Matthieu 26:25 - NYANMIƐN NDƐ'N 1998

²⁵ Zidas b'ɔ fɛ i mannin sran mun'n ɔ usɛli i kɛ: «?Baba, min-ɔn?» Jésus seli i kɛ: «Ɛɛn, yɛ ɔ́ nuan o su lɛ-ɔ.»

Nyanmien nde Ufle

²⁵ Judas b'o fe maan swran mun'n o usee i ke: ?Baba, mion? Jésus sé i ke: Een, ye o nuan ô su leo.

Matthieu 26:25 Iomraidhean Croise

2 Famiɛn Mun 5:25

Yɛ Geazi ɔli i min'n i wun lɔ-ɔ. Elize usɛli i kɛ: «?Geazi, a fin nin?» Ɔ tɛli i su kɛ: «Min min, m'an ɔ-man lika fi!»

Nyanndra Mun 30:20

Bla nga b'ɔ kunndɛ bian i wun bo'n, i atin ng'ɔ fa su'n yɛ. Ɔ di like'n kpɛkuun ɔ nunnun i nuan wun kpɛkuun ɔ se kɛ yoo: «M'an yo-man sa tɛ fi.»

Matthieu 23:7

Be klo kɛ sran'm be ´yo be like nzra nun yɛ be ´flɛ be Nannan.

Matthieu 23:8

Sanngɛ amun liɛ'n, nán an yo amún wun kɛ be `flɛ amun Nannan, afin amún su kpɛn b'ɔ ti amun like klefuɛ'n ti kunngba cɛ, yɛ amun kwlaa an ti niaan.

Matthieu 26:14

Yɛ i sɔnnzɔnfuɛ blu-nin-nnyɔn'm be nun kun bɔ be flɛ i kɛ Zidas Iskariɔt'n ɔ ɔli Nyanmiɛn nyrun jranfuɛ dandan'm be wun lɔ,

Matthieu 26:49

Kpɛkuun ɔ wunngeli i wun lɛ nan ɔ'a se i kɛ: «Baba, anun o,» yɛ ɔ toli i sa yili i kɔmin-ɔn.

Matthieu 26:64

Yɛ Jésus seli i kɛ: «Yɛ ɔ́ nuan o su lɛ-ɔ. N ´kan kle amun ekun kɛ, kɛ ɔ fin ndɛ'n, amun wa wun m bɔ n kacili Sran'n kɛ n ti Nyanmiɛn i fama su yɛ n wo nyanmiɛn ble'n su n su ba .»

Matthieu 27:11

Kɛ be fa Jésus ɔli be kpɛnngbɛn'n i ja su sɔ'n, ɔ usɛli i kɛ: «?A ti Zuif'm be famiɛn?» Jésus tɛli i su kɛ: «Yɛ ɔ́ nuan o su lɛ-ɔ.»

JÉSUS-CHRIST I DYASIN FE'N BO LUC KLELI'N 22:70

Yɛ be kwlaa be usɛli i kɛ: «?Wuun, a ti Nyanmiɛn Wa?» Yɛ ɔ seli be kɛ: «Nga n ti'n yɛ amún nuan o su lɛ-ɔ.»

Jean 18:37

Ɔ man Pilat usɛli i kɛ: «?Ɔ man a ti famiɛn?» Jésus tɛli i su kɛ: «Yɛ ɔ́ nuan o su lɛ-ɔ, n ti famiɛn. Nian sa ti bɔ be wu min'n, sa ti bɔ m bali mɛn'n nun'n yɛ: m bali kɛ n ´kan ndɛ ng'ɔ ti nanwlɛ'n kle sran mun. Sran kwlaa ng'ɔ si nanwlɛ'n, ɔ ti ndɛ nga n kan'n. »

Jean 4:31

Kɛ ɔ ´yo sɔ'n, wuun i sɔnnzɔnfuɛ'm be jin i wun kɛ: «Baba, di like'n.»