Matthieu 26:10 - NYANMIƐN NDƐ'N 1998

¹⁰ Jésus wunnin be akunndan'n nan ɔ'a se be kɛ: «?Nguɛ ti yɛ an fita bla'n i anwlɛn sɔ-ɔ? Like ng'ɔ yo mannin min'n ti kpa.

Nyanmien nde Ufle

¹⁰ Jésus wuun bé akunndan'n, nan wa sé bé ke: ?Nzu ti ye an fita bla'n i awlen soo? Liké ng'o yô maan min'n ti kpa.

Matthieu 26:10 Iomraidhean Croise

Neemi 2:18

N kannin min sin bɔ min Nyanmiɛn'n jin'n n kleli be, n kannin ndɛ nga famiɛn'n kan kleli min'n n kleli be. Nan b'a se kɛ: «Amun man é bo yo kun nan e kplan!» Yɛ be siesieli bé wun kpa sakpa kɛ be ´di junman sɔ'n.

Zɔb I Nyrɛnnɛn Wunlɛ 13:7

?Nyanmiɛn i sin jranlɛ dunman nun ti amun ´kan sa ng'ɔ ti-man su'n? ?Amun ´bua ato i dunman nun?

Matthieu 26:11

Afin amun nin yalɛfuɛ mun yɛ amun ´ka titi-ɔ, sanngɛ n liɛ'n, min nin amun su tran-man wa titi .

Matthieu 26:9

Be kwla yo parfɛn nga i atɛ gua kpan be fɛ i sika'n man yalɛfuɛ mun.»

Marc 14:6

Sanngɛ Jésus seli be kɛ: «An `yaci i lɛ. ?Nguɛ ti yɛ an fita i anwlɛn sɔ-ɔ? Like ng'ɔ yo mannin min'n ti kpa.

JÉSUS-CHRIST I DYASIN FE'N BO LUC KLELI'N 8:49

I nuan nian tɔ-man'n kpɛkuun sran fin Nyanmiɛn ndɛ suanlɛ nin i srɛlɛ sua su kpɛn'n i awlo lɔ ɔ wa seli i kɛ: «Ɔ wa'n ɔ'a wu, nán kle bian'n yalɛ kun.»

2 Korɛntfuɛ Mun 9:8

Nyanmiɛn kwla man amun like kpakpa'n kwlaa lele bé ti sin yia amun. Ɔ man cɛn kwlaa amun ´nyan like ng'ɔ mian amún sa'n i kwlaa, yɛ amun ´nyan wie kpanngban amun ´fa yo aklunye,

Galasifuɛ Mun 1:7

Nanwlɛ, jasin fɛ uflɛ fi nun-man lɛ, sanngɛ sran wie'm be o lɛ be sanngan amun akunndan, yɛ be klo kɛ be ´kaci Krist i jasin fɛ'n.

Galasifuɛ Mun 5:12

Be nga be sanngan amun akunndan'n, man be wla klɛn lelele be `sɛ bé wun!

Galasifuɛ Mun 6:17

Kɛ ɔ fin ndɛ'n, nán man sran fi kle n yalɛ kun, afin kannvuɛn ng'ɔ o min wun'n kle kɛ n ti Jésus i akua.

Efɛzfuɛ Mun 2:10

Afin e ti i sa nuan like, kɛ e nin Krist-Jésus e yoli sran wunmuan'n, Nyanmiɛn boli ye uflɛ nan e `yo nyoliɛ kpakpa ng'ɔ dun mmua sieli ye kɛ e `yo'n.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

2 Tɛsalonikfuɛ Mun 2:17

be wla amun yakpa, man an jran kekle yo sa kwlaa ng'ɔ ti kpa'n, yɛ an kan ndɛ kwlaa ng'ɔ ti kpa'n.

1 Timote 3:1

Ndɛ ng'ɔ wo yɛ'n ɔ ti nanwlɛ weiin: sran ng'ɔ klo kɛ ɔ ´yo asɔnun sunianfuɛ'n, wuun ɔ klo junman b'ɔ ti kpa.

1 Timote 5:10

Man be wun kɛ ɔ yo sran'm be ye, yɛ ɔ niɛn i mma'm be su kpa, man be wun kɛ ɔ ti aklunyefuɛ, yɛ ɔ wunnzin Nyanmiɛn sran'm bé ja, man be wun ekun kɛ ɔ uka yalɛfuɛ mun, yɛ ɔ yo sa kpakpa'n kwlaa.

2 Timote 2:21

Ɔ man sran ng'ɔ yi i wun sa tɛ'm be yolɛ nun'n, ɔ ´yo kɛ talie klanman bɔ be fa di cɛn'n sa, ɔ ´kaci i Min'n liɛ, ɔ ´fa yo i wun sa ye, yɛ ɔ ´kwla fa yo like kwlaa ng'ɔ ti kpa'n.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Tite 3:1

Kpɛn bé wla kɛ be bu be nga be sie be'n nin be nga be jran bé ja nun'n be sran, man bé nyin yi be, sa kpa kwlaa nga be se be kɛ be yo'n, man be yo.

Tite 3:14

Kle e minniɛn'm be kusu kɛ be `di junman klanman nan b'a nyan like nga bé sa miɛn i wun'n, nán man be bubu bé sa nin bé ja tran su.

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.

Hébreu 13:21

ɔ man amun fanngan sa'n kwlaa nun nan an yo i klun sa. Jésus-Krist ti, man ɔ fa e yo like ng'ɔ klo'n. Man e la Krist ase tititi! Man ɔ yo sɔ!

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.