Matthieu 25:3 - NYANMIƐN NDƐ'N 1998

³ Sinnglinfuɛ'm be fali bé kannin'n, sanngɛ b'a fɛ-mɛn i nzue wie a tra-man nun.

Nyanmien nde Ufle

³ Sinnglinfue'm bé faa bé kannin'n, sannge ba fe'e i nzué a tra'a nun.

Matthieu 25:3 Iomraidhean Croise

Nyanndra Mun 31:18

Ɔ wun kɛ like ng'ɔ yo'n, ɔ nyɛn i nuan like. I kannin'n ɔ nuan-man kɔnguɛ.

Ezai 58:2

Cɛn kwlaa be fa bé wun mantan min. Be waan be ´si min atin nga n fa be'n. Be ´yo sa-a ɔ waan sran wie bɔ be yo sa kpa nan be yi-man be Nyanmiɛn'n i mmla b'ɔ sie'n i ase sa. Be waan n `di be jɔlɛ'm be kpa, be waan n `tran be afiɛn.

Ezekiɛl 33:3

Blɛ bɔ gladi difuɛ'n ɔ ´wun kɛ sonja nga be ti be kpɔfuɛ'm be su ba'n, ɔ ´bo awɛ nan i klɔfuɛ'm be siesie bé wun.

Matthieu 25:1

«I blɛ sɔ'n nun'n Nyanmiɛn sielɛ'n ɔ ´yo kɛ talua blu bɔ be fali bé kannin mun kɛ be ´ko kpa yasua kun b'ɔ su fa atɔnvlɛ'n i atin'n sa.

Matthieu 25:2

Be nun nnun be ti sinnglinfuɛ, yɛ nnun be ti ngwlɛlɛfuɛ.

Matthieu 25:4

Sanngɛ ngwlɛlɛfuɛ'm be fali bé kannin mun, yɛ be guɛ i nzue'n wie like wie nun trali nun.

2 Timote 3:5

be ´yo bé wun kɛ be sro Nyanmiɛn sa, sanngɛ be su lafi-mɛn i su kɛ ɔ kwla sa yo. Nán fa ɔ́ wun mantan sran sɔ mun.

Hébreu 12:15

An `nian amún wun kpa, nán man ye nga Nyanmiɛn yo sran'n ɔ to fuan sran fi nan klunwi'n i olui'n ɔ'a fɛfɛ-man, yɛ ɔ'a saci-man amun nan ɔ'a sa-man sran kpanngban'n ti .

Sa nglô yile 3:1

«Nian ndɛ nga n klo kɛ a klɛ ko man Sard lɔ asɔnun'n i anz'n yɛ: ‹M bɔ n lɛ Nyanmiɛn i Wawɛ nso'n, bɔ nzraama nso'n wo ń sa nun'n, n se kɛ yoo: N si amun nyoliɛ'n, sran'm be se kɛ amún nyin o su, sanngɛ amu'an wu.