Matthieu 26:40 - NYANMIƐN NDƐ'N 1998

⁴⁰ Kɛ ɔ sɛli i sin b'ɔ ´to i sɔnnzɔnfuɛ mun-ɔn, be o lɛ be su lafi, yɛ ɔ seli Piɛr Kɛ: «Amu'an kwla tran-man amún nyin su a uka-man min dɔ bɔ kun!

Nyanmien nde Ufle

⁴⁰ Ke o se i sin b'o tô i sonnzonfue muon, bé ô le bé su lafi, ye o sé Pierre ke: Amuan kwla tra'an amun nyin su a uka'a min do bo kun!

Matthieu 26:40 Iomraidhean Croise

1 Famiɛn Mun 20:11

Izraɛl famiɛn'n tɛli i su kɛ: «Sɛ be kun alɛ nan be kwla'n, yɛ be di be nuan-an.»

Ngɔjue Fɛfɛ Kpa'n 5:2

Lafilɛ'n ɔ'a fa min, sanngɛ sɛ min akunndan'n ti sran'n, wuun n ´se kɛ i nyin o su. N ti min adeba'n i nɛn'n. Ɔ bobo anuan'n, i waan: Min niaan bla, n janvuɛ kpa, min auble, manmin klanman beblebe, tike min anuan. Bɔlɛ'n ɔ'a gua min ti'n su. Kɔnguɛ bɔlɛ'n ɔ'a lua mín timuɛn'n sa pɔtii.

Matthieu 25:5

Kɛ yasua sɔ'n cɛli b'ɔ ba-man'n, lafilɛ'n fali be kwlaa nan b'a lafi.

Matthieu 26:35

Piɛr seli i kɛ: «Kannzɛ min nin wɔ e ´wu'n, san e ´wu, n su se-man kɛ n si-man wɔ le.» Nan i sɔnnzɔnfuɛ'm be kwlaa b'a kan ndɛ kunngba'n.

Matthieu 26:38

yɛ ɔ seli be kɛ: «Awlaboɛ'n su kun min, an `ka wa, an `tran bé nyin su uka min.»

Matthieu 26:41

Man amún nyin tran su, yɛ amun `srɛ Nyanmiɛn nan Lakafuɛ'n ɔ'a laka-man amun. Amun anwlɛn'n wo su kɛ amun `yo, sanngɛ an lɛ-mɛn i wun fanngan.»

Matthieu 26:43

Ɔ bali ekun, ɔ ´to be-ɔ, be su lafi, afin lafilɛ'n wo bé nyin su.

Marc 14:37

Kɛ ɔ sɛli i sin b'ɔ ´to i sɔnnzɔnfuɛ mun-ɔn be su lafi, yɛ ɔ seli Piɛr kɛ: «?Simɔn, w'a lafi? W'a kwla tran-man dɔ bɔ kun?

JÉSUS-CHRIST I DYASIN FE'N BO LUC KLELI'N 22:45

Kɛ ɔ fin kan ɔ ko srɛli Nyanmiɛn lɛ'n, b'ɔ wa toli i sɔnnzɔnfuɛ'm be lɛ'n, awlaboɛ'n ti b'a fɛ lafilɛ'n ɔ'a fa be. Yɛ ɔ usali be kɛ:

JÉSUS-CHRIST I DYASIN FE'N BO LUC KLELI'N 9:32

Lafilɛ'n fali Piɛr nin i wiengu mun. Kɛ be tinngeli cɛ'n, be wunnin Jésus bɔ i nyrun'n ti nyannyan ɔ yo sro'n, ɔ nin sran nnyɔn bɔ be nin i o lɛ'n.

Jɔlɛ Difuɛ Mun 9:33

Nan nglɛmun, kɛ wia'n fi cɛ'n, amun `jaso tɔ klɔ'n su. Kɛ Gaal nin i sran'm be wa jaso kɛ be nin amun be ´ko kun'n, like nga an kwla fa yo be'n, an `fa yo be!»