Matthieu 22:4 - NYANMIƐN NDƐ'N 1998

⁴ Ɔ sunmɛnnin i sran uflɛ mun ekun, ɔ seli be kɛ: ‹An `ko se be nga n yiali be'n be kɛ m'an wie yo, m'an kun min nannin mun nin min nnɛn nga bɔ b'a lo'n, m'an tɔn, i kwlaa ɔ'a be, an bla atɔnvlɛ'n bo.›

Nyanmien nde Ufle

⁴ O sunmeen i swran ufle mun ékun, o sé bé ke: Anh kô sé bé nga n yiaa bé'n ke man wié yô, man kun n nannin nin n nnen lô'n, i kwlaa wa bé, anh bla atonvle'n bô.

Matthieu 22:4 Iomraidhean Croise

Neemi 9:17

Bé nyin ɔ'a yi-man wɔ. Bé wla fili atrɛ fanunfanun nga a yili be'n. Be kpali be bɔbɔ bé su kpɛn. Be waan san be ´sa be sin Ezipt lɔ be ko yo kanga ekun. Sanngɛ ɔ liɛ'n, a ti Nyanmiɛn kun bɔ a yaci sa tɛ'n cɛ. A si aunnvuɛ, sran yo wɔ annvɔ. A fa-man ya ndɛndɛ, ɔ klun-ufue liɛ'n be kan-man, ɔ man w'a yi-man be ase.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Nyanndra Mun 15:17

Kɛ n ko tran kan klolɛ nun-man lɛ bɔ sanngɛ nannin nnɛn kpakpa'n yɛ be di i lɛ'n, ɔ flunman kɛ n ko tran kan nnya ngbɛn yɛ be di i lɛ bɔ sanngɛ klolɛ o lɛ'n.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Matthieu 21:36

Ɔ sunmɛnnin i sran wie mun ekun bɔ be sɔnnin kpa tra klikli liɛ mun, sa kunngba nga vinyi fie sunianfuɛ'm be fa yoli klikli liɛ mun'n, yɛ be fa yoli be wie-ɔ.

Matthieu 22:5

Sanngɛ b'a bu-man flɛlɛ sɔ'n i akunndan, be ɔli be like'm be yolɛ, wie ɔli i fie su, yɛ wie kusu ɔli i aata dilɛ.

Matthieu 22:8

Yɛ ɔ seli i sran'm be kɛ: ‹M'an wie atɔnvlɛ falɛ ninnge'n yo, aliɛ'n ɔ'a be, sanngɛ be bɔ n yiali be'n b'a ba-man.

JÉSUS-CHRIST I DYASIN FE'N BO LUC KLELI'N 14:17

Kɛ be wieli like'n yo'n, ɔ sunmɛnnin i sran'n kɛ ɔ ko se be b'ɔ yiali be'n kɛ b'a wie like'n yo nan be bla.

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Sa nga bé yôli'n 13:46

Sanngɛ Pɔl nin Barnabas be trali be anwlɛn be kan kleli be weiin kɛ: «Amun yɛ be waan e `dun mmua kan Nyanmiɛn ndɛ'n e kle amun-ɔn, sanngɛ kɛ amu'an fa-man'n, bɔ an bu i kɛ anannganman nguan'n nin amun fata-man'n, i ti e ´kpɛ é nyin kɔ be bɔ be ti-man Zuif'n bé sin.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.