Matthieu 26:29 - NYANMIƐN NDƐ'N 1998

²⁹ N ´kan kle amun kɛ, kɛ ɔ fin ndɛ'n, n su nɔn-man vinyi mma'n i nzue nga kun lele san cɛn nga min nin amun e ´nɔn uflɛ n Si i mɛn'n nun lɔ'n.»

Nyanmien nde Ufle

²⁹ Nh kanh klé amun ke, ke o fin nde'n n su no'an raisin (*f12*) nzué nga kun, lélé san tyen nga min nin amun éh nonh ufle n Si i men'n nun lo'n.

Matthieu 26:29 Iomraidhean Croise

Jue Mun 104:15

Wɔ man be nyan nzan b'ɔ man bé wun nyrɛn be nin-ɔn. A man be nyanngo b'ɔ man be nyrun'n yo mlanmlan nin-ɔn, ɔ nin aliɛ bɔ be fa tra be anwlɛn nin-ɔn.

Jue Mun 4:7

Sran sunman be se kɛ: «Ee! ?Wan yɛ man e ´nyan ye-ɔ?» Ee! Anannganman, titi ɔ́ nyin nun wein, nan yo e ye!

Jue Mun 40:3

Sɛ n ´kwla se'n, ɔ yili min bunman sroesroe'n i nun fiteli, ɔ yili min nnɔtiɛ b'ɔ lɛ-man bo'n i nun fiteli. Ɔ'a fa min ɔ'a sie yɛbuɛ su. N ja'n kwla asiɛ.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ezai 25:6

Anannganman b'ɔ sie mɛn wunmuan'n, ɔ man be ´tɔn aliɛ be ´man sran'm be kwlakwla Siɔn oka'n su. Be ´tɔn aliɛ fɛfɛ kpa, be ´sie su nzan fɛfɛ. Nnɛn bɔ lui o nun kpa'n yɛ be ´fa tɔn like sɔ nin-ɔn, nzan fɛfɛ b'ɔ ti weiin kpa'n yɛ be ´fa sie su-ɔ.

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Sofoni 3:17

Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able

Zakari 9:17

I lika sɔ'n i kpa ng'ɔ wa yo'n, yɛ i klanman ng'ɔ wa yo'n, ɔ lɛ-man wunsu. Gbanflɛn'm be wa di ble'n be ´nyin, yɛ talua'm be wa nɔn vinyi nzue lɔflɛ'n be ´nyin wie kusu.

Matthieu 13:43

Sanngɛ sran nanwlɛfuɛ'm be wa yo kɛ wia'n sa, be ´kpaja be Si i mɛn'n nun. Man sran ng'ɔ si ´fa sie'n, ɔ ´fa sie.»

Matthieu 16:28

Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ m bɔ n kacili Sran'n n su ba m ma di n famiɛn nin-ɔn.

Matthieu 18:20

Afin lika nga sran nnyɔn annzɛ nsan be yia n dunman nun'n, n wo be nun.»

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Matthieu 26:28

«Amun kwlaa an `nɔn nzan ng'ɔ o nun'n, afin nzan sɔ'n ɔ ti min mmoja b'ɔ ti aenguɛ uflɛ nga Nyanmiɛn waan ɔ nin sran'm be tra'n i nzɔliɛ. Sran sunman be ti yɛ be ´guɛ i ase-ɔ, ɔ man Nyanmiɛn ´yaci bé sa bɔ be yoli i'n cɛ be .

Matthieu 26:30

Kɛ be toli Nyanmiɛn manmanlɛ jue'n, be ɔli Olivie Oka'n su lɔ.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Marc 14:25

Nanwlɛ, n su nɔn-man vinyi nzue kun lele san cɛn nga min nin amun e ´nɔn uflɛ Nyanmiɛn i mɛn'n nun lɔ'n.»

JÉSUS-CHRIST I DYASIN FE'N BO LUC KLELI'N 12:32

«Amun bɔ an ti kɛ bua akpasua kaan kun sa'n, nán srɛ kun amun, yɛlɛ kɛ amun Si klo kɛ amun tran be ng'ɔ sie be'n be nun.

JÉSUS-CHRIST I DYASIN FE'N BO LUC KLELI'N 15:32

Ɔ niaan ng'ɔ o yɛ'n, ɔ wuli, yɛ ɔ'a nyan nguan ekun, ɔ mlinnin yɛ y'a wun i ekun'n, ɔ man cɛn dilɛ nin aunblibliɛ sɔ'n be ti i su.› »

Jean 15:11

N ´kɛn i sɔ kle amun nan amun klun ´jɔ kɛ n liɛ'n sa, yɛ amun klun ´jɔ lelele.

Jean 16:22

Amun kusu, awlaboɛ'n wo amun su kɛ e ´se yɛ'n, sanngɛ kɛ n wa wun amún wun ekun'n, amun klun ´jɔ, yɛ sran fi su kwla bo-man amún wla.

Jean 17:13

Siɛn'n, n su kɔ ɔ́ sin. N kannin ndɛ sɔ'n mɛn'n nun nan be klun jɔ kɛ n liɛ'n sa lelele.

Sa nga bé yôli'n 10:41

sanngɛ sran ngba a wun-mɛn i, san e nga Nyanmiɛn dun mmua sieli ye kɛ e wun i'n, bɔ kɛ ɔ cɛnnin'n e nin i e dili like'n, e yɛ e wunnin i-ɔ.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Sa nglô yile 14:3

Be to jue uflɛ uflɛ kun bia'n, nin like nnan bɔ be ti kɛ nnɛn sa'n, ɔ nin kpɛnngbɛn'm be nyrun lɛ. Sran fi kwla-man jue sɔ'n suan, san sran akpi-akpi ya sran akpi-akpi ablanan-nin-nnan (144.000) bɔ be kpɔli be ti asiɛ'n su'n be ngunmin cɛ.

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»