Matthieu 26:28 - NYANMIƐN NDƐ'N 1998

²⁸ «Amun kwlaa an `nɔn nzan ng'ɔ o nun'n, afin nzan sɔ'n ɔ ti min mmoja b'ɔ ti aenguɛ uflɛ nga Nyanmiɛn waan ɔ nin sran'm be tra'n i nzɔliɛ. Sran sunman be ti yɛ be ´guɛ i ase-ɔ, ɔ man Nyanmiɛn ´yaci bé sa bɔ be yoli i'n cɛ be .

Nyanmien nde Ufle

²⁸ Amun kwlaa anh non, du vin ng'o ô ye'n o ti min mmôdya b'o man amun nin Nyanmien amunh dih anuanse. Swran sunman bé ti ye béh gueh i aséo, o man Nyanmien yatyih bé sa bo bé yôlii'n tye bé.

Matthieu 26:28 Iomraidhean Croise

Zeremi 31:31

Anannganman'n waan: «Cɛn wie lele'n, e nin Izraɛl nvle'n nin Zida nvle'n e wa tra aenguɛ uflɛ .

Saun Yolɛ 17:11

Afin like kwlaa ng'ɔ de wunmiɛn'n, i mmoja'n nun yɛ i nguan'n wo-ɔ. I sɔ'n ti yɛ man m mannin amun atin kɛ mmoja yɛ amun fa be `se min yaci min sɔwlɛ'n su nan m'an kplin amun ngbata'n su nin-ɔn. Mmoja'n yɛ man sɛ be kpata-a be kplin su-ɔ, afin mmoja'n, i yɛ ɔ ti nguan nin-ɔn .

Zakari 9:11

Anannganman wan yoo: «Aenguɛ nga e nin amun e trali bɔ e guali i ti nnɛn mmoja ase'n, i dunman nun ti n ´yi amun nun sran nga be ti bisuafuɛ bɔ be gua be gbo bɔ nzue nun-man nun'n i nun n ´fite .

Matthieu 20:28

M bɔ n kacili Sran'n kɛ m balɛ'n ɔ ti sɔ-ɔ, afin m'an ba-man kɛ be su min, sanngɛ m bali kɛ n ´su sran, nan n ´fa min wun kpɔ sran sunman bé ti.»

Matthieu 26:27

I sin ɔ fali klowa kun yɛ ɔ lali Nyanmiɛn ase. Kɛ ɔ lali Nyanmiɛn ase wieli'n, ɔ fa mannin be yɛ ɔ seli be kɛ:

Matthieu 26:29

N ´kan kle amun kɛ, kɛ ɔ fin ndɛ'n, n su nɔn-man vinyi mma'n i nzue nga kun lele san cɛn nga min nin amun e ´nɔn uflɛ n Si i mɛn'n nun lɔ'n.»

Matthieu 6:12

Yaci sa nga e yo wɔ'n cɛ e kɛ e yaci be bɔ be yo é tɛ'n be liɛ'n cɛ be'n sa.

Marc 1:4

I sɔ'n su yɛ Zan batɛm yofuɛ'n ɔli aawlɛ flɛnnɛn nun lɔ b'ɔ kan kleli sran'm be kɛ be kaci be nzuɛn nin-ɔn. Yɛ ɔ kan kleli be ekun kɛ be yo be batɛm nzue'n nun nan Nyanmiɛn yaci sa nga be yoli i'n cɛ be nin-ɔn.

Marc 14:24

Yɛ ɔ seli be kɛ: «Nzan ng'ɔ o yɛ'n ɔ ti min mmoja b'ɔ man amun nin Nyanmiɛn amun ´tra aenguɛ. Sran kpanngban be ti yɛ be ´guɛ i ase-ɔ .

JÉSUS-CHRIST I DYASIN FE'N BO LUC KLELI'N 22:19

I sin ɔ fali kpaun, kɛ ɔ lali Nyanmiɛn ase'n, ɔ bubuli nun fa mannin be, ɔ seli kɛ: «Kpaun ng'ɔ o yɛ'n ti min wunnɛn i nzɔliɛ, [amun ti yɛ n su fa man-an. An `yo i kɛ nga n ´yo i yɛ'n sa, man amún wla kpɛn n su.»

