Matthieu 22:15 - NYANMIƐN NDƐ'N 1998

¹⁵ Yɛ Farizifuɛ'm be ko wunnin be wun-ɔn, be kunndɛ kɛ be ´tie Jésus nuan bo ndɛ nan be ´jran su fa trɛ i.

Nyanmien nde Ufle

¹⁵ Ye pharisifue'm (*f4*) bé kô wuun bé wun, bé kunnde ke béh tiéh Jésus nuan bô nan béh dyranh su fa tree.

Matthieu 22:15 Iomraidhean Croise

Jue Mun 2:2

Asiɛ'n su wa famiɛn'm b'a jaso. Bé bo ɔ'a yo kun Anannganman nin i sran ng'ɔ sieli i famiɛn'n bé wun.

Jue Mun 41:6

Min kpɔfuɛ'm be kan mín wun ndɛ tɛtɛ. Be usa kɛ: «?Cɛn onin ko yɛ ɔ ´wu-ɔ? ?Cɛn onin yɛ i dunman'n ɔ ´nunnun-ɔn?»

Jue Mun 57:6

Ee Nyanmiɛn, a ti dan tra nyanmiɛn b'ɔ la nglo lɔ plaii yɛ'n. Yi ɔ dan sɔ'n bɔ a ti'n i nglo. Man ɔ nyrun nyannyan'n ɔ kpaja asiɛ wunmuan'n su.

Jue Mun 59:3

De min min nyrɛnnɛn klefuɛ'm bé sa nun, de min sran kunfuɛ sɔ'm be sa nun.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Matthieu 12:14

Farizifuɛ'm be fite ko wunnin bé wun, be kunndɛ i wafa nga be jran su fa kun i'n.

1 Korɛntfuɛ Mun 7:35

Nán amun nganzua sualɛ ti yɛ n kɛn i sɔ-ɔ, sanngɛ amun ye yolɛ ti-ɔ, n kɛn i sɔ amun kpa yolɛ'n ti nan kɛ amun nin e Min'n ´tran'n, like fi a sanngan-man amun akunndan.

Hébreu 12:3

An `bu i bɔ kɛ sa tɛ yofuɛ'm be saci i wun'n ɔ trɛli i anwlɛn'n i akunndan nan amún sa sin a bubu-man amun nan amu'an kpɔnzɔ-man.