Matthieu 24:29 - NYANMIƐN NDƐ'N 1998

²⁹ «Kɛ cɛn sɔ'n nun nyrɛnnɛn liɛ'n ko sin cɛ'n, wia'n ´kaci tuun, anglo'n su ta-man kun, nzraama'm be ´fin nyanmiɛn su lɔ gua, yɛ be wa keje nyanmiɛn su lɔ ninnge ngbli-ngbli'm be nun .

Nyanmien nde Ufle

²⁹ Ke tyen so'n nun nyrennen lie'n kô sin tye'n, wia'n katyih tuun, anglô'n su ta'a kun, nzraama'm béh finh nyanmien su lo gua, ye bé wa kédyé nyanmien su lo ninngé ngblingbli'm bé nun.

Matthieu 24:29 Iomraidhean Croise

Akunndanfuɛ'n 12:2

Blɛ sɔ nun'n, wia'n nin lika b'ɔ kpaja, nin anglo'n, nin nzraama'm be ´yaci kpajalɛ, kpɛkuun kɛ nzue'n ko tɔ b'ɔ ko kpɛ'n, ɔ ´mlan ekun.

Ezai 13:10

Nglo lɔ nzraama'm be su kpaja-man kun. Kɛ wia'n ɔ fite cɛ'n, kpɛkuun ɔ'a nuan, yɛ anglo'n ɔ su ta-man kun .

Ezai 24:23

Sɛ anglo'n ti sran'n, wuun e ´se kɛ nyannzuɛn ´kun i. Sɛ wia'n kusu ti sran'n, wuun e ´se kɛ i nyin ɔ ´gua ase. Afin Anannganman bɔ sie mɛn wunmuan'n, ɔ ´sie Zerizalɛm b'ɔ o Siɔn oka'n su'n. Yɛ i nyrun'n ɔ ´yo nyɛnnyɛnnyɛn i anyia nunfuɛ'm be nyrun lɛ.

Ezai 34:4

Nglo lɔ ninnge'm be kwlaa be ´kaci kɛ ndutre sa. Be ´nyɔnnyɔn nyanmiɛn'n b'ɔ la nglo lɔ plaii'n kɛ be nyɔnnyɔn fluwa'n sa, nzraama'm be ´gua kɛ vinyi annzɛ figie nnya bɔ ɔ'a wu b'ɔ su kpɔngbɔ gua'n sa .

Zoɛl 2:10

Kɛ be ´ba'n, asiɛ'n keje, nyanmiɛn'n b'ɔ la nglo lɔ plaii yo kɛ ɔ su wa bu tɔ sa, wia'n kpan-man kun, anglo kusu ta-man kun, be wun-man nzraama'm be wun kun .

Amɔs 5:20

?Anannganman i cɛn'n nun'n, lika'n ´kpaja? Ɔ siɛ mlɔnmlɔn! Ɔ ´yo aosin cɛn, lika'n ´lu tritritri! Be su wun-man kɛ lika'n ɔ kpaja bɔ kaan sa!

Amɔs 8:9

Anannganman'n waan: «Cɛn sɔ'n nun'n, kɛ wia'n ´ju bé ti afiɛn sɛsɛ'n, n ´yo man lika'n ´ka lɛ lu tuun wia sɔ'n nun lɛ, aosin'n ´wla asiɛ wunmuan'n su .

Matthieu 24:21

Afin blɛ sɔ'n nun'n, nyrɛnnɛn'n ɔ ´yo dan bɔ kɛ ɔ fin mɛn'n i bo bolɛ'n nun lele ndɛ, i wunsu nian yo-man le yɛ i wunsu su yo-man kun le .

Matthieu 24:8

I kwlaa sɔ'n ti nyrɛnnɛn'n i bue nuan kaan sa.

2 Piɛr 3:10

E Min'n i balɛ'n ɔ ´fu e nun kɛ awiefuɛ sa. Cɛn sɔ'n nun nyanmiɛn su lɔ'n ´kpla wuu, kpɛkuun be su wun-mɛn i kun. Yɛ nyanmiɛn su lɔ ninnge'm be ´yra, yɛ asiɛ'n nin i su ninnge'n kwlaa be ´nunnun .

Sa nglô yile 8:12

Kɛ be nnan su'n boli i awɛ liɛ'n, be kpacikpacili wia'n nin anglo'n be nun nsan nsan, be bue kun dunnin tuun. Be bubuli nzraama'm be nun akpasua nsan, akpasua kun kpaja-man. Ɔ man wia nun'n, wia'n ɔ bo-man kpa, yɛ kɔnguɛ'n anglo'n nin nzraama'm be ta-man kpa .