'n su'n, kpekuun i sonnzonfue blu-nin-nnyon'n bé nun kun bo bé flee Judas'n, o nin swran kpanngban bo Nyanmien nyrun dyranfue dandan nin men kpenngben'm bé sunmaan bé, bo kaka nin klonman ô bé sa nun'n, ba bô nun.

Matthieu 26:47 Iomraidhean Croise

Matthieu 26:14

Yɛ i sɔnnzɔnfuɛ blu-nin-nnyɔn'm be nun kun bɔ be flɛ i kɛ Zidas Iskariɔt'n ɔ ɔli Nyanmiɛn nyrun jranfuɛ dandan'm be wun lɔ,

Matthieu 26:46

An `jao man e wɔ, sran ng'ɔ ´fa min man sran mun'n ɔ su ba.»

Matthieu 26:48

Zidas b'ɔ fɛ i mannin sran mun'n, ɔ kleli be nzɔliɛ kun, ɔ seli kɛ: «Sran nga n to ń sa yi i kɔmin'n, wuun i-ɔ, an `trɛ i.»

Matthieu 26:55

Kpɛkuun Jésus seli sran'm be kɛ: «An su n su nin klɔnman mun nin tokofi mun kɛ kodiawiefuɛ yɛ an bɛ i tralɛ sa. Cɛn kwlaa n tran Nyanmiɛn i sua'n nun n kle like, amu'an tra-man min.

Sa nga bé yôli'n 1:16

«Nja mun, Nyanmiɛn Ndɛ nga i Wawɛ'n fa wlɛli i David nuan bɔ be klɛli i kɛ Zidas ɔ wa yo be nga be tra Jésus'n be nyrun dunfuɛ'n, san ɔ ´kpɛn su.