JÉSUS-CHRIST I DYASIN FE'N BO LUC KLELI'N 22:20

Kɛ be wieli like'n di'n, ɔ fali klowa'n mannin be nan ɔ'a se kɛ: «Like ng'ɔ o klowa nga nun'n, ɔ ti min mmoja, ti kle aenguɛ uflɛ nga Nyanmiɛn waan ɔ nin amun tra'n i nzɔliɛ, amun ti yɛ be su wa guɛ i ase-ɔ.]

Rɔmfuɛ Mun 5:15

Sanngɛ sa nga Adam yoli'n nin like dan nga Nyanmiɛn fa cɛ ye'n, be dan sɛ-man. Nanwlɛ, sran kpanngban b'a wu sran kun i sa liɛ'n b'ɔ yoli'n ti. Sanngɛ ye nga Nyanmiɛn yo ye'n i dan trɛ fatifati, yɛ like ng'ɔ fa cɛ sran kpanngban i aklunye'n ti'n i kusu i kpa trɛ i. Like sɔ'n yɛlɛ Jésus-Krist.

Rɔmfuɛ Mun 5:19

Kɛ sran kunngba i nyin kekle'n ti ɔ man sran kpanngban be kacili sa tɛ yofuɛ'n, sran kun kusu i anyinyiɛ ti, ɔ man sran kpanngban be ´kaci sran kpa.

1 Korɛntfuɛ Mun 11:25

Kɛ be wieli like di'n, ɔ fali klowa'n, yɛ ɔ seli kɛ: «Like ng'ɔ o klowa nga nun'n ɔ ti min mmoja b'ɔ ti aenguɛ uflɛ nga Nyanmiɛn waan ɔ nin amun tra i nzɔliɛ. Cɛn kwlaa nga amun ´nɔn nun'n, an `yo i kɛ nga n yo i yɛ'n sa, man amún wla kpɛn n su .»

Efɛzfuɛ Mun 1:7

Kɛ Krist wuli bɔ i mmoja'n guali'n ti, Nyanmiɛn deli é, ɔ yacili sa nga e yoli i'n cɛli ye. I sɔ'n nun e wun ye dan nga ɔ yoli ye

Kolɔsfuɛ Mun 1:14

Ba sɔ'n ti yɛ ɔ deli ye yɛ ɔ yacili sa nga e yoli i'n cɛli ye-ɔ.

Kolɔsfuɛ Mun 1:20

Yɛ ɔ siesieli i nun sran mun nin ninnge'm be kwlaa be afiɛn Jésus nun. Kɛ Jésus wuli waka'n su'n, Nyanmiɛn siesieli sa ng'ɔ o i nin like nga be o asiɛ'n su wa nin nyanmiɛn su lɔ'n be kwlaa be afiɛn, ɔ man sa fi nun-man lɛ kun.

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n

Hébreu 9:28

I kunngba'n, kɛ ɔ ´yo nan Krist a fa sran kpanngban bé wun sa'n, i kusu fɛ i wun sɔli Nyanmiɛn kpɛ kunngba. Balɛ nga ɔ wa ba ekun'n, nán sa tɛ'n ti-ɔ, sanngɛ ɔ ´ba be nga bé nyin tɛ i sin'n be delɛ .

1 Jean 2:2

Afin i bɔbɔ fɛ i wun yili é ti tɛ nan Nyanmiɛn yaci sa nga e yoli i'n cɛ ye. Nán e ngunmin é ti tɛ yɛ ɔ yili-ɔ, sran'm be kwlaa be liɛ-ɔ.

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .

Sa nglô yile 7:9

I sin, n niannin lɔ ekun, n wunnin sran kpanngban kpa, sran fi kwla ka-man be, sran sɔ'm be fin mɛnmɛn'n kwlaa nin nvle-nvle'n kwlaa nun, nin sran wafa-wafa'n kwlaa o be nun, be ijɔ aniɛn wafa-wafa'n kwlaa. Be jinjin bia'n nin Bua Gbanflɛn'n be nyrun lɛ, tralɛ ufue o be wun, yɛ mme nnya o bé sa nun.