Matthieu 24:35 - NYANMIƐN NDƐ'N 1998

³⁵ Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

Nyanmien nde Ufle

³⁵ Nyanmien'n nin asie'n béh sinh, sannge min nde'n i ble'n su si'an lé.

Matthieu 24:35 Iomraidhean Croise

Jue Mun 102:26

Kɛ ɔ fin lalafuɛ nun'n, wɔ yɛ a yili asiɛ nin-ɔn, ɔ́ sa nuan like yɛlɛ nyanmiɛn'n b'ɔ la nglo lɔ plaii'n.

Jue Mun 119:89

Anannganman, ɔ ndɛ'n ɔ su sin-man le, kɛ ɔ o nyanmiɛn su lɔ'n yɛ ɔ o-ɔ .

Jue Mun 19:7

Ɔ fɛ i nyanmiɛn'n i bue kun lɔ ɔ kɔ lele kpɛn i bue kun lɔ ekun. Like fi nun-man lɛ b'ɔ kpɛjɛ-mɛn i su-ɔ.

Jue Mun 89:34

Sanngɛ nán kɛ n su yo-man be kpa kun ti-ɔ. N su kaci-man, like nga min waan n ´yo man be'n san n ´yo.

Nyanndra Mun 30:5

Nyanmiɛn ndɛ'n i kwlaa ti nanwlɛ lele kpe nun. Be nga be talo Nyanmiɛn'n, ɔ sasa be kɛ nyrɛn sa.

Ezai 34:4

Nglo lɔ ninnge'm be kwlaa be ´kaci kɛ ndutre sa. Be ´nyɔnnyɔn nyanmiɛn'n b'ɔ la nglo lɔ plaii'n kɛ be nyɔnnyɔn fluwa'n sa, nzraama'm be ´gua kɛ vinyi annzɛ figie nnya bɔ ɔ'a wu b'ɔ su kpɔngbɔ gua'n sa .

Ezai 40:8

Ijre'n ɔ wu, yɛ i nyrɛ'n ɔ gua, sanngɛ Nyanmiɛn'n i ndɛ'n ɔ tran lɛ tititi .»

Ezai 51:6

Amun `man amún nyin'n su be `nian nglo lɔ, amun `kan amún ti ase be `nian asiɛ'n. Afin nyanmiɛn'n su ɔ ´kpɛ wiaa kɛ sin wɛnsrɛn b'ɔ wie'n sa. Asiɛ'n ɔ ´saci kɛ tralɛ b'ɔ titi'n sa, yɛ i su sran'm be ´wu kɛ ngɔnsiɛn'm be sa. Sanngɛ delɛ nga n ´de sran mun'n, ɔ su yo-man le kunngba liɛ, n ´yo i sɔ tititi. Yɛ n su yaci-man sa kpa'n i yolɛ le .

Ezai 54:10

Kannzɛ man oka'm be jaso be takawlɛ'n nun'n, kannzɛ man kpɔlɛ'm be keje bɔbɔ'n, klolɛ nga n fa klo amun'n, ɔ su kaci-man le, yɛ nda nga n tali amun kɛ m ´man amun alaje'n, ɔ ´ka lɛ tititi. Min Anannganman bɔ n si amun aunnvuɛ'n, min yɛ n se sɔ-ɔ.»

Ezai 55:11

kɛ min ndɛ b'ɔ fin mín nuan fite'n ɔ ti sɔ-ɔ, sɛ ɔ ti sran'n, wuun n ´se kɛ ɔ sɛ-mɛn i sin mín wun wa sa ngbɛn, san ɔ ´yo min klun sa, san ɔ ´yo nga bɔ i ti yɛ n sunmɛnnin i'n.»

Daniɛl 4:28

I nuan'n tɛ o ndɛ'n su kpɛkuun be osu kunngba'n nun lɛ be tili sran kun nnɛn nyanmiɛn su lɔ, ɔ seli i kɛ: «Famiɛn Nɛbikadnɛzar, sie ɔ́ su. Ɔ famiɛn diwlɛ'n ɔ'a fi ɔ́ sa.

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

Matthieu 5:18

Afin nanwlɛ, n kan kle amun kɛ be su nunnun-man mmla'n i nun fluwa mma kaan kun annzɛ i nun ndɛ kaan kun lele san kɛ nglo'n nin asiɛ'n be nun-man lɛ kun'n. San i kwlaa sɔ'n ɔ ´kpɛn su.

Marc 13:31

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

JÉSUS-CHRIST I DYASIN FE'N BO LUC KLELI'N 21:33

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

1 Piɛr 1:25

Sanngɛ e Min'n i ndɛ'n wo lɛ tititi .» Ndɛ sɔ'n yɛ kɛ be ´kan jasin fɛ'n be kan kleli amun nin-ɔn.

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Sa nglô yile 3:14

«Nian ndɛ nga n klo kɛ a klɛ ko man Laodise lɔ asɔnun'n i anz'n yɛ: ‹M bɔ be flɛ min Man-ɔ-yo-sɔ'n, bɔ n kan ndɛ nanwlɛ'n, bɔ be kwla fa bé wla gua n su'n, bɔ min yɛ Nyanmiɛn man n yili like'n kwlaa'n, n se kɛ yoo :

Sa nglô yile 6:14

Nyanmiɛn b'ɔ la nglo lɔ plaii'n ɔ nyɔnnyɔnnin kɛ fluwa bɔ be nyɔnnyɔn i'n sa, yɛ oka nin asiɛ nga nzue sin yia be'n be jaoli be osu'n nun lɛ.