Matthieu 24:7 - NYANMIƐN NDƐ'N 1998

⁷ Sanngɛ kɛ ɔ ko yo sɔ'n, wuun mɛn i awieliɛ nian ju-man ka. Nvle kun wa jao nvle kun wun, yɛ famiɛn kun wa jao i wiengu famiɛn kun wun. Lika wie'm be nun'n awe'n wa kpɛn, asiɛ'n ɔ wa keje.

Nyanmien nde Ufle

⁷ Sannge o su yô'e i awiélie. Nvlé kun wa dyaô nvlé kun wun, ye famien kun wa dyaô i wiéngu famien kun wun. Lika wié'm bé nun awé wa kpen, asie'n o wa kédyé.

Matthieu 24:7 Iomraidhean Croise

2 Be Nyoliɛ 15:6

Nvle kun saci nvle uflɛ, klɔ kun saci klɔ uflɛ, yɛlɛ kɛ Nyanmiɛn fali nyrɛnnɛn fanunfanun yili bé su.

Ezai 19:2

Anannganman waan: «N wa yo man Eziptfuɛ'm be ngunmin ngunmin be ´kun, sran kun nin niaan be ´tu, sran kun nin i janvuɛ be ´kan ndɛ, klɔ kun nunfuɛ'm be nin klɔ uflɛ nunfuɛ'm be ´kun, famiɛn kun wa jaso i wiengu famiɛn kun wun.

Ezai 29:6

Anannganman b'ɔ sie mɛn wunmuan'n ɔ wa nian amun osu. Kɛ ɔ ´ba'n, nyanmiɛn'n ɔ ´kpla, asiɛ'n ɔ ´keje, nganniɛn dan kpa kun ´tɛ, seke'n ´tu, aunngban dan kun ɔ ´fita, yɛ sin dan kun ɔ ´jue vlauun-vlauun.

Ezekiɛl 14:21

I sin Anannganman Nyanmiɛn'n wan yoo: «Kannzɛ bɔ nyrɛnnɛn dandan nnan nga n ´fa yi Zerizalɛm klɔ'n su'n, i alɛ o, i awe o, i nnɛn tɛtɛ o, i tukpacɛ b'ɔ sa ndɛndɛ o,

Ezekiɛl 21:27

Cua ng'ɔ ti Zerizalɛm nzɔliɛ'n ɔ tɔli i sa fama'n nun. I ti ɔ wa wla i sonja'm be su nun kɛ be fa alɛ kpanlɛ be wlu lɔ. Be ´fa alɛ mannzin mun ´kɔ sie klɔ'n nun sua'm be anuan'm be nyrun lɛ. Be ´kplan nyrɛn mun. Yɛ be ´fu buɛ bɔ be fia nun be kun alɛ'n.

Zakari 14:13

I sɔ blɛ'n nun'n, Anannganman'n ´fa utre dan kpa yi be afiɛn. Be ´sɔsɔ be wiengu sa, be ´bo be wiengu acɔliɛ.

JÉSUS-CHRIST I DYASIN FE'N BO LUC KLELI'N 21:11

Asiɛ'n wa keje dan kpa, yɛ lika wie'm be nun'n, tukpacɛ bɔ sa ndɛndɛ'n ɔ wa sɔn, yɛ awe wa kpɛn. Be wa wun like sroesroe wie mun nin abonuan sa dandan Nyanmiɛn su lɔ.

Sa nga bé yôli'n 11:28

Be nun kun bɔ be flɛ i kɛ Agabis'n, ɔ jaoli nan Nyanmiɛn Wawɛ'n man ɔ'a se kɛ awe dan kpa ɔ wa kpɛn mɛn wunmuan'n nun. Klod blɛ su yɛ awe sɔ'n kpɛnnin-ɔn.

Sa nga bé yôli'n 2:19

N ´yo abonuan sa nyanmiɛn'n su lɔ, yɛ n ´yi atrɛ asiɛ'n su wa. Be ´wun mmoja nin sin, ɔ nin sin wɛnsrɛn dan.

Hébreu 12:27

Kɛ ɔ se kɛ ɔ ´keje i «Ekun'n» ɔ kle weiin kɛ i yɛ ɔ ´yi like nga ɔ keje be'n be lɛ-ɔ, afin i yɛ ɔ yili be-ɔ, nan nga ɔ'a keje-man be'n be ka lɛ .

Sa nglô yile 6:12

N niannin lɔ, yɛ n wunnin kɛ Bua Gbanflɛn'n kpɛli like nga be fa cicili fluwa'n i nsiɛn su'n nun. I sin, asiɛ'n kejeli dan kpa, wia'n dunnin tuun kɛ bunnde sa, yɛ anglo'n ɔ bloli youun kɛ mmoja sa .

Sa nglô yile 6:5

Kɛ Bua Gbanflɛn'n kpɛli like nga be fa cicili fluwa'n i nsan su nun'n, n tili like bɔ be ti kɛ nnɛn sa'n be nun kun bɔ i nyrun'n fa sran'n kɛ ɔ seli kɛ: «Bla!» N ´nian-an, nnɛn kpanngɔ ble kun yɛ. Toe kun o sran ng'ɔ ti su'n i sa nun.

Sa nglô yile 6:6

Yɛ n tili sran kun nɛn like nnan bɔ be ti kɛ nnɛn sa'n be afiɛn lɛ, ɔ seli kɛ: «Awie kilo kun denie kun, yɛ ɔrz kilo nsan denie kun. Sanngɛ ngo'n nin nzan'n, nán ɔ sa kan be .»

Sa nglô yile 6:8

N ´nian-an, nnɛn kpanngɔ nzuɛn-nzuɛn kun yɛ. Sran ng'ɔ ti su'n, be flɛ i Wie, yɛ lika nga be flɛ i blɔlɔ'n ɔ su i su. Be bubuli asiɛ'n sufuɛ'm be nun fa nnan, be mannin be atin kɛ be kun be nun fa kun. Be fa tokofi, nin awe, nin tukpacɛ ɔ nin asiɛ'n su nnɛn nga be yo wlɛ'n yɛ be fa kun be-ɔ .