Matthieu 24:14 - NYANMIƐN NDƐ'N 1998

¹⁴ Be wa kan Nyanmiɛn sielɛ'n i jasin fɛ nga mɛn wunmuan'n nun nan sran'n kwlaa be `ti Nyanmiɛn ndɛ'n. I sin yɛ mɛn i awieliɛ'n ɔ ´ju-ɔ.»

Nyanmien nde Ufle

¹⁴ Bé wa kan Nyanmien siéle'n i dyasin fe nga men wunmuan'n nun nan swran'n kwlaa bé ti Nyanmien nde'n. I sin ye men i awiélie'n oh dyuoh.

Matthieu 24:14 Iomraidhean Croise

Ezekiɛl 7:10

Cɛn'n yɛ ɔ o yɛ, cɛn'n yɛ ɔ su ba yɛ, amun blɛ liɛ'n ɔ'a to amun, kpɔnman'n su bo nnyrɛ, wun tulɛ'n su trɛ.

Matthieu 10:7

Kɛ amun ´kɔ'n, wuun an ´kan kle sran'm be kɛ Nyanmiɛn i sielɛ blɛ'n ɔ'a mantan.

Matthieu 18:19

N ´kan kle amun ekun kɛ, like kwlaa nga sɛ amun nun sran nnyɔn bé bo yo kun asiɛ'n su wa be srɛ'n, min Si b'ɔ o nyanmiɛn su lɔ'n, ɔ ´fɛ i sɔ like'n man be.

Matthieu 24:3

Ɔ ko trannin ase Olivie Oka'n su. Yɛ i sɔnnzɔnfuɛ'm be bɛli i wun lɛ nan b'a usɛ i blɛlɛ kɛ: «?Blɛ onin yɛ sa sɔ'm be ´yo-ɔ, yɛ nguɛ yɛ ɔ ti ɔ balɛ'n nin mɛn'n i awieliɛ'n i nzɔliɛ nin-ɔn? Kle ye.»

Matthieu 24:6

Amun wa ti alɛ i wun ndɛ nin i nganniɛn, nán man amun klun titi amun, afin san sa sɔ'm be ´yo.

Matthieu 4:23

Jésus wlan-wlan Galile akpasua'n kwlaa su, ɔ kle like Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn i sielɛ'n i jasin fɛ'n kle be, yɛ ɔ wie tukpacɛ kwlaa b'ɔ o sran'm be wun'n nin be wunnɛn ya'n kwlaa.

Matthieu 9:35

Jésus wlan-wlan klɔ dandan nin klɔ kanngan'm be kwlaa be su, ɔ kle be like be Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn sielɛ'n i jasin fɛ'n kle be, yɛ ɔ wie be tukpacɛ nin be wunnɛn ya'n kwlaa.

Marc 13:10

San be ´dun mmua bo jasin fɛ'n kle nvle-nvle'm be kwlaa i sin nan sa sɔ'm b'a yo.

JÉSUS-CHRIST I DYASIN FE'N BO LUC KLELI'N 2:1

Blɛ sɔ'n nun, famiɛn Sezar Ogist waan be `klɛ sran nga be o i mɛn nun'n be kwlaa be dunman.

JÉSUS-CHRIST I DYASIN FE'N BO LUC KLELI'N 24:47

Yɛ i dunman nun be ´kan kle nvle-nvle be nunfuɛ'm be kwlaa kɛ be kaci be nzuɛn'n nan Nyanmiɛn yaci sa nga be yoli i'n cɛ be. Be ´bo i kanlɛ'n bo Zerizalɛm wa.

