Matthieu 21:5 - NYANMIƐN NDƐ'N 1998

⁵ «Se Siɔn wa bla'n kɛ: Nian, ɔ famiɛn'n su ba ɔ sin. Ɔ ti wɛtɛɛfuɛ dan kpa, ɔ fu aflunmun su, ɔ fu aflunmun b'ɔ ti nnɛn b'ɔ sua trɔ'n i wa bɔ ɔ'a kpɛ cro'n i su .»

Nyanmien nde Ufle

⁵ «Sé Sion (*f14*) wa bla'n ke: Nian, o famien'n su ba o sin. O ti weteefue dan kpa, o fu aflunmun su, Aflunmun gbanflen kun b'o ti nnen b'o sua tro'n i wa'n i su.»

Matthieu 21:5 Iomraidhean Croise

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

2 Samiɛl 16:2

Famiɛn'n usɛli i kɛ: «?A wa yo nga sɛ?» Ziba waan: «Aflunmun'm be ti a nin ɔ osufuɛ mun amun liɛ, amun `fu be su. Kpaun nin wawa nun waka mma'n be ti dilɛ liɛ, gbanflɛn'm be liɛ-ɔ. Nzan'n ti be nga aawlɛ flɛnnɛn'n nun nantilɛ'n ɔ man b'a fɛ'n be liɛ.»

1 Famiɛn Mun 1:33

Famiɛn'n seli be kɛ: «Amun `yiayia min gladi difuɛ mun, nan amun `fa mín wa Salomɔn tran min milɛ bla'n su, nan amun `wɔ nzue ti nga be flɛ i Giɔn'n su lɔ.

1 Famiɛn Mun 10:26

Salomɔn kunndɛli kakaklolo nga be fa kun alɛ'n, ɔ nin nnɛn kpanngɔ mun. Ɔ nyannin kakaklolo akpi kun kakaklolo ya nnan (1.400), yɛ nnɛn kpanngɔ akpi-akpi blu-nin-nnyɔn (12.000). Ɔ fa be siesieli klɔ'm bé su. Yɛ ɔ sieli wie i bɔbɔ i wun lɛ Zerizalɛm lɛ.

Jue Mun 9:14

Anannganman, si min aunnvuɛ, nian nyrɛnnɛn bɔ min kpɔfuɛ mun b'a fa min b'a yi nun-ɔn. Yo man n fin wie'n i sa nun n fite.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 40:9

Siɔnfuɛ mun, amun ti jasin fɛ'n i bofuɛ, amun `fu oka fleiin kun su. Zerizalɛmfuɛ mun, amun ti jasin fɛ'n i bofuɛ, amun `man amun nɛn'n su kekle kpa. Amun `man amun nɛn'n su, nán srɛ kun amun. Amun `se Zida klɔ'm be sufuɛ'm be kɛ: «Amun Nyanmiɛn'n yɛ ɔ o yɛ !»

Ezai 62:11

Amun `nian, kɛ ɔ fɛ i asiɛ'n i bue kun lele fa ju i bue kun lɔ'n. Anannganman kan ndɛ kle sran mun. I waan be `se Siɔnfuɛ'm be kɛ: «Sran'n b'ɔ ´de amun'n ɔ su ba, akatua'n wo i sa nun, i junman'n i su like ng'ɔ nyɛnnin i'n ɔ ´fa ba .»

Ezekiɛl 34:24

Min Anannganman, n ´yo be Nyanmiɛn, yɛ David b'ɔ ti min sufuɛ'n ɔ ´yo be kpɛn.» Min Anannganman yɛ n kan sɔ-ɔ.

Ezekiɛl 37:24

Min sufuɛ David yɛ ɔ ´yo be famiɛn nin-ɔn. Be sunianfuɛ'n ɔ ´yo kunngba. Be ´fa mín nuan su ndɛ'm be su, yɛ bé nyin ´yi min. Be ´fa min mmla'm be su.

Ndɛ Nga Nyanmiɛn I Nuan Ijɔfuɛ Oze Kannin'n 1:7

Sanngɛ n wa si Zidafuɛ'm be aunnvuɛ. M bɔbɔ min Anannganman bɔ n ti be Nyanmiɛn'n n ´de be. Delɛ nga n ´de be'n, nán ta nin tokofi, nin alɛ kunlɛ, nin nnɛn kpanngɔ mun, ɔ nin nnɛn kpanngɔ su fufuɛ mun yɛ n ´fa de be-ɔ .»

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Kalɛ 24:19

Zakɔb i osu'n nunfuɛ'n ɔ ´sie i kpɔfuɛ mun, ɔ ´nunnun klɔ'm be sufuɛ nga be kali'n mun.»

Matthieu 11:29

An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Matthieu 2:2

be usali kɛ: «?Zuif'm be famiɛn'n bɔ be wuli i icra'n ɔ o nin? Afin e wunnin i nzraama'n wia afiliɛ lɔ, yɛ e bɛli i sulɛ-ɔ .»

Matthieu 2:6

‹Yɛ wɔ Bɛtleɛm bɔ a o Zida nvle nun'n, a ti-man kaan Zida i klɔ bɔ be lɛ nyrun'n be nun mlɔnmlɔn, afin wɔ su yɛ sran kun wa fite b'ɔ ´sie min nvle Izraɛl nin-ɔn, ɔ ´nian min sran'm be su .› »

Matthieu 21:6

Jésus sɔnnzɔnfuɛ'm be ɔli nan b'a yo i kɛ ng'ɔ kan kleli be'n sa.

JÉSUS-CHRIST I DYASIN FE'N BO LUC KLELI'N 24:27

Yɛ ɔ yiyi i bɔbɔ wun ndɛ bɔ be klɛli i Nyanmiɛn Ndɛ'n kwlaa nun'n i nun kleli be-ɔ. Ɔ boli i bo Moiz nin Nyanmiɛn nuan ijɔfuɛ'm be kwlaa be ndɛ'n nun.

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

2 Korɛntfuɛ Mun 10:1

M bɔbɔ m Pɔl m ma srɛ amun like kun. Be se kɛ kɛ n wo amun nyrun lɔ'n, n ti wɛtɛɛ kpe nun, sanngɛ be waan kɛ n nun-man lɔ'n, ndɛ nga n kan kle amun'n, n kɛn i yasua su. Krist b'ɔ ti wɛtɛɛ b'ɔ ti sran kpa'n i dunman nun

Mmla'n 17:16

Sanngɛ nán man ɔ nyan nnɛn kpanngɔ kpanngban, nán ɔ sunman sran Ezipt lɔ kɛ be ko to wie nan ɔ nyan wie kpanngban. Anannganman seli amun kɛ nán amun sa amún sin be ɔ Ezipt lɔ kun.

Jɔlɛ Difuɛ Mun 12:14

Ɔ wuli ba ablanan yɛ i anunman'm be ti ablasan. Be lɛ be aflunmun ableso yɛ be fu be su-ɔ. Ilɛl i wa Abdɔn yoli Izraɛlfuɛ'm be jɔlɛ difuɛ afuɛ mɔcuɛ nan ɔ'a wu. Be sieli i Piratɔn b'ɔ o Efraim nvle'n nun lɔ, Amalɛk oka'n su.

Jɔlɛ Difuɛ Mun 5:10

Amun nga be fu aflunmun ufue'm bé su'n, amun nga amun tran tapi nglanman'm bé su'n, ɔ nin amun nga amun kɔ atin sin'n, amun `to jue be manman Anannganman'n.