Matthieu 23:5 - NYANMIƐN NDƐ'N 1998

⁵ Like kwlaa nga be yo'n, be yo i kɛ sran'm be `wun be. Be wla sɛbɛ dandan mun, yɛ be yo be tralɛ'n i nuan njɔlɛ'n tɛnndɛn .

Nyanmien nde Ufle

⁵ Liké kwlaa nga bé yô'n, bé yôé ke swran'm bé wun bé. Bé wla sebe dandan mun, ye bé yô bé trale'n i nuan ndyole'n tennden.

Matthieu 23:5 Iomraidhean Croise

2 Famiɛn Mun 10:16

Zei seli i kɛ: «E `wɔ, a wa wun kɛ n klo Anannganman dan.» Yɛ be ɔli-ɔ. Zɔnadab o Zei i kakaklolo'n nun.

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Nyanndra Mun 3:3

Nán yaci klun-ufue yolɛ'n, nán ɔ́ nyin kpa sran su. Man ninnge sɔ'm be yo wɔ cinnjin kpa .

Saun Yolɛ 13:32

Sɛ i cɛn ba nso'n su'n, min nyrun jranfuɛ'n niɛn i uflɛ ekun, nan ɔ wun kɛ tukpacɛ'n ɔ'a trɛ-man, sɛ ɔ'a wun-man kannin sran sɔ'n i kplo'n su'n, yɛ sɛ ɔ wun kɛ ndrɛ ng'ɔ o lɛ'n ti-man fliflaii'n,

Matthieu 9:20

Kɛ be ´kɔ'n, bla kun bɔ mannza tɛnndɛn tɔli i wun ɔ'a di afuɛ blu-nin-nnyɔn'n, ɔ bali Jésus sin lɛ, ɔ kɛnnin i tralɛ'n i nuan njɔlɛ'n .

JÉSUS-CHRIST I DYASIN FE'N BO LUC KLELI'N 16:15

Yɛ ɔ seli be kɛ: «Amun liɛ'n, an ti sran bɔ an yo amún wun sran'm be nyrun kɛ an ti sran kpa, sanngɛ Nyanmiɛn si amun klun akunndan'n, afin like nga sran'm be klo i be bu i like kpa'n, ɔ ti kain Nyanmiɛn nyrun .

JÉSUS-CHRIST I DYASIN FE'N BO LUC KLELI'N 20:47

Be de angboti mmla'm be awlo mun, yɛ be kan ndɛ tɛnndɛn kle Nyanmiɛn lelele kɛ sran'm be `bu be sran kpa. Be fɔ tulɛ liɛ'n, ɔ wa yo tɛ kpa.»

Jean 12:43

Afin be klo dunman nga sran'm be bo be'n tra nga Nyanmiɛn bo be'n.

Jean 5:44

?Amun bɔ an klo kɛ amun wiengu bo amun dunman'n, bɔ an klo-man kɛ Nyanmiɛn b'ɔ ti kunngba cɛ'n yɛ ɔ bo amun dunman'n, ɔ ´yo sɛ yɛ amun ´kwla lafi i su-ɔ?

Jean 7:18

Sran ng'ɔ kpɛ i bɔbɔ klun kle like'n, ɔ kunndɛ i bɔbɔ dunman. Sanngɛ sran ng'ɔ kunndɛ kɛ sran ng'ɔ sunmɛnnin i'n nyan dunman'n, ɔ ti sran kpa, sa tɛ kaan sa bɔn-mɛn i wun.

Mmla'n 11:18

An `fa ndɛ sɔ mun `sie amun klun, man be tran amun anwlɛn'n nun tititi. Amun `fa cici amún sa kɛ nzɔliɛ sa, amun `fa sie amun ngban su amun nyinma nnyɔn'm be afiɛn.

Mmla'n 22:12

Yo kondro nga a fa kata ɔ wun'n i cɔnjɔ nnan'm be nuan su njɔlɛ.

Mmla'n 6:8

Amun `fa cici amún sa kɛ nzɔliɛ sa, amun `fa wie sie amun ngban su amun nyinma nnyɔn'm be afiɛn.

Filipfuɛ Mun 1:15

Nanwlɛ, be nun wie'm bé nyin b'ɔ ci min'n nin akplowa silɛ'n ti yɛ be kan Krist ndɛ nin-ɔn, sanngɛ wie'm be akunndan bɔ be fa kan'n ti kpa.

Filipfuɛ Mun 2:3

Nán an bu amun bɔbɔ amún wun akunndan yo like fi, nán an kunndɛ amun dunman, nán an tu amún wun, sanngɛ an `bu sran wie'm be sran tra amun bɔbɔ.

2 Tɛsalonikfuɛ Mun 2:4

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .