Matthieu 23:2 - NYANMIƐN NDƐ'N 1998

² «Mmla klefuɛ mun nin Farizifuɛ mun be sinnin Moiz ja nun.

Nyanmien nde Ufle

² Mmla kléfue nin Pharisifue (*f4*) mun bé siin Moïse dya nun.

Matthieu 23:2 Iomraidhean Croise

Ɛsdras 7:25

Ɛsdras, wɔ kusu Nyanmiɛn i ngwlɛlɛ'n wo ɔ́ nun. Nian su sie jɔlɛ difuɛ mun, ɔ nin mmla su nianfuɛ mun. Be kwlaa nga be o Efrat'n sin lɔ'n, bɔ be si Nyanmiɛn mmla'n, man be jran su di be jɔlɛ. Be nga be si-mɛn'n be kusu, kle be.

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Matthieu 23:3

I sɔ'n ti, like nga be kle amun'n, an `fa su, an `yo, sanngɛ nán an nian be nzuɛn'n su. Afin be kan ndɛ'n, sanngɛ be bɔbɔ be fa-man su.

Marc 12:38

Kɛ ɔ ´kle be like'n, ɔ seli be kɛ: «An `sasa amun wun mmla klefuɛ'm bɔ be klo tralɛ tɛnndɛn wla wlan sinlɛ'n, bɔ be klo kɛ be yo be like nzra nun'n, be lika.

JÉSUS-CHRIST I DYASIN FE'N BO LUC KLELI'N 20:46

«An `sasa amún wun mmla klefuɛ'm be lika, be klo tralɛ tɛnndɛn wla wlan sinlɛ, be klo kɛ be `yo be like nzra nun, be klo Nyanmiɛn ndɛ suanlɛ nin i srɛlɛ sua nun bia kpakpa su tranlɛ, yɛ kɛ be ´di like nzra nun'n, be klo sran dandan'm be tranwlɛ'n nun tranlɛ.

Mmla'n 33:3

Anannganman klo Izraɛl akpasua-akpasua be sufuɛ mun. Ɔ sasa be bɔ be ti i liɛ mlɔnmlɔn'n, ɔ sasa be bɔ be trɛn i bo lɛ kɛ be ´ti i ndɛ'n.