Matthieu 21:44 - NYANMIƐN NDƐ'N 1998

⁴⁴ Sran kwlaa ng'ɔ tɔ yɛbuɛ sɔ'n su'n, ɔ ´titi i nun tritri, yɛ sran nga yɛbuɛ sɔ'n tɔ i su'n ɔ ´kpɔtɔ i .]»

Nyanmien nde Ufle

⁴⁴ [Swran kwlaa ng'o to yebue so'n su'n, oh titih nun tritri, ye swran nga yebue so'n to i su'n oh kpotoh.]

Matthieu 21:44 Iomraidhean Croise

Jue Mun 2:12

Amun `koto i bo nan ɔ'a fa-man ya, nan atin nga amun fa su'n, amu'an mlin-man. Afin ɔ fa ya ndɛndɛ kpa. Sran ng'ɔ kunndɛ fiawlɛ i nun'n, i liɛ su ti ye!

Jue Mun 2:9

A ´fa ɔ famiɛn kpɔnman b'ɔ ti blalɛ'n yɛ a ´fa bo mɛn sɔ'm be nunfuɛ mun-ɔn. A ´bubu be nun kɛ be su bo sɛ bɔ be fa ufa be wu'n sa .› »

Ezai 28:13

Yɛ be liɛ'n, Anannganman i mmla ɔ ti-man like fi bé sa nun. Ɔ ti be nyrun kɛ be su kle: a, o, i sa. Ɔ ti kɛ be su se kɛ be `yo nga e be `yo nga e! I sin, i awieliɛ su'n, be ´tɔ be ´la be nyin aanga, be wi'n ɔ ´bu. Be ´tɔ sran'm be aya'n nun, yɛ be ´tra be.

Ezai 60:12

Yɛ nvle nin famiɛn diwlɛ bɔ be nunfuɛ'm be waan bé su-man wɔ'n, be ´saci sekeseke kpan, be ´nunnun mlɔnmlɔnmlɔn.

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Matthieu 21:43

I sɔ'n ti, n ´kan kle amun kɛ, be wa de Nyanmiɛn famiɛn dilɛ'n amún sa nun, be ´fa man nvle uflɛ bɔ be wa yo sa kpa mɛn i'n. [

Matthieu 21:45

Kɛ Nyanmiɛn nyrun jranfuɛ dandan mun nin Farizifuɛ'm be tili nyanndra sɔ mun'n, be wunnin i wlɛ kɛ be ndɛ yɛ Jésus kɛn i sɔ nin-ɔn.

Matthieu 26:24

M bɔ n kacili Sran'n n su kɔ kɛ be fa klɛli min wun ndɛ'n nun'n sa, sanngɛ sran ng'ɔ ´fa min man sran mun'n, i yako! Ɔ flunman kɛ b'a wu-man sran sɔ'n.»

Matthieu 27:25

Yɛ sran'm be kwlaa be seli i kɛ: «Man i wie ndɛ'n ka e nin e mma mun ye su .»

JÉSUS-CHRIST I DYASIN FE'N BO LUC KLELI'N 2:34

Simeɔn yrali i nuan mannin be, nan ɔ'a se i nin Mari kɛ: «Nian, ba ng'ɔ o yɛ'n, ɔ o lɛ Izraɛlfuɛ'm be sunman be ase finlɛ'n ti, yɛ ɔ o lɛ be sunman kusu bé su manlɛ'n ti. Ɔ wa yo kɛ like kun bɔ be wa kɛn i wun ndɛ tɛ sa,

JÉSUS-CHRIST I DYASIN FE'N BO LUC KLELI'N 20:18

Sran kwlaa ng'ɔ tɔ yɛbuɛ sɔ su'n, ɔ titi i nun tritri yɛ sran nga yɛbuɛ sɔ'n tɔ i su'n, ɔ ´kpɔtɔ i .

Jean 19:11

Jésus tɛli i su kɛ: «Sɛ Nyanmiɛn a man-man wɔ atin'n, a kwla yo-man n sa fi. I sɔ'n ti'n, sran ng'ɔ fa min mannin wɔ'n, i fɔ'n b'ɔ dili'n i dan tra ɔ liɛ'n.»

Rɔmfuɛ Mun 9:33

bɔ be klɛli i wun ndɛ kɛ: «An `nian, n ´fa yɛbuɛ kun sie Siɔn lɔ, ɔ ´kpla sran'm bé ja. Yɛbuɛ sɔ'n ti dan, sran'm be ´fin ase su. Sanngɛ sran ng'ɔ lafi i su'n, i nyin su gua-man ase .»

1 Tɛsalonikfuɛ Mun 2:16

Be waan be ´yo sɔ nan nán man e kan ndɛ kle be nga be ti-man Zuif nan be `nyan be ti. Kɛ be yo sɔ'n, ɔ man bé sa tɛ nga be yo'n ɔ gua su tititi. Sanngɛ siɛn'n, Nyanmiɛn i ya'n ɔ'a jao bé wun.

1 Piɛr 2:8

Ɔ ti yɛbuɛ b'ɔ kpla sran'm bé ja, ɔ ti yɛbuɛ dan kun bɔ sran'm be fin ase su.» Bé ja'n kplɛli i yɛlɛ kɛ b'a fa-man Nyanmiɛn ndɛ'n su, afin kɛ Nyanmiɛn'n sieli be liɛ'n sɔ-ɔ .