Matthieu 21:14 - NYANMIƐN NDƐ'N 1998

¹⁴ Anyansifuɛ nin cɛcɛwafuɛ'm be bɛli i wun Nyanmiɛn i sua'n nun lɛ, nan ɔ'a yo be juejue.

Nyanmien nde Ufle

¹⁴ Anyansifue nin tyetyewafue'm bé bee i wun Nyanmien sua dan'n nun le, nan wa yô bé dyuédyué.

Matthieu 21:14 Iomraidhean Croise

Ezai 35:5

I blɛ sɔ nun'n, anyansifuɛ'm be ´wun ase, sutrefuɛ'm be ´ti sa.

Matthieu 21:15

Sanngɛ abonuan sa bɔ Jésus yoli be'n, ɔ nin ba kanngan bɔ be kpan Nyanmiɛn i sua'n nun kɛ: «Nyanmiɛn man David Anunman'n cɛ é su'n!», ɔ yoli Nyanmiɛn nyrun jranfuɛ dandan nin mmla klefuɛ'm be ya.

Matthieu 4:23

Jésus wlan-wlan Galile akpasua'n kwlaa su, ɔ kle like Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn i sielɛ'n i jasin fɛ'n kle be, yɛ ɔ wie tukpacɛ kwlaa b'ɔ o sran'm be wun'n nin be wunnɛn ya'n kwlaa.

Matthieu 9:35

Jésus wlan-wlan klɔ dandan nin klɔ kanngan'm be kwlaa be su, ɔ kle be like be Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn sielɛ'n i jasin fɛ'n kle be, yɛ ɔ wie be tukpacɛ nin be wunnɛn ya'n kwlaa.

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.