Matthieu 21:32 - NYANMIƐN NDƐ'N 1998

³² Afin Zan wa kleli amun atin ng'ɔ ti kpa'n, amu'an lafi-mɛn i su. Sanngɛ gua bo sika defuɛ nin tekle mmla'm be lafili i su, yɛ amun bɔ an wunnin sa sɔ'n, amu'an kaci-man amun nzuɛn'n kɛ amun ´lafi i su.»

Nyanmien nde Ufle

³² Afin Jean wa kléé amun atin ng'o ti kpa'n, amuan lafi'e i su. Sannge guabô sika défue nin téklé mmla'm bé lafili i su, ye amun bo an wunnin sa so'n, amuan katyi'a amun nzuen'n ke amunh lafih i su.

Matthieu 21:32 Iomraidhean Croise

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Matthieu 11:18

Afin kɛ Zan bali'n, kɛ ɔ di-man like b'ɔ nɔn-man nzan'n ti'n, sran'm be waan like wie su i su.

Matthieu 21:25

?Zan i batɛm b'ɔ yoli'n, Nyanmiɛn yɛ o mɛnnin i atin annzɛ sran yɛ ɔ mɛnnin i atin yɛ ɔ yoli-ɔ?» Be buli i akunndan nan b'a se be bɔbɔ be afiɛn kɛ: «Sɛ e se kɛ Nyanmiɛn yɛ ɔ mɛnnin i atin'n, ɔ ´usa e kɛ: ‹?Sɛ ɔ ti sɔ'n, nguɛ ti yɛ amu'an lafi-mɛn i su-ɔ?›

Matthieu 21:31

?Ba nnyɔn sɔ'n, onin yɛ ɔ yoli i si klun sa nin-ɔn?» Yɛ be waan: «Klikli nin-ɔn.» Yɛ Jésus seli be kɛ: «Nanwlɛ, gua bo sika defuɛ nin tekle mmla'm be ´dun mmua fa bé wun man Nyanmiɛn kɛ ɔ `sie be amun nyrun.

Matthieu 5:46

?Afin sɛ an klo amun klofuɛ'm be ngunmin'n, nguɛ like yɛ amun ´nyɛn i-ɔ? ?Gua bo sika defuɛ mun bɔbɔ be klo-man be klofuɛ mun?

2 Timote 2:25

yɛ ɔ tu be nga be kpalo i nuan'n be fɔ amanniɛn su, wienun-ɔn cɛn wie lele Nyanmiɛn man be ´kaci be nzuɛn'n nan be ´si sa ng'ɔ ti nanwlɛ'n.

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.

2 Piɛr 2:21

Sɛ b'a wun-man atin ng'ɔ ti kpa'n, ɔ ti kpa tra kɛ be wunnin i bɔ be yaci Nyanmiɛn mmla'n b'ɔ fa mannin be'n.

Sa nglô yile 2:21

N yacili i lɛ kaan kɛ ɔ kaci i nzuɛn'n, sanngɛ ɔ yaci-mɛn i tekle'n i bolɛ.