Matthieu 24:21 - NYANMIƐN NDƐ'N 1998

²¹ Afin blɛ sɔ'n nun'n, nyrɛnnɛn'n ɔ ´yo dan bɔ kɛ ɔ fin mɛn'n i bo bolɛ'n nun lele ndɛ, i wunsu nian yo-man le yɛ i wunsu su yo-man kun le .

Nyanmien nde Ufle

²¹ Afin ble so'n nun nyrennen'n oh yôh dan, bo ke o fin men'n i bôbôle'n nun lélé nde i wunsu nian yô'a le, ye i wunsu su yô'a kun lé.

Matthieu 24:21 Iomraidhean Croise

Ezekiɛl 5:9

N wa kle amun nun. Sa nga n wa fa wla amun nun'n, n nian yo-mɛn i sɔ le. Yɛ n su yo-mɛn i sɔ'n wie kun le. Afin tete sa dan kpa yɛ an yoli-ɔ .

Daniɛl 12:1

«I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Daniɛl 9:26

Sɛ blɛ ablesiɛn-nin-nnyɔn sɔ'n wie'n, be wa kun sran bɔ be guɛli i ti su ngo'n, sran fi su kpli-mɛn i ti. I sin, kpɛnngbɛn kun wa ba, ɔ nin i sonja'm be wa saci klɔ'n nin Nyanmiɛn i lika'n. Ɔ nin i sɔ'n ngba, kpɛnngbɛn sɔ'n, awieliɛ'n ɔ wa wie i Nyanmiɛn i ya'n i bo. Sanngɛ lele b'ɔ ´fa ju i wie cɛn'n, ɔ wa kun alɛ, ɔ ´saci like kpa liɛ su, kɛ be sieli i sɔ-ɔ .

Zoɛl 1:2

Ngbɛn mun, an `tie, amun kwlaa nga amun o Zida mɛn'n nun'n, amun `sie amún su be `tie ndɛ. ?Sa kɛ nga sa ɔ'a yo amun nyrun le? ?Sa kɛ nga sa ɔ'a yo amun nannan'm be nyrun le?

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Matthieu 24:20

An `srɛ Nyanmiɛn kɛ nán man amun wanndilɛ'n yo ayrɛ nun annzɛ wunmiɛn-delɛ-cɛn'n nun.

Matthieu 24:29

«Kɛ cɛn sɔ'n nun nyrɛnnɛn liɛ'n ko sin cɛ'n, wia'n ´kaci tuun, anglo'n su ta-man kun, nzraama'm be ´fin nyanmiɛn su lɔ gua, yɛ be wa keje nyanmiɛn su lɔ ninnge ngbli-ngbli'm be nun .

Marc 13:9

An `sasa amun wun, afin be wa fa amun ´man jɔlɛ difuɛ mun, yɛ be ´bo amun Nyanmiɛn ndɛ suanlɛ nin i srɛlɛ sua'm be nun. Kɛ ɔ ´yo nan amu'an kan min ndɛ a kle kpɛnngbɛn mun nin famiɛn mun'n, min ti be ´fa amun kɔ bé ja su.

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

1 Tɛsalonikfuɛ Mun 2:16

Be waan be ´yo sɔ nan nán man e kan ndɛ kle be nga be ti-man Zuif nan be `nyan be ti. Kɛ be yo sɔ'n, ɔ man bé sa tɛ nga be yo'n ɔ gua su tititi. Sanngɛ siɛn'n, Nyanmiɛn i ya'n ɔ'a jao bé wun.

Sa nglô yile 16:18

Nyanmiɛn'n kpali sin, be tili sran nɛn, nyanmiɛn'n kplali, yɛ asiɛ'n kejeli dan kpa. Kɛ Nyanmiɛn yili sran mun lele'n, asiɛ'n nian keje-man sɔ le .

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .