Matthieu 22:40 - NYANMIƐN NDƐ'N 1998

⁴⁰ Mmla nnyɔn nga su yɛ mmla'n nin Nyanmiɛn nuan ijɔfuɛ'm be ndɛ'n kwlaa taka-a.»

Nyanmien nde Ufle

⁴⁰ Mmla nnyon nga su ye mmla'n nin Nyanmien nuan idyofue'm bé nde'n kwlaa takaa.

Matthieu 22:40 Iomraidhean Croise

Matthieu 7:12

Like kwlaa nga an klo kɛ sran yo man amun'n, an `yo i kunngba sɔ'n man be, i yɛ ɔ ti Moiz mmla nin Nyanmiɛn nuan ijɔfuɛ'm be ndɛ nin-ɔn.»

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Rɔmfuɛ Mun 13:9

Afin kɛ be se kɛ: «Nán kunndɛ bla ɔ́ yi bo annzɛ bian ɔ́ wun bo, nán kun sran, nán wua, nán man ɔ́ nyin blo ɔ wiengu i like su'n,» sɛ mmla wie o lɛ, sɛ ɔ ti sɛ ti sɛ o, i kwlaa sɔ'n be bo i kpɔlɛ se kɛ: «Klo ɔ wiengu kɛ a fa klo ɔ bɔbɔ ɔ wun'n sa .»

Galasifuɛ Mun 5:14

Afin be boli mmla'n kwlaa kpɔlɛ ndɛ kun nun seli kɛ: «Klo ɔ wiengu kɛ a fa klo ɔ bɔbɔ wun'n sa .»

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

Jacques 2:8

Nanwlɛ, mmla nga wie nun-mɛn i sin'n, bɔ be klɛli i Nyanmiɛn Ndɛ'n nun kɛ: «Klo ɔ wiengu kɛ a fa klo ɔ bɔbɔ wun'n sa'n,» sɛ an fa su'n, ɔ ti kpa .