Matthieu 24:42 - NYANMIƐN NDƐ'N 1998

⁴² I sɔ'n ti, an `tran minndɛ, yɛlɛ kɛ an si-man cɛn nga amun Min'n ɔ ´ba nun-ɔn.

Nyanmien nde Ufle

⁴² I so'n ti, anh tran minnde, yele ke an si'a tyen nga amun Min'n oh bah nuon.

Matthieu 24:42 Iomraidhean Croise

Matthieu 24:36

«Cɛn sɔ'n nin i dɔ'n, sran fi si-mɛn i, san min Si kunngba cɛ yɛ ɔ si i-ɔ. M bɔ n ti i Wa'n bɔbɔ n si-mɛn i, yɛ nyanmiɛn su lɔ anz'm be kusu be si-mɛn i.

Matthieu 24:43

Man amun wun i wlɛ kɛ, sɛ awlo bo kpɛn kun si kɔnguɛ dɔ nga awiefuɛ'n ´ba su'n, ɔ ´tran minndɛ i, ɔ su yaci-mɛn i lɛ kɛ ɔ fiti i sua'n.

Matthieu 24:44

I sɔ'n ti, amun kusu an `buabua amún wun sie, afin m bɔ n kacili Sran'n m ´ba dɔ nga an bu-man min akunndan'n su.»

Matthieu 25:10

Kɛ be ´kɔ i tolɛ'n yɛ bian'n juli lɛ-ɔ, be nga be buabuali bé wun'n, be nin bian'n be wluli kan be fa atɔnvlɛ'n lɔ'n nan b'a to anuan'n nun.

Matthieu 25:13

Yɛ Jésus seli be kɛ: I ti'n, an `tran minndɛ, afin an si-man cɛn'n nin dɔ'n.»

JÉSUS-CHRIST I DYASIN FE'N BO LUC KLELI'N 21:34

An `sasa amún wun, nán an yo aliɛ safuɛ mun nin nzanboɛfuɛ mun, nán an koko ninnge'm be ti, sɛ an yo sɔ'n, ɔ cɛ-man nan cɛn sɔ'n ɔ'a fu amun nun.

JÉSUS-CHRIST I DYASIN FE'N BO LUC KLELI'N 21:36

I sɔ'n ti, an `tran minndɛ i cɛn kwlaa, an `srɛ Nyanmiɛn nan an kwla fite sa b'ɔ wa ba mɛn nun'n i kwlaa i nun nan amun `kwla jran m bɔ n kacili Sran'n min nyrun.

Rɔmfuɛ Mun 13:11

Amun bɔbɔ an si blɛ nga e o nun yɛ'n, ɔ-man amun bɔ an ti kɛ sran b'ɔ su lafi sa'n, amun tinngelɛ'n ɔ'a ju, afin é ti nyanlɛ'n ɔ'a mantan e koko a tra i nun nga e lafili Krist su i klikli nun'n.

1 Korɛntfuɛ Mun 16:13

An `nian amún wun kpa, an `lafi Krist su, an `jran kekle, an `yo man be wun kɛ an ti yasua bɔ amun anwlɛn sɔ .

1 Tɛsalonikfuɛ Mun 5:6

I sɔ'n ti, nán man e lafi kɛ sran wie'm be liɛ'n sa, sanngɛ man e nian é wun su e tran minndɛ i.

1 Piɛr 4:7

Like'n kwlaa be awieliɛ'n ɔ'a mantan. I sɔ'n ti, an `bu akunndan, yɛ an `nian amún wun su nan amu'an kwla koko yalɛ a kle Nyanmiɛn.

1 Piɛr 5:8

An `sasa amun wun, an `nian-nian! Afin mmusu'm bé si Satan b'ɔ ti amun kpɔfuɛ'n, ɔ ti kɛ asɔmɔli b'ɔ wlan-wlan ɔ kpan kunndɛ nnɛn'n sa.

Sa nglô yile 16:15

E Min waan: «Nian, m ´ba kɛ awiefuɛ sa! Sran ng'ɔ tran minndɛ, b'ɔ niɛn i tralɛ'm bé su'n, b'ɔ man ɔ su fɛ-mɛn i wun kplɛn sin-man'n, b'ɔ man ɔ su wun-man nyannzuɛn'n, i liɛ su ti ye!»