JÉSUS-CHRIST I DYASIN FE'N BO LUC KLELI'N 4:5

Mmusu'm bé si Satan fɛ ɔli lika nglo-nglo wie su, yɛ ɔ fali mɛn'n i famiɛn diwlɛ'n kwlaa kleli i kpɛ kunngba,

Sa nga bé yôli'n 1:2

lele fa juli cɛn nga Nyanmiɛn mɛnnin i su fa ɔli Nyanmiɛn su lɔ'n. Jésus yoli man Nyanmiɛn Wawɛ'n dun mmua kleli be b'ɔ fali be b'ɔ sunmannin be'n, like ng'ɔ fata kɛ be yo'n, i sin nan ɔ'a wɔ.

Sa nga bé yôli'n 11:28

Be nun kun bɔ be flɛ i kɛ Agabis'n, ɔ jaoli nan Nyanmiɛn Wawɛ'n man ɔ'a se kɛ awe dan kpa ɔ wa kpɛn mɛn wunmuan'n nun. Klod blɛ su yɛ awe sɔ'n kpɛnnin-ɔn.

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

Sa nga bé yôli'n 17:6

Kɛ b'a to-man be lɛ'n, be trali Zazɔn nin e niaan wie mun, be fa be ɔli jɔlɛ difuɛ'm bé ja su, be seli kɛ: «Minniɛn'm bɔ be saci mɛn wunmuan'n, be yɛ b'a ba wa yɛ. Zazɔn ɔ'a sike be.

Sa nga bé yôli'n 19:27

Sa sɔ'n, nán kɛ e junman'n bɔ be wa se kɛ ɔ ti-man kpa'n i ngunmin ti-ɔ, sanngɛ ɔ cɛ-man nan b'a saci Artemis b'ɔ ti amuɛn bla dan'n i sua'n, yɛ Artemis bɔbɔ bɔ Azifuɛ'm be nin mɛn nunfuɛ'm be kwlaa be sɔ i'n, i nyrun b'ɔ lɛ'n ɔ ´wie.»

Sa nga bé yôli'n 20:25

An `nian, amun kwlaa nga n sinnin amun su bɔ n kannin Nyanmiɛn sielɛ ndɛ kleli amun'n, n si kɛ an su wun-man min kun.

Rɔmfuɛ Mun 10:18

N se kɛ yoo: ?B'a ti-man? Be tili i kpa, afin be klɛli i kɛ: «Be kannin ndɛ lika'n kwlaa, yɛ be tili be ndɛ'n mɛn wunmuan'n nun .»

Kolɔsfuɛ Mun 1:23

Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.

Kolɔsfuɛ Mun 1:6

Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

Hébreu 1:6

Kɛ ɔ ´fɛ i Wa kpɛn'n ba mɛn nun'n, ɔ kɛnnin i ekun kɛ: «Man min anz'm be kwlaa be koto i bo be mɛnmɛn i.»

Hébreu 2:5

Afin nán anz mun yɛ Nyanmiɛn ´fa be sie mɛn nga ɔ wa yi bɔ e kɛn i ndɛ'n su-ɔ.

Sa nglô yile 14:6

N wunnin anz kun ekun ɔ tu sin nyanmiɛn ble kpa nun lɔ, ɔ lɛ jasin fɛ kun b'ɔ ti anannganman, b'ɔ ´kan kle sran nga be o asiɛ'n su bɔ be fin mɛnmɛn nin nvle-nvle'n kwlaa nun'n, ɔ nin be kwlaa nga be aniɛn'n ti fanunfanun'n, ɔ nin sran wafa-wafa'n kwlaa.

Sa nglô yile 16:14

Be ti asiɛ usu, be yi atrɛ. Be kɔ asiɛ'n su famiɛn'm be kwlaa bé sin kɛ be `yia nan be kun alɛ Anannganman Nyanmiɛn b'ɔ kwla like kwlaa yo'n i cɛn dan'n nun.

Sa nglô yile 3:10

An fa ndɛ bɔ n kan kleli amun kɛ an tra amun anwlɛn'n su. Ɔ man kɛ sa kekle ´tɔ mɛn wunmuan'n su sran'm be kwlaa be sa nianlɛ'n ti'n, n kusu n ´sasa amun.