Matthieu 23:9 - NYANMIƐN NDƐ'N 1998

⁹ Nán an flɛ klɔ sran fi amún si, afin amún Si'n ti kunngba cɛ, i yɛ ɔ o nyanmiɛn su lɔ nin-ɔn.

Nyanmien nde Ufle

⁹ Nanh an fle swran ti blé fi amun si, afin amun Si'n ti kunngba tye, i ye o ô nyanmien su lo nion.

Matthieu 23:9 Iomraidhean Croise

2 Famiɛn Mun 13:14

Elize wunnɛn yoli i ya. I sin nan ɔ'a wu'n, Zɔas b'ɔ ti Izraɛl famiɛn'n ko wunnin i wun, ɔ kluli i su, ɔ sunnin. Kɛ ɔ ´sun'n, ɔ seli kɛ: «Baba, baba! A lɛ nyrun kɛ Izraɛl mɛn'n nun kakaklolo'm be kwlaa, ɔ nin i nnɛn kpanngɔ mun, ɔ nin be su fufuɛ'm be kwlaa be sa!»

2 Famiɛn Mun 2:12

Kɛ ɔ ´fu kɔ'n, Elize niɛnnin i, nan ɔ'a kpan kɛ: «Baba, baba! A lɛ nyrun kɛ Izraɛl mɛn'n nun kakaklolo'm be kwlaa, ɔ nin i nnɛn kpanngɔ'm be kwlaa nin be su fufuɛ'm be kwlaa be sa.» Kɛ ɔ yoli sɔ'n, ɔ'a wun-mɛn i kun, kpɛkuun ɔ trɛli i tralɛ'n kpacili nun nnyɔn i wla b'ɔ boli i wun'n ti.

2 Famiɛn Mun 6:21

Kɛ Izraɛl famiɛn'n wunnin be'n, ɔ usali Elize kɛ: «?Baba, n `kun be? ?N `kun be?»

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Matthieu 23:10

Nán an yo amún wun kɛ be flɛ amun sran'm bé su kpɛn, afin amún su kpɛn'n ti kunngba cɛ, yɛlɛ Krist.

Matthieu 6:32

Like sɔ'n kwlaa be bɔ be su-man Nyanmiɛn'n be yɛ be kunndɛ-ɔ. Nán an yo sɔ, afin amún Si b'ɔ o nyanmiɛn su lɔ'n si kɛ amún sa mian like sɔ'm bé wun.

Matthieu 7:11

Sɛ amun bɔ an ti sran tɛ'n, an fa like kpa cɛ amun mma mun'n, amun Si b'ɔ o nyanmiɛn su lɔ'n i kusu ɔ ´fa like kpa man be nga be srɛ i'n kpɛ blu.

Sa nga bé yôli'n 22:1

«Min niaan mun nin min si mun, an `sie amún su tie ndɛ bɔ m ma kan kle amun'n.»

1 Korɛntfuɛ Mun 4:15

Sɛ an lɛ sran akpi blu (10.000) bɔ be kle amun Krist ndɛ'n, sanngɛ amún si'n ti kunngba cɛ, afin jasin fɛ'n bɔ m bo kleli amun'n ti amun nin Krist-Jésus amu'an kaci sran wunmuan, ɔ man n ti amún si.

2 Korɛntfuɛ Mun 6:18

N ´yo amún si, yɛ amun kusu amun ´yo min wa yasua nin min wa bla.» Kɛ e Min Nyanmiɛn b'ɔ kwla like'n kwlaa yo'n ɔ se sɔ-ɔ .

Hébreu 12:9

E si'm be tu e fɔ, yɛ e bu be sran. Sɛ ɔ ti sɔ'n, man e bu e Si nga e wawɛ'n wo i sa nun'n i sran tra be nan y'a nyan nguan.

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .