Matthieu 24:31 - NYANMIƐN NDƐ'N 1998

³¹ Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

Nyanmien nde Ufle

³¹ Ke awe'n kô te'n, nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n, ke o fin nyanmien'n i bué kun su lélé fa dyu i bué kun ékun.

Matthieu 24:31 Iomraidhean Croise

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 67:7

Fie'm bé su ninnge'm be yoli kpa, Nyanmiɛn b'ɔ ti e Nyanmiɛn'n, ɔ yo é wun sa ye.

Jue Mun 81:3

Amun `man jue su, amun `bo klɛn mma mun, amun `bo jru mun nin sanngo mun.

Ezipt Lɔ Tulɛ'n 19:16

Cɛn ba nsan su'n, i nglɛmun nun'n, be tili kɛ nyanmiɛn su kpan kplannan kplannan oka'n su lɔ. Be wunnin kɛ nyanmiɛn'n kpa sin piapiapia lɔ, yɛ be wunnin sin wɛnsrɛn kpikplikpi kun lɔ ekun. Be tili awɛ kun tɛlɛ kekle kpa. Kɛ Izraɛlfuɛ'm be o ngblaliɛ'n nun lɔ'n, be usuli kpa'n sa tututu.

Ezai 11:12

Ɔ ´kplan nzɔliɛ kun fa man nvle-nvle mun. Ɔ wa flɛflɛ Izraɛlfuɛ nga be kannin bé bo bé mɛn nun'n. Ɔ wa tian Zidafuɛ nga be bo sanndili asiɛ'n i bue nnan'n su'n be nuan.

Ezai 13:5

Be fin mɛn kun nun mmua kpa, be fin asiɛ'n i tiwa lɔ yɛ be ba-a. Anannganman nin be ng'ɔ fa be yi i ya'n i nglo'n be ´fa nyrɛnnɛn be ´yi mɛn wunmuan'n su.

Ezai 27:13

I cɛn sɔ nun'n, be ´fita nnɛn wɛ dan'n nun. Yɛ be nga be sanngan Asirifuɛ'm be nun'n, ɔ nin be nga be bo sanndili Ezipt mɛn'n nun'n, be ´koto Anannganman i bo oka b'ɔ ti i liɛ'n klonglo'n b'ɔ o Zerizalɛm lɔ'n su .

Ezai 42:10

Amun `to jue uflɛ uflɛ kun fa manman Anannganman. Kɛ ɔ fɛ i asiɛ'n awieliɛ lɔ lele ba'n, amun nga bɔ amun wlan-wlan jenvie'n nyin su'n, amun nga bɔ amun klɔ'm be o jenvie'n su'n, amun nga bɔ amun tran jenvie nuan mmua mmua lɔ'n, amun `manman Anannganman.

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 49:18

Amun `man amún nyin'n su be nian-nian, amun mma'm be kwlaa b'a yia be su ba amún sin.» Anannganman seli ekun kɛ: «N kan m bɔbɔ min ti! Sɛ be ti bé wun wlawlalɛ like'n, wuun amun ´fa be wlawla amún wun. Sɛ be ti kplo'n, wuun n ´se kɛ amun ´fa be ci amun afiɛn kɛ bla kun b'ɔ su kɔ aja'n ɔ fɛ i cisu ci i afiɛn'n sa.

Ezai 60:4

Nian-nian sin yia nun, nian, ɔ mma'm be kwlaa b'a yia be su ba ɔ́ sin. Ɔ mma yasua'm be fin mmua lɔ be su ba, sran'm be fa ɔ mma bla mun bé sa su yɛ be ba-a.

Daniɛl 7:2

Ɔ seli kɛ: «Kɔnguɛ kɛ n ´cɛn laliɛ'n, n wunnin kɛ aunngban'n ɔ fin mɛn'n i bue nnan'n su ba sa vuu yɛ ɔ wa fitali jenvie dan'n su.

Zakari 14:5

Kpɛkuun amun ´wanndi be ´sin oka bue nnyɔn sɔ'm be afiɛn kongo'n nun. Kongo sɔ'n fɛ i lele kpɛn Atzɛl. Amun ´wanndi kɛ Zida famiɛn Ozias blɛ su asiɛ b'ɔ kejeli bɔ amun nannan'm be fa wanndili'n sa. Kpɛkuun Anannganman min Nyanmiɛn'n ɔ ´ba, ɔ nin i anz'm be kwlaa yɛ be ´ba-a .

Zakari 2:6

Yɛ n usɛli i kɛ: «?A ´ko nin?» I waan: «N ´ko sunnzun Zerizalɛm, n ´nian kɛ i tɛtrɛ nun nin i tɛnndɛn nun be fa ti'n.»

Zakari 6:5

Kpɛkuun anz'n tɛli min su kɛ: «Aunngban bue nnan nga be fɛ i wa be fɛ i wa be ko jrannin mɛn wunmuan'n i Min'n nyrun'n be su kɔ siɛn'n .»

Zakari 9:10

Ɔ ´yi alɛ kakaklolo mun Efraim lɔ. Ɔ ´yi alɛ kunlɛ ta mun, ɔ ´kan fɔundi ndɛ kle mɛnmɛnfuɛ mun. Kɛ ɔ fɛ i jenvie ng'ɔ ti njin nzue klakla'n i nuan b'ɔ ´fa ju Mediterane jenvie'n nuan'n, yɛ kɛ ɔ fɛ i Efrat nzue ba'n nuan b'ɔ ´fa ju asiɛ'n i awieliɛ lɔ'n, i yɛ ɔ ´sie-ɔ .

