Matthieu 23:16 - NYANMIƐN NDƐ'N 1998

¹⁶ Amun anyansifuɛ'm bɔ an kle sran atin'n, an yako! Afin an se kɛ, sɛ sran wie di Nyanmiɛn i sua'n, ndɛ fi nun-man nun, sanngɛ sɛ sran wie di Nyanmiɛn i sua'n nun sika ɔkwlɛ'n, be `de i like.

Nyanmien nde Ufle

¹⁶ Amun anyansifue'm bo an klé swran atin'n, an yakô! Afin an sé ke, se swran wié di Nyanmien sua dan'n, nde fi nu'an nun, sannge se swran wié di Nyanmien sua dan'n nun sika okwle'n, bé dé i liké.

Matthieu 23:16 Iomraidhean Croise

Ezai 9:16

I sɔ'n ti, Anannganman i klun su kwla jɔ-man be gbanflɛn'm bé wun. Yɛ ɔ su kwla si-man be aika mma mun nin be angboti mmla'm be aunnvuɛ. Afin be wie fi sro-mɛn i, be kwlaa be ti sa tɛ yofuɛ mun ngunmin kokoko. Ndɛ ng'ɔ fin be nuan fite'n, ɔ ti tɛtɛ ngunmin. I sɔ'n ti, Anannganman i ya'n ɔ su jɔ-man, ɔ nin be ´nyɛn i tititi.

Matthieu 15:14

An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Matthieu 23:17

Anyansifuɛ bɔ amun ti sinnglinfuɛ'n, sika ɔkwlɛ'n nin Nyanmiɛn i sua'n b'ɔ man sika ɔkwlɛ sɔ'n kaci Nyanmiɛn liɛ'n, be nun onin yɛ ɔ ti dan tra kun-ɔn ?

Matthieu 23:19

?Anyansifuɛ mun, nnɛn'n yɛ ɔ ti dan annzɛ Nyanmiɛn sɔwlɛ'n bɔ i su yɛ Nyanmiɛn fa nnɛn nin-ɔn?

Matthieu 23:24

Amun anyansifuɛ'm bɔ an kle sran atin'n, an kpukpu nzue'n an yi kakaa ba kun b'ɔ o nun'n, sanngɛ an mɛn nyɔnngɔnmɛn .

Matthieu 23:26

Farizifuɛ anyansifuɛ, dun mmua wunnzin klowa'n nin talie'm be klun lɔ nan i sin'n kusu ɔ'a yo yɛiin.

Galasifuɛ Mun 5:3

N ´kan kle be kwlaa nga be waan be ´wla klɛn mun'n kpa ekun kɛ san be ´fa mmla'n kwlakwlakwla su.

Jacques 5:12

N niaan mun, sa ng'ɔ ti cinnjin kpa'n yɛlɛ kɛ nán an flɛ nyanmiɛn'n, nin asiɛ'n, nin like wie fi be di. Sanngɛ sɛ an se kɛ «Ɛɛn'n,» man ɔ ka su, yɛ sɛ an se kɛ: «Cɛcɛ'n,» man ɔ ka su nan b'a fa-man amun a ɔ-man Nyanmiɛn ja su .