Matthieu 26:39 - NYANMIƐN NDƐ'N 1998

³⁹ Yɛ ɔ ɔli i nyrun lɔ kaan nan ɔ'a la ɔ'a utu i nyin ase, yɛ ɔ seli i Si kɛ: «N Si, sɛ nyrɛnnɛn wie nga kwla to fuan min'n, man ɔ to fuan min, nán yo nga n klo kɛ ɔ `yo su'n, sanngɛ yo nga a klo kɛ ɔ `yo su'n.»

Nyanmien nde Ufle

³⁹ Ye o oo i nyrun lo kaan, o la utu i nyin asé, o sé i Si ke: N Si, se nyrennen wié nga kwla tô fuan min'n, mon o tô fuan min, sannge nanh yô nga a klô ke o yô su'n, sannge yô nga a klô ke ah yôéh su'n.

Matthieu 26:39 Iomraidhean Croise

Bo Bolɛ 17:3

Abram bubu guali asiɛ wun gblo! Ɔ utuli i nyin ase nan Nyanmiɛn'n ɔ'a se i kɛ:

2 Samiɛl 15:26

Sɛ kusu ɔ se kɛ E nin wɔ e liɛ'n wieli'n, min yɛ n wo yɛ'n, nga ɔ nian siin ɔ fata kɛ ɔ fa yo min'n, ɔ `yo min.»

1 Be Nyoliɛ 21:16

Kɛ David ´nian'n, anz'n o nyanmiɛn'n nin asiɛ'n be afiɛn ɔ'a tinngɛ i tokofi'n Zerizalɛm ndɛnman. Yɛ David nin Izraɛl kpɛnngbɛn mun bɔ bajɛ tralɛ o bé wun, be tɔli nan b'a utu bé nyin ase.

Ezai 50:5

Anannganman Nyanmiɛn'n ɔ tikeli mín su'n, yɛ m'an yo-man nyin kekle, m'an wanndi-man.

Ezai 53:12

Ɔ man n fɛ i n wlali sran dandan'm be nun. Ɔ nin be bɔ be kwla'n be yɛ be ´cɛ alɛ ninnge'n nun-ɔn, yɛlɛ kɛ i bɔbɔ kplinnin su kɛ ɔ ´wu, ɔ man be fɛli i wlali sa tɛ yofuɛ'm be nun, ɔ jrannin sran kpanngban bé sa tɛ'n i nuan, yɛ ɔ kpatali sa tɛ yofuɛ'm be ti .

Ezekiɛl 1:28

Lika ng'ɔ kpaja weiin ng'ɔ sin yiɛ i'n, ɔ ti kɛ nyanngondin b'ɔ fite nzue tɔlɛ cɛn'n nun'n sa. Nyanmiɛn i nyannyan'n yɛ ɔ o lɛ-ɔ . Kɛ n wunnin i sɔ'n, n tɔli yɛ n utuli mín nyin ase. Kpɛkuun n tili sran kun i nɛn.

Kalɛ 14:5

Moiz nin Aarɔn be kotoli sa klo, bé nyin utu asiɛ wun Izraɛlfuɛ'm be kwlaa be nyrun lɛ.

Kalɛ 16:22

Moiz nin Aarɔn be tɔli asiɛ wun, bé utuli be nyin ase, yɛ be sun flɛli Anannganman kɛ: «?Ee Nyanmiɛn, wɔ bɔ a mannin ninnge nga a yili be'm be nguan'n, sran kunngba b'ɔ yoli sa tɛ'n, i ti a ´fa ya sran'm be kwlakwla bé wun?»

Matthieu 20:22

Yɛ Jésus waan: «An si-man like nga an srɛ'n. ?Klowa nga m ma nɔn nun'n, an kwla nɔn nun wie?» Be waan: «Ɛɛn, e kwla nɔn nun wie.»

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 26:42

Ɔ yaci be ɔli ekun nan ɔ'a se i Si kɛ: «N Si, sɛ ɔ ti-man bɔ nyrɛnnɛn wie nga to fuan min'n, man n wun nyrɛnnɛn sɔ'n. Sa nga a klo kɛ a ´yo'n, yo.»

Marc 13:22

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao, be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

JÉSUS-CHRIST I DYASIN FE'N BO LUC KLELI'N 17:16

Ɔ wa kotoli Jésus bo, ɔ lɛli i ase. Bian sɔ'n ti Samarifuɛ.

Jean 11:41

Be yili yɛbuɛ'n. Jésus mɛnnin i nyin su niannin Nyanmiɛn su lɔ, yɛ ɔ seli kɛ: «N Si, kwla o, afin ndɛ nga n kannin'n, a tili.

Jean 14:31

sanngɛ man mɛn nunfuɛ'm be si kɛ n klo e Si'n, yɛ like ng'ɔ kle n kɛ n yo'n, yɛ n yo-ɔ. An `jao man e wɔ.»

Jean 18:11

Jésus seli Piɛr kɛ: «Wla ɔ tokofi'n i bua'n nun. ?A bu i kɛ nyrɛnnɛn nga e Si waan n wun i'n, n su wun-mɛn i?»

Jean 5:19

Ɔ man Jésus kɛnnin i bɔbɔ ndɛ, ɔ seli be kɛ: «Nanwlɛ, like nga Ba'n wun kɛ i Si yo'n, yɛ ɔ nian su yo-ɔ. Ba'n bɔbɔ kwla kpɛ-mɛn i ti nun yo-man like fi. Like kwlaa ng'ɔ yo'n, yɛ i kusu yo-ɔ.

Jean 5:30

«M bɔbɔ n kpɛ-man ń ti nun yo-man like fi, jɔlɛ i wafa nga Nyanmiɛn kle n kɛ n di su'n yɛ n di-ɔ. Ɔ man jɔlɛ nga n di'n ti nanwlɛ, afin nán m bɔbɔ n klun sa yɛ n ´klo kɛ n yo-ɔ, sanngɛ sran ng'ɔ sunmannin min'n i klun sa yɛ n yo-ɔ.

Jean 6:38

afin n fin nyanmiɛn su lɔ bali, m'an ba-man m bɔbɔ n klun sa yolɛ, sanngɛ sran ng'ɔ sunmannin min'n, i klun sa yɛ n yo-ɔ.

Sa nga bé yôli'n 10:25

Kɛ Piɛr wluli awlo lɔ'n, Kɔrnɛyi jao kpɛli i atin yɛ ɔ kotoli i bo,

Filipfuɛ Mun 2:8

Kɛ ɔ kacili i wun sran sɔ'n, ɔ yoli i wun aenvuɛ, ɔ yoli anyiyiɛfuɛ lele ɔ fa wuli, waka'n su yɛ ɔ wuli-ɔ.

Hébreu 5:7

Kɛ Krist sɔ'n wo asiɛ'n su wa'n, ɔ kpannin, i nyinmuɛn guali nan ɔ'a srɛ Nyanmiɛn b'ɔ kwla de i wie'n nun'n kɛ ɔ niɛn i su, ɔ jrannin su kpa. I nyin b'ɔ yi Nyanmiɛn'n ti ɔ tili.

Sa nglô yile 19:10

Yɛ n utuli mín nyin ase i bo lɛ kɛ m ´mɛnmɛn i, sanngɛ ɔ seli min kɛ: «Nán yo sɔ! Wɔ nin ɔ niaan nga be fa ndɛ nanwlɛ nga Jésus yili nglo'n i su'n, n ti amun wiengu junman difuɛ. Koto Nyanmiɛn bo mɛnmɛn i! Ndɛ nanwlɛ nga Jésus yili i nglo'n yɛ man Nyanmiɛn nuan ijɔfuɛ'm be kɛn i bɔbɔ Nyanmiɛn i nuan ndɛ nin-ɔn.»