Zakari 9:14

Anannganman'n ´fite i sran'm bé ti su nglo. I ta mma'n ɔ ´tu kɔ kɛ nyanmiɛn b'ɔ su kpa sin'n sa. Anannganman Nyanmiɛn'n ɔ ´bo awɛ, kpɛkuun ɔ ´ba mɛn'n i ngua lɔ lika'n nun lɔ aunngban dan'n i nun.

Matthieu 13:41

M bɔ n kacili Sran'n, n ´sunman min anz mun kɛ be wa yi be kwlaa nga be saci sran'm be ti nun'n nin be bɔ be bo tete'n min mɛn'n nun

Matthieu 24:22

Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 24:32

«An `fa sunnzun figie'n be nian. Kɛ ɔ ´nyrɛn, bɔ i nnya'n ´trɛ'n, an si kɛ munngun'n ɔ'a mantan.

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Marc 13:27

N ´sunman min anz mun, be wa yia be bɔ Nyanmiɛn fali be bɔ be o mɛn wunmuan nun'n kɛ ɔ fin asiɛ'n i awieliɛ lɔ lele fa ju nyanmiɛn'n i awieliɛ'n lɔ.»

JÉSUS-CHRIST I DYASIN FE'N BO LUC KLELI'N 24:47

Yɛ i dunman nun be ´kan kle nvle-nvle be nunfuɛ'm be kwlaa kɛ be kaci be nzuɛn'n nan Nyanmiɛn yaci sa nga be yoli i'n cɛ be. Be ´bo i kanlɛ'n bo Zerizalɛm wa.

Jean 11:52

Nán kɛ nvle sɔ'n ngunmin ti-ɔ, sanngɛ ɔ ´yo sɔ nan Nyanmiɛn `kɛn i mma'm bɔ be sanndili'n be kwlaa bo nun.

Rɔmfuɛ Mun 10:18

N se kɛ yoo: ?B'a ti-man? Be tili i kpa, afin be klɛli i kɛ: «Be kannin ndɛ lika'n kwlaa, yɛ be tili be ndɛ'n mɛn wunmuan'n nun .»

Efɛzfuɛ Mun 1:10

Sa sɔ'n bɔ i waan ɔ ´yo'n, sɛ i cɛn'n ju'n, ɔ ´yo. Sa sɔ'n yɛlɛ kɛ ɔ ´kan sran'm be kwlaa nin asiɛ'n su like'n kwlaa nin nyanmiɛn su lɔ liɛ'n kwlaa bo nun, yɛ ɔ ´fa Krist sie bé su.

Mmla'n 30:4

Sɛ bɔ be trali amun ɔli mɛn'n i tiwa lɔ'n, Anannganman Nyanmiɛn'n ɔ ko yia amun lɔ, amun ´ba.

Mmla'n 4:32

Amun `bu sa nga be juli lalafuɛ nun'n i sin nan b'a wu amun'n i akunndan. ?Kɛ ɔ fin cɛn bɔ Nyanmiɛn boli sran jrɛli i asiɛ'n su'n, yɛ kɛ ɔ fɛ i asiɛ'n i bue kun lele b'ɔ ´fa guɛ i bue kun ekun lɔ'n, sa dan kɛ nga sa ɔ'a ju le? ?B'a kɛn i sɔ ndɛ amu'an ti i le?

1 Tɛsalonikfuɛ Mun 4:16

Kɛ be ti kɛ sran kun kpan'n, bɔ be ti anz kpɛnngbɛn'n i nɛn'n, bɔ be ti Nyanmiɛn i awɛ'n i tɛlɛ'n cɛ'n, kpɛkuun e Min'n bɔbɔ fin nyanmiɛn su lɔ su jra. Kristfuɛ nga be wuli'n, be ´cɛn dun mmua e nyrun,

2 Tɛsalonikfuɛ Mun 2:1

Aniaan mun, e Min Jésus-Krist i balɛ'n nin yialɛ nga e ´ko yiɛ i wun lɔ'n i ndɛ liɛ'n, e ´srɛ amun ,

Hébreu 12:19

Be tili awɛ tɛlɛ, ɔ nin sran kun nɛn. Kɛ be tili i nɛn'n, be waan nán man ɔ kan ndɛ kle be kun

Sa nglô yile 1:20

Nian, nzraama nso bɔ a wunnin be min sa fama nun'n, nin sika ɔkwlɛ kannin nso bɔ be jinjin lɛ'n, bé bo'n yɛ: nzraama nso'n be ti asɔnun nso'm be anz mun, yɛ sika ɔkwlɛ kannin nso bɔ be jinjin lɛ'n be ti asɔnun nso mun.»

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 7:1

I sin, n wunnin anz nnan be jinjin asiɛ'n i cɔnjɔ nnan'n bé su. Be jin aunngban b'ɔ fin asiɛ'n i bue nnan su'n nun, be tra nun kɛ nán man ɔ fita asiɛ'n nin jenvie'n bé su yɛ nán man ɔ fita waka fi kun .

Sa nglô yile 8:2

N wunnin anz nso'n bɔ be jran Nyanmiɛn nyrun'n, be mannin be awɛ nso.