Matthieu 24:27 - NYANMIƐN NDƐ'N 1998

²⁷ Afin kɛ nyanmiɛn'n kpa sin wia afiliɛ lɔ b'ɔ kpaja lele ju wia atɔliɛ lɔ'n, kɛ m bɔ n kacili Sran'n m balɛ'n ɔ ´yo sɔ-ɔ.

Nyanmien nde Ufle

²⁷ Afin ke nyanmien'n kpasin wia afilie lo o kpadya lélé dyu wia atolie lo'n, ke m bo n katyii Swran'm m bale'n oh yôh soo.

Matthieu 24:27 Iomraidhean Croise

Zɔb I Nyrɛnnɛn Wunlɛ 37:3

I nɛn'n ɔ tɛ nyanmiɛn wunmuan'n su. Nyanmiɛn'n ɔ kpa sin kpɛkuun ɔ kpaja asiɛ wunmuan'n su.

Zɔb I Nyrɛnnɛn Wunlɛ 38:35

?Wɔ yɛ a sunman nyanmiɛn b'ɔ kpa sin'n i lika yɛ ɔ kɔ-ɔ? Ɔ se wɔ kɛ: «?Like nga ɔ waan n yo'n, n yoli?»

Ezai 30:30

Anannganman ɔ wa ijɔ, ɔ man be ´ti i nɛn'n b'ɔ yo sro'n. Kɛ ɔ fa ya'n, wafa ng'ɔ fɛ i sa bo sran'n, ɔ ´yi i nglo. Ɔ ´yi i nglo sin dan kun b'ɔ ´jue vlauun-vlauun'n nun, ɔ nin nzue kun b'ɔ ´tɔ, b'ɔ ´yi ɔ fa lika kwlakwla'n i nun, ɔ nin aunngban dan kun b'ɔ ´fita'n nun, yɛ ɔ nin nzraama bɔ kɛ nzue ´tɔ ɔ gua'n i nun.

Ezekiɛl 1:14

Nnɛn sɔ'm be tru ko guɛ i wa, be tru ko guɛ i wa. Be wanndi ndɛndɛ kpa kɛ ngblannan ba b'ɔ su kpɛn'n sa.

Zakari 9:14

Anannganman'n ´fite i sran'm bé ti su nglo. I ta mma'n ɔ ´tu kɔ kɛ nyanmiɛn b'ɔ su kpa sin'n sa. Anannganman Nyanmiɛn'n ɔ ´bo awɛ, kpɛkuun ɔ ´ba mɛn'n i ngua lɔ lika'n nun lɔ aunngban dan'n i nun.

Malasi 3:2

?Cɛn ng'ɔ ´ba'n, wan cɛ yɛ ɔ kwla jrɛn i nyrun-ɔn? ?Cɛn nga amun nyinma guɛ i wun'n, amun nun onin yɛ ɔ ´kwla jrɛn i ja'n su nglo-ɔ? Ɔ ´yo kɛ tunnzue sin sa, ɔ ´yo kɛ sanmlan bɔ be fa kpu ninnge'n sa .

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Matthieu 16:28

Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ m bɔ n kacili Sran'n n su ba m ma di n famiɛn nin-ɔn.

Matthieu 24:26

I sɔ'n ti, sɛ be se amun kɛ ɔ o aawlɛ flɛnnɛn nun lɔ'n, nán an wɔ, sɛ be se amun kɛ an `nian ɔ o sua lɔ'n, nán an fa su.

Matthieu 24:3

Ɔ ko trannin ase Olivie Oka'n su. Yɛ i sɔnnzɔnfuɛ'm be bɛli i wun lɛ nan b'a usɛ i blɛlɛ kɛ: «?Blɛ onin yɛ sa sɔ'm be ´yo-ɔ, yɛ nguɛ yɛ ɔ ti ɔ balɛ'n nin mɛn'n i awieliɛ'n i nzɔliɛ nin-ɔn? Kle ye.»

Matthieu 24:37

Kɛ m bɔ n kacili Sran'n n wa ba'n, sran'm be ´yo kɛ Noe i blɛ su'n sa.

Matthieu 24:39

B'a bu-man like fi akunndan lele nzue dan'n ɔ wa fa be kwlaa ɔli. Kɛ m bɔ n kacili Sran'n m balɛ'n ɔ wa yo sɔ-ɔ .

Matthieu 24:44

I sɔ'n ti, amun kusu an `buabua amún wun sie, afin m bɔ n kacili Sran'n m ´ba dɔ nga an bu-man min akunndan'n su.»

Matthieu 8:20

Jésus seli i kɛ: «Solongbi'm be lɛ kunman be la nun, yɛ anunman'm bɔ be tu sin'n be lɛ lawlɛ, sanngɛ m bɔ n kacili Sran'n, n lɛ-man lika bɔ n la nun n de wunmiɛn bɔ kan-an.»

Jacques 5:8

Amun kusu, an `tra amun anwlɛn, yɛ an `jran kekle, afin e Min'n i balɛ'n ɔ'a mantan.

2 Piɛr 3:4

be ´se kɛ: «?Ɔ seli amun kɛ ɔ ´ba, nɛ́n i-ɔ? ?Yɛ ɔ o nin? Kɛ ɔ fin lalaa'n bɔ e nannan'm be wuli'n, like nga Nyanmiɛn yili be'n, be kwlaa be tɛ o be osu'n nun.»