Matthieu 20:24 - NYANMIƐN NDƐ'N 1998

²⁴ Kɛ be blu nga'm be tili ndɛ sɔ'n, be fali ya aniaan nnyɔn sɔ'm be wun.

Nyanmien nde Ufle

²⁴ Ke bé blu nga'm bé tii nde so'n, bé faa ya aniaan nnyon so'm bé wun.

Matthieu 20:24 Iomraidhean Croise

Nyanndra Mun 13:10

Tutre'n i like ng'ɔ o su'n yɛlɛ utre ba kpɛlɛ. Be nga be sie bé su, be ti afɔtuɛ'n, be sa nun yɛ akunndan'n wo-ɔ.

Matthieu 20:23

Yɛ ɔ seli be kɛ: «Ɔ ti nanwlɛ kɛ amun wa nɔn n klowa'n nun wie, sanngɛ n fama su nin m bɛ su tranlɛ liɛ'n, nán min yɛ m man-an, san be nga n Si sie mannin be'n, be yɛ be ´tran lɛ-ɔ.»

Matthieu 20:25

Jésus flɛli be, ɔ seli be kɛ: «An si kɛ nvle wie'm be famiɛn'm be mianmian be sran mun, yɛ sran dandan'm be tin be sran'm be su.

Marc 10:14

Kɛ Jésus wunnin i sɔ'n, ɔ'a yo-mɛn i fɛ, nan ɔ'a se be kɛ: «An `yaci ba kanngan'm be nun man be bla n sin, nán an fuan be, afin be bɔ be yo bé wun kɛ ba kanngan nga mun sa'n, be yɛ Nyanmiɛn sie be-ɔ.

Marc 10:41

Kɛ be blu nga'm be tili ndɛ sɔ'n, ya kunnin be Zak nin Zan bé wun.

JÉSUS-CHRIST I DYASIN FE'N BO LUC KLELI'N 13:14

Sanngɛ bla i juejue bɔ Jésus yoli i wunmiɛn-delɛ-cɛn nun'n, ɔ yoli Nyanmiɛn ndɛ suanlɛ nin i srɛlɛ sua su kpɛn'n i ya, nan ɔ'a se sran'm be kɛ: «Cɛn nga be fa di junman'n ɔ ti cɛn ba nsiɛn, an `bla cɛn sɔ'm be nun man be yo amun juejue, nán an ba wunmiɛn-delɛ-cɛn nun kun .»

1 Korɛntfuɛ Mun 13:4

Sran b'ɔ klo sran'n, ɔ trɛ i anwlɛn sran wun, sran b'ɔ klo sran'n, ɔ yo aklunye, yɛ i nyin blo-man sran like su, sran b'ɔ klo sran'n, ɔ di-man tutre, ɔ tu-mɛn i wun,

Filipfuɛ Mun 2:3

Nán an bu amun bɔbɔ amún wun akunndan yo like fi, nán an kunndɛ amun dunman, nán an tu amún wun, sanngɛ an `bu sran wie'm be sran tra amun bɔbɔ.

Jacques 3:14

Sanngɛ sɛ amun klunwi'n ti amún nyin ci sran yɛ an bu amun bɔbɔ amun wun akunndan'n, nán an fa amun ngwlɛlɛ'n di amún nuan, yɛ nán an fa nanwlɛ'n kaci ato.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»