Matthieu 26:27 - NYANMIƐN NDƐ'N 1998

²⁷ I sin ɔ fali klowa kun yɛ ɔ lali Nyanmiɛn ase. Kɛ ɔ lali Nyanmiɛn ase wieli'n, ɔ fa mannin be yɛ ɔ seli be kɛ:

Nyanmien nde Ufle

²⁷ I sin o faa klôwa kun, ke o laa Nyanmien asé'n, o fa maan bé, o sé bé ke:

Matthieu 26:27 Iomraidhean Croise

Jue Mun 116:13

M ´man bé ti nyanlɛ klowa'n su, yɛ n ´kpan flɛ Anannganman.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ngɔjue Fɛfɛ Kpa'n 7:9

I ti min waan n ´fu mme'n su nan n ´ko trɛ i otre'n sa kplo. Man ɔ nyɔnflɛn'n yo kɛ vinyi mma'n i sɔsɔwa'n sa. Man ɔ bue buɛ'm be nun bɔn fɛɛn kɛ pɔmun fanninfannin sa.

Ezai 25:6

Anannganman b'ɔ sie mɛn wunmuan'n, ɔ man be ´tɔn aliɛ be ´man sran'm be kwlakwla Siɔn oka'n su. Be ´tɔn aliɛ fɛfɛ kpa, be ´sie su nzan fɛfɛ. Nnɛn bɔ lui o nun kpa'n yɛ be ´fa tɔn like sɔ nin-ɔn, nzan fɛfɛ b'ɔ ti weiin kpa'n yɛ be ´fa sie su-ɔ.

Ezai 55:1

Amun kwlaa nga nzue we kun amun'n, amun `bla, nzue o wa! Kannzɛ bɔ sika nun-man amún sa nun o, amun bla be wa fa like be di, be yi-man nun dein. Amun bla be wa fa nzan nin nɔnnɔn, sika fite-man nun, be to-man .

Matthieu 15:36

Ɔ fali kpaun nso'n nin jue mun, kɛ ɔ lali Nyanmiɛn ase'n, ɔ bubuli nun fa mɛnnin i sɔnnzɔnfuɛ mun nan b'a fa cɛ sran mun.

Matthieu 26:26

Kɛ be ´di like'n, Jésus fali kpaun yɛ ɔ lali Nyanmiɛn ase. Kɛ ɔ lali Nyanmiɛn ase wieli'n, ɔ bubuli nun fa mɛnnin i sɔnnzɔnfuɛ mun nan ɔ'a se be kɛ: «Kpaun ng'ɔ o yɛ'n ti min wunnɛn, an `fa di»

Matthieu 26:28

«Amun kwlaa an `nɔn nzan ng'ɔ o nun'n, afin nzan sɔ'n ɔ ti min mmoja b'ɔ ti aenguɛ uflɛ nga Nyanmiɛn waan ɔ nin sran'm be tra'n i nzɔliɛ. Sran sunman be ti yɛ be ´guɛ i ase-ɔ, ɔ man Nyanmiɛn ´yaci bé sa bɔ be yoli i'n cɛ be .

JÉSUS-CHRIST I DYASIN FE'N BO LUC KLELI'N 22:20

Kɛ be wieli like'n di'n, ɔ fali klowa'n mannin be nan ɔ'a se kɛ: «Like ng'ɔ o klowa nga nun'n, ɔ ti min mmoja, ti kle aenguɛ uflɛ nga Nyanmiɛn waan ɔ nin amun tra'n i nzɔliɛ, amun ti yɛ be su wa guɛ i ase-ɔ.]

1 Korɛntfuɛ Mun 10:16

?Kɛ e ´nɔn kɔminiɔn nzan'n bɔ e la Nyanmiɛn ase'n, Krist mmoja'n ti-man e kwlaa e liɛ? ?Kɛ e ´bubu kɔminiɔn kpaun'n nun bɔ e ´di'n, Krist wunnɛn'n ti-man e kwlaa e liɛ ?

1 Korɛntfuɛ Mun 11:28

Ɔ man sran kwlaa nga i waan ɔ ´di kpaun nga ɔ ´nɔn klowa nga nun'n, man ɔ dun mmua niɛn i bɔbɔ wun kpa,