Matthieu 20:5 - NYANMIƐN NDƐ'N 1998

⁵ Yɛ be ɔli-ɔ. Ɔ fiteli wia jran nin nnɔsua wia nun ekun, ɔ fali wie mun ekun.

Nyanmien nde Ufle

⁵ Ye bé olio. O fité wia dyran o nin nnosua wia nun ékun o faa wié mun ékun.

Matthieu 20:5 Iomraidhean Croise

Matthieu 20:4

Ɔ seli be kɛ: ‹Amun kusu an wɔ n vinyi fie'n su lɔ wie, yɛ sika ng'ɔ ti i nuan su'n, n ´fa man amun.›

Matthieu 20:6

Ɔ fiteli nnɔsua nun ekun, ɔ wunnin wie mun bɔ be gua lɛ be lɛ-man junman nan ɔ'a usa be kɛ: ‹?Nguɛ ti yɛ kɛ aliɛ cɛnnin lalaa'n an gua wa bɔ an di-man junman-an?›

Matthieu 27:45

Kɛ wia'n jrannin'n, aosin'n wlali mɛn wunmuan'n nun lele fa juli nnɔsua wia nun.

Jean 1:39

Ɔ seli be kɛ: «An `bla wa nian.» Be ɔli be ko sili i tranwlɛ'n, cɛn sɔ'n nun'n, be trɛnnin i wun lɔ lelele. Kɛ be ´kɔ'n, wuun lika'n ɔ'a kaci nnɔsua nun.

Jean 11:9

Jésus seli be kɛ: «?Cɛn ba kun nun dɔ'n ti-man blu-nin-nnyɔn? Sɛ sran kun nanti wia nun'n, i ja kpla-man, afin ɔ wun lika'n weiin.

Jean 4:6

Zakɔb i nzue gbo kun o lɛ. Kɛ Jésus nantili b'ɔ fɛli'n, ɔ trannin ase nzue gbo sɔ'n su lɛ. Kɛ ɔ ´yo sɔ'n, wuun wia'n ɔ'a jran.

Sa nga bé yôli'n 10:3

Le kun nnɔsua wia'n nun ɔ wunnin Nyanmiɛn i anz kun aolia nun, ɔ wluli i awlo lɔ, ɔ flɛli i.

Sa nga bé yôli'n 10:9

Kɛ aliɛ cɛnnin'n, be fali atin'n. Kɛ be ´mantan klɔ nuan lɔ'n, wuun Piɛr kusu ɔ'a fu sua i ti gbagblagba'n su kɛ ɔ ko koko yalɛ kle Nyanmiɛn. Kɛ ɔ ´yo sɔ'n, wuun wia'n su wa jran.

Sa nga bé yôli'n 3:1

Le kun Piɛr nin Zan be su kɔ Nyanmiɛn i sua'n nun nnɔsua wia'n nun be nin Nyanmiɛn be yalɛ kokolɛ dɔ'n su.