Matthieu 22:13 - NYANMIƐN NDƐ'N 1998

¹³ Bian sɔ'n ɔ'a uke-mɛn i nuan. Yɛ famiɛn'n seli i minniɛn'm be kɛ: ‹An `ci i sa nin i ja'n nan an `yi i guasu lɔ aosin nun bɔ lɔ yɛ be sun be di be je'n.»

Nyanmien nde Ufle

¹³ Bian so'n wa uké'e i nuan. Ye famien'n sé i minnien'm bé ke: Anh tyi i sa nin i dya'n, anh yii guasu lo aôsin nun, bo lo ye bé sun bé di bé dyé'n.

Matthieu 22:13 Iomraidhean Croise

Jue Mun 112:10

Kɛ klunwifuɛ'n wun i sɔ'n, ya kun i, kɛ ɔ kɛkɛ i nuan bui'n sa, kpɛkuun i wun glɔ i. Sa nga klunwifuɛ'm be waan ɔ ´ju'n, ɔ kpɛn-man su le.

Jue Mun 37:12

Klunwifuɛ'n ɔ bu sran kpa'n i wun akunndan tɛ. Ɔ yi i je'n kle i, ɔ waan nnɛn wlɛfuɛ wie-ɔ.

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Daniɛl 3:20

Ɔ seli sonja nga be lɛ wunmiɛn kpa'm be kɛ be `ko ci Sadrak, nin Mesak, ɔ nin Abɛd-Nego nan be `yi be sin dan'n nun.

Matthieu 12:29

?Yɛ kusu, sɛ sran kun dun-man mmua ci-man sran wunmiɛnfuɛ'n, ɔ ´yo sɛ yɛ ɔ ´kwla wlu i awlo'n nun fɛn i bo ninnge mun-ɔn? San ɔ ´ci sran sɔ'n, nan ɔ'a kwla fɛn i bo ninnge'n.

Matthieu 13:30

An `yaci be nnyɔn'n be lɛ man ɔ fa ju awie kpɛlɛ blɛ'n, sɛ awie kpɛlɛ'n ju'n, n ´se awie i kpɛfuɛ'm be kɛ be dun mmua kpɛ awie ijre'n be cici fiɛnfiɛn be wɔ nun, nan be fa awie'n gua n tanngannin'n nun.»

Matthieu 13:42

be gua be sin dan kpa'n nun, lɔ yɛ be ´sun be ´di be je nin-ɔn.

Matthieu 13:50

yɛ be ´gua be sin dan kpa'n nun, lɔ yɛ be ´sun be ´di be je nin-ɔn.»

Matthieu 24:51

Ɔ ´kpɛkpɛ i nun, ɔ ´fɛ i wla dunman klofuɛ'm be nun kan be sun be di be je lɔ'n.»

Matthieu 25:30

Yɛ n sran b'ɔ o yɛ'n b'ɔ lɛ-man nyanko'n, an `fɛ yi guasu lɔ aosin'n nun kan be sun be di bé je lɔ'n.› »

Matthieu 8:12

Sanngɛ be wa fa be nga be ti diewa mɛn sɔ'n nun'n yi be guasu lɔ aosin'n nun kan be sun be di be je lɔ'n .»

JÉSUS-CHRIST I DYASIN FE'N BO LUC KLELI'N 13:28

Kɛ an ´ko wun Abraam, nin Izaak, nin Zakɔb, ɔ nin Nyanmiɛn nuan ijɔfuɛ'm be kwlaa Nyanmiɛn mɛn'n nun bɔ amun kusu be ´kan amún bo an ka guasu lɔ'n, amun ´sun, yɛ amun ´di amun je.

Jean 21:18

Nanwlɛ, kɛ a tɛ yo gbanflɛn'n, ɔ bɔbɔ a fa ɔ kplo'n ci ɔ bo, yɛ a kɔ lika nga a klo'n, sanngɛ a wa yo kpɛnngbɛn'n, yɛ a ´tinngɛ ɔ́ sa'n nun, sran wie yɛ ɔ ´fa ɔ kplo'n ci ɔ bo-ɔ, yɛ ɔ ´fa wɔ kɔ lika nga a klo-man'n.

Sa nga bé yôli'n 21:11

Ɔ fali Pɔl bo kplo'n, ɔ fa cili i bɔbɔ i ja nin i sa yɛ ɔ seli kɛ: «Nyanmiɛn Wawɛ'n waan: ‹Sran ng'ɔ lɛ kplo nga'n, kɛ Zuif'm be wa ci i kɛ nga sa Zerizalɛm lɔ, yɛ be ´fɛ i man be bɔ be ti-man Zuif'n.› »

Sa nga bé yôli'n 7:54

Kɛ be tili ndɛ sɔ'n, be fali ya dan kpa yɛ be trili.

2 Tɛsalonikfuɛ Mun 1:9

Fɔ ng'ɔ ´fa tu be'n yɛlɛ kɛ be awieliɛ'n ´wie be tɛ, be ´ka nun sɔ mlɔnmlɔn, be nin e Min'n ´bu, ɔ man be su wun-man i anyrunnyan dan bɔ lɛ i'n .

2 Piɛr 2:17

Be ti kɛ nzue ti bɔ ɔ'a wu'n sa, be ti kɛ nyanmiɛn b'ɔ dun tuun'n bɔ aunngban'n tu i'n sa. Be lika nga Nyanmiɛn sieli be'n ti aosin kpa tritritri.

2 Piɛr 2:4

Afin Nyanmiɛn a yaci-man anz'm bɔ be yoli i sa'n be lɛ, ɔ kan be bo guɛli i nyrɛnnɛn lika'n nun, yɛ be cili be sieli be aosin'n nun lɔ kɛ be `tran lɛ lele man ɔ fa ju jɔlɛ dilɛ cɛn'n.

Jude 1:13

Be ti kɛ jenvie'n b'ɔ bo gbuugbuu'n sa, be nyannzuɛn sa nga be yo'n ti kɛ i nyin su nglo'n sa. Be ti kɛ nzraama b'ɔ tu kɔ'n sa, lika nga Nyanmiɛn fa sieli be kɛ be tran nun tititi'n, yɛlɛ aosin tritritri kpa'n.

Jude 1:6

Yɛ n ´kan kle amun ekun kɛ anz nga b'a tran-man junman nga Nyanmiɛn sieli bé su i su'n, bɔ be yacili be lika'n, Nyanmiɛn ci be guali aosin tuun kpa'n nun, ɔ su nyannji-man be mlɔnmlɔn nan sɛ i jɔlɛ dilɛ cɛn dan'n ju-ɔ ɔ'a di be ndɛ'n.

Sa nglô yile 21:27

Like fiɛn fi nin sran ng'ɔ fɛ i wun man tete sa yolɛ'n b'ɔ bua ato'n, be su ju-man lɔ. San be nga be klɛli be dunman Bua Gbanflɛn'n i nguan fluwa nun'n be cɛ yɛ be ´ju lɔ-ɔ .