Matthieu 23:4 - NYANMIƐN NDƐ'N 1998

⁴ Be wlawla trɔ nɔnnin-nɔnnin jin sran'm bé ti su, sanngɛ be bɔbɔ be fa-man be sama bɔ kun sa kɛn-mɛn i.

Nyanmien nde Ufle

⁴ Bé wlawla tro nonninnonnin dyin swran'm bé ti su, sannge bé bobo bé fa'a bé sama bo kun kenmen.

Matthieu 23:4 Iomraidhean Croise

Ezai 46:1

Bɛl ɔ'a koto, Nɛbo ɔ'a klu. Amun fa be nzɔliɛ mun sie nnɛn nga be sua trɔ'n be su. Be sua be kɛ trɔ sa. Be kaci trɔ nɔnnin-nɔnnin nnɛn sɔ'm bɔ b'a fɛ'n be su.

Matthieu 23:23

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an yi mant'n, nin anɛt'n, ɔ nin kumɛn'n be blusu'n, sanngɛ an yaci mmla ng'ɔ ti cinnjin'n, nin nanwlɛ dilɛ'n, nin aunnvuɛ silɛ'n, ɔ nin sa kpa yolɛ b'ɔ man sran'm be fa bé wla gua amun su'n. Sa sɔ'm be yolɛ'n yɛ ɔ ti i su nin-ɔn, sanngɛ nán an yaci wie'm be yolɛ.

Matthieu 23:3

I sɔ'n ti, like nga be kle amun'n, an `fa su, an `yo, sanngɛ nán an nian be nzuɛn'n su. Afin be kan ndɛ'n, sanngɛ be bɔbɔ be fa-man su.

JÉSUS-CHRIST I DYASIN FE'N BO LUC KLELI'N 11:46

Yɛ Jésus seli i kɛ: «Amun mmla sifuɛ mun kusu, an yako! Yɛlɛ kɛ an fa trɔ bɔ amun kwla sua-man'n jin sran'm bé ti su, sanngɛ amun bɔbɔ an fa-man amun sama bɔ kun kɛn-mɛn i.

Sa nga bé yôli'n 15:10

?Sɛ ɔ ti sɔ'n, nguɛ ti yɛ an kunndɛ Nyanmiɛn nuan-an, bɔ an fa trɔ bɔ e nin e nannan mun y'a kwlɛ-mɛn i sua'n sua Jésus sɔnnzɔnfuɛ mun-ɔn?

Sa nga bé yôli'n 15:28

Afin Nyanmiɛn Wawɛ'n bu i kɛ ɔ ti kpa kɛ nán man e fa ndɛ fi uka ng'ɔ ti cinnjin'n su man amun, yɛ e kusu e buli sɔ,

Galasifuɛ Mun 6:13

Be nga be wla klɛn sɔ'n, be bɔbɔ be fa-man mmla'n su, sanngɛ be klo kɛ an wla klɛn nan like nga be yoli i amún kplo'n su sɔ'n, be ´fa di bé nuan.

1 Jean 5:3

Nyanmiɛn i klolɛ'n yɛlɛ kɛ e fɛ i ndɛ'n su, i ndɛ sɔ'n i su falɛ'n yo-man ya .

Sa nglô yile 2:24

Sanngɛ amun Tiatir asɔnunfuɛ nga mun bɔ amu'an fa-man like ng'ɔ kleli su'n, bɔ an si-man like nga sran wie'm be flɛ i Satan'n i bo ndɛ'n, n se amun kɛ yoo: N su fa-man trɔ uflɛ jin-man amún ti su.