Matthieu 26:2 - NYANMIƐN NDƐ'N 1998

² «An si kɛ ɔ ka le nnyɔn Delɛ-cɛn'n i dilɛ'n ´ju, be wa fa m bɔ n kacili Sran'n man sran mun kɛ be `bobo min waka'n su.»

Nyanmien nde Ufle

² An si ke o ka lé nnyon Pâque'n (*f17*) dyuh, bé wa fa m bo n katyii Swran'n man swran mun ke bé bôbô min waka'n su.

Matthieu 26:2 Iomraidhean Croise

Ezipt Lɔ Tulɛ'n 34:25

Blɛ bɔ amun ´fa nnɛn nga amun ´kun i'n be ´blɛ min'n, nán an fa kpaun bɔ kpaun ayre o nun'n sie su. Nán amun sie Delɛ-cɛn i nnɔsua nun tɛ'n i nnɛn'n lɛ lele nglɛmun.

Matthieu 10:4

yɛ Simɔn b'ɔ o be bɔ be flɛ be akpuefuɛ'n be nun'n, yɛ Zidas Iskariɔt b'ɔ fa Jésus mannin sran mun'n.

Matthieu 17:22

Kɛ Jésus nin i sɔnnzɔnfuɛ mun be ´wlan Galile mɛn nun'n, ɔ seli be kɛ: «Be wa fa m bɔ n kacili Sran'n man sran mun.»

Matthieu 27:4

yɛ ɔ seli kɛ: «Kɛ n fa sran bɔ ɔ'a yo-man sa tɛ fi'n mannin amun kɛ an `kun i'n, m'an yo-mɛn i kpa mlɔnmlɔn.» Yɛ be seli i kɛ: «?E ndɛ o nun? Ɔ bɔbɔ ɔ ndɛ-ɔ.»

JÉSUS-CHRIST I DYASIN FE'N BO LUC KLELI'N 22:15

Yɛ ɔ seli be kɛ: «Sa ng'ɔ yo n fɛ bɔ m buli i akunndan'n, yɛlɛ kɛ min nin amun ´di Delɛ-cɛn nga nan man wun nyrɛnnɛn.

Jean 11:55

Kɛ Zuif'm bé cɛn bɔ be flɛ i Delɛ-cɛn'n ɔ wa ju'n, sran kpanngban be fin klɔklɔ'm be su be dun mmua kɔ Zerizalɛm be ko yo bé wun saun nan Delɛ-cɛn'n sɔ'n ɔ'a ju.

Jean 12:1

Kɛ ɔ ka le nsiɛn nan Delɛ-cɛn'n ɔ'a ju'n, Jésus ɔli Betani, lɔ yɛ Lazar b'ɔ cɛnnin i'n wo-ɔ.

Jean 18:2

Zidas b'ɔ fɛ i mannin sran mun'n, ɔ si lika sɔ'n nun, afin Jésus nin i sɔnnzɔnfuɛ'm be ta lɔ yia.

Jean 18:32

Be kɛn i sɔ nan Jésus i wulɛ wafa ng'ɔ kan kleli be kɛ ɔ ´wu'n, ɔ `kpɛn su.

Jean 2:13

Kɛ Zuif'm be Delɛ-cɛn'n wa ju'n, Jésus ɔli Zerizalɛm.