Matthieu 22:44 - NYANMIƐN NDƐ'N 1998

⁴⁴ ‹E Min Nyanmiɛn'n seli min Min liɛ'n kɛ: Tran ase n fama su, Lele m man a ´tia ɔ kpɔfuɛ'm be su ?›

Nyanmien nde Ufle

⁴⁴ «É Min Nyanmien'n séli min Min lie'n ke: Tran asé n fama su, Lélé m man ah tioh o kpofue'm bé su» nion?

Matthieu 22:44 Iomraidhean Croise

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Jue Mun 110:1

Jue nga ti David liɛ. I waan: Anannganman i nuan su ndɛ ng'ɔ kan kleli min Min'n yɛ. Ɔ seli i kɛ yo: «Tran ase mín fama su wa lele man n yi ɔ kpɔfuɛ'm be ase ɔ́ bo nan n `fa be yo ɔ́ ja siesiewlɛ .»

Jue Mun 21:9

Famiɛn, ɔ sa'n ɔ ´kan ɔ kpɔfuɛ'm be kwlaa, a ´nyan be bɔ be kpɔ wɔ'n mun, a ´tra be.

Matthieu 22:45

?Sɛ David flɛli i i Min'n, wuun ɔ yo sɛ yɛ man ɔ ko yo i anunman-an?»

Matthieu 26:64

Yɛ Jésus seli i kɛ: «Yɛ ɔ́ nuan o su lɛ-ɔ. N ´kan kle amun ekun kɛ, kɛ ɔ fin ndɛ'n, amun wa wun m bɔ n kacili Sran'n kɛ n ti Nyanmiɛn i fama su yɛ n wo nyanmiɛn ble'n su n su ba .»

Marc 16:19

Kɛ e Min'n kannin ndɛ sɔ'n kleli be'n, Nyanmiɛn mɛnnin i su ɔli nyanmiɛn su lɔ, ɔ trannin ase i fama su .

JÉSUS-CHRIST I DYASIN FE'N BO LUC KLELI'N 19:27

Siɛn'n, be nga be kpɔ min bɔ be klo-man kɛ n `sie be'n, an `fa be bla wa kun be min nyrun wa.› »

Jean 20:28

Yɛ Tomas seli i kɛ: «Min Min, min Nyanmiɛn!»

1 Korɛntfuɛ Mun 1:2

e ´klɛ fluwa nga blɛ amun bɔ an ti Nyanmiɛn i asɔnunfuɛ Korɛnt lɔ. Amun b'ɔ flɛli amun kɛ an ´kaci i liɛ mlɔnmlɔn sran wunmuan bɔ amun nin Jésus-Krist amu'an yo'n ti'n, amun nin be kwlaa nga be bo Jésus-Krist b'ɔ ti e kwlaa e Min'n i dunman'n, amun yɛ e klɛ blɛ amun-ɔn.

1 Korɛntfuɛ Mun 15:25

Afin ɔ ´sie lele san Nyanmiɛn man ɔ ´tiɛ i kpɔfuɛ'm be kwlaa be su ,

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

Hébreu 1:13

?Yɛ anz'm be nun onin yɛ ɔ seli i kɛ: «Tran ase n fama su, lele m man n yi ɔ kpɔfuɛ'm be ase ɔ bo nan n fa be yo ɔ ja siesiewlɛ-ɔ ?»

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Sa nglô yile 19:19

N wunnin nnɛn mun nin asiɛ'n su famiɛn'm be nin be alɛfuɛ mun, be yiali kɛ be nin sran ng'ɔ fu nnɛn kpanngɔ'n su'n nin i alɛfuɛ mun be ´kun.