Matthieu 20:19 - NYANMIƐN NDƐ'N 1998

¹⁹ Be ´se kɛ m'an di fɔ nan be `kun min, be ´fa min wla be bɔ be ti-man Zuif'm bé sa nun kɛ be `yo n finfin, be ´bo min nin ngble, be ´bobo min waka'n su, yɛ i le nsan su n ´cɛn.»

Nyanmien nde Ufle

¹⁹ Béh séh ke man di fo, nan bé kun min, béh fah min wla bé bo bé ti'a Juif'm bé sa nun ke bé yô n finfin, bé bô min nin ngblé, bé bôbô min waka'n su, ye i lé nsan su nh tyenh.

Matthieu 20:19 Iomraidhean Croise

Zɔb I Nyrɛnnɛn Wunlɛ 30:8

Wlakafuɛ sɔ'm b'a sɔn-man aɔwi. Be fa nyantiaan be fuan be mɛn'n nun.

Jue Mun 35:16

Be nin e wafuɛ nga be nzuɛn ti tɛ'n, bɔ be yo sran'm be fiaan'n, bé bo ti kun. Be yi bé je'n be kle min, ɔ waan nnɛn wlɛfuɛ mun-ɔn.

Ezai 26:19

Amun fuɛ nga be wuli'n be ´sa bé sin wa ekun. Min sran nga be sinnin wie nun'n be ´cɛn. Amun nga amun o ndutre'n nun'n, amun `tinnge, man amun klun jɔ, yɛ amun `bo sro. Anannganman, ɔ bɔlɛ ufue'n ɔ ti kɛ like b'ɔ kpaja weiin'n sa, yɛ asiɛ'n ɔ man be nga be wuli'm be ´sa bé sin wa ekun.

Ezai 53:3

Sran'm be yoli i finfin, be kacili bé sin sili i, ɔ ti afɛfuɛ, nyrɛnnɛn'n yɛ ɔ wun i sa tititi-ɔ. Ɔ yoli kɛ sran bɔ be wun i-ɔ be to bé nyin blo'n sa, e yoli i finfin, y'a bu-mɛn i like fi.

Ndɛ Nga Nyanmiɛn I Nuan Ijɔfuɛ Oze Kannin'n 6:2

Wa nin le nnyɔn'n ɔ ´yo man e nyan nguan ekun, e ´tintin é sa ase i fanngan nun. Kpɛkuun i le nsan su'n, ɔ ´man ye su e ´yo juejue, e wa tran nguan nun i nyrun ekun .

Matthieu 12:40

Afin kɛ Zonas dili le nsan jue dan'n i klun'n i kunngba nin-ɔn, m bɔ n kacili Sran'n, n kusu n ´di le nsan asiɛ'n bo .

Matthieu 16:21

Kɛ ɔ fin cɛn sɔ'n nun'n, Jésus boli i sɔnnzɔnfuɛ'm be kan klelɛ bo kɛ, san ɔ ´kɔ Zerizalɛm ɔ ´wun nyrɛnnɛn dan kpɛnngbɛn mun, nin Nyanmiɛn nyrun jranfuɛ dandan mun, ɔ nin mmla klefuɛ'm bé sa nun nan be ´kun i, yɛ i le nsan su, ɔ ´cɛn.

Matthieu 17:23

Be man be ´kun min, yɛ i le nsan su n ´cɛn. I sɔ'n ti, bé wla boli dan kpa.

Matthieu 27:26

Yɛ Pilat yi Barabas mannin be-ɔ. Kɛ ɔ yoli bɔ be boli Jésus'n, ɔ fɛ i mannin be kɛ be ko bobo i waka'n su.

Matthieu 27:63

«Nannan, é wla kpɛn ndɛ kun bɔ kɛ bian gblɛfuɛ dan sɔ'n i nyin o su'n ɔ kannin'n su, i waan sɛ be kun i nan ɔ di le nsan'n, ɔ ´cɛn.

Marc 14:65

Be wie'm be guɛli i wun ngɔsrɛ, be boli i zaga, be usɛli i kɛ: «?Wan yɛ ɔ boli wɔ-ɔ?» Yɛ sua sunianfuɛ'm be sɔli i bolɛ su-ɔ.

Marc 15:1

Kɛ aliɛ'n cɛnnin'n, Nyanmiɛn nyrun jranfuɛ dandan mun, nin kpɛnngbɛn mun, yɛ mmla klefuɛ mun be nin jɔlɛ difuɛ'm be kwlaa be yiali nan b'a wun bé wun. Kɛ be cili Jésus'n, be fɛ i ɔli nan b'a fɛ i a wla Pilat sa nun.

Marc 15:15

Kɛ Pilat klo kɛ ɔ ´yo sa ng'ɔ yo sran'm be fɛ ti'n, ɔ man ɔ yacili Barabas nun mannin be. Kɛ ɔ yoli bɔ be boli Jésus nin ngble'n, ɔ fɛ i mannin be kɛ be ko bobo i waka'n su .

JÉSUS-CHRIST I DYASIN FE'N BO LUC KLELI'N 18:32

Be ´fa min man be bɔ be ti-man Zuif'n, be ´yo n finfin, be ´yo n tɛtɛ, be ´gua mín wun ngɔsrɛ.

JÉSUS-CHRIST I DYASIN FE'N BO LUC KLELI'N 23:11

Erɔd nin i sonja mun be yoli i finfin, be srili i, be wlɛli i wun tralɛ klanman kpa nan b'a fɛ i a ko man Pilat .

JÉSUS-CHRIST I DYASIN FE'N BO LUC KLELI'N 24:46

Nan ɔ'a se be kɛ: «Ndɛ sɔ'n be klɛli i kɛ: Krist ´wun nyrɛnnɛn yɛ i le nsan su ɔ ´cɛn .

Sa nga bé yôli'n 2:23

Kɛ Nyanmiɛn bɔbɔ dun mmua buli i akunndan b'ɔ sieli i kɛ be `fa bian sɔ'n be man sran mun'n, be kunnin i.

Sa nga bé yôli'n 21:11

Ɔ fali Pɔl bo kplo'n, ɔ fa cili i bɔbɔ i ja nin i sa yɛ ɔ seli kɛ: «Nyanmiɛn Wawɛ'n waan: ‹Sran ng'ɔ lɛ kplo nga'n, kɛ Zuif'm be wa ci i kɛ nga sa Zerizalɛm lɔ, yɛ be ´fɛ i man be bɔ be ti-man Zuif'n.› »

Sa nga bé yôli'n 4:27

Nanwlɛ, klɔ nga su wa'n, Erɔd nin Pɔns Pilat, ɔ nin be bɔ be ti-man Zuif'n be nin Izraɛlfuɛ'm bé bo yoli kun ɔ sran Jésus bɔ a guɛli i su ngo kɛ ɔ yo famiɛn'n i wun ,