Matthieu 2:6 - NYANMIƐN NDƐ'N 1998

⁶ ‹Yɛ wɔ Bɛtleɛm bɔ a o Zida nvle nun'n, a ti-man kaan Zida i klɔ bɔ be lɛ nyrun'n be nun mlɔnmlɔn, afin wɔ su yɛ sran kun wa fite b'ɔ ´sie min nvle Izraɛl nin-ɔn, ɔ ´nian min sran'm be su .› »

Nyanmien nde Ufle

⁶ «Ye wo Bethléhem bo a ô Juda nvlé'n nun'n, a ti'a kaan Juda i klo bo bé le nyrun'n bé nun mlonmlon, Afin wo su ye swran kun wa fité b'oh siéh min nvlé Israël nion, oh nianh bé su.»

Matthieu 2:6 Iomraidhean Croise

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

2 Samiɛl 5:2

Laa bɔbɔ nga Sail ti famiɛn'n, wɔ yɛ a dun mmua Izraɛl sonja'm be nyrun-ɔn. Anannganman seli wɔ kɛ: ‹Wɔ yɛ a ´sie Izraɛlfuɛ'm bɔ be ti min nvlefuɛ mun nin-ɔn. Wɔ yɛ a ´yo be su kpɛn nin-ɔn.› »

1 Be Nyoliɛ 2:51

Ba'n kun ekun yɛlɛ Salma. I yɛ ɔ takali Bɛtleɛm klɔ nin-ɔn. Kun ekun yɛlɛ Arɛf. I yɛ ɔ takali Bɛt-Gadɛr klɔ nin-ɔn.

1 Be Nyoliɛ 5:2

Zida yɛ ɔ nyannin nyrun dan i niaan'm be nun-ɔn, i osu nunfuɛ'm be nun kun yɛ ɔ yoli kpɛnngbɛn nin-ɔn, sanngɛ Zozɛf yɛ ɔ nyannin ba klikli'n i aja nin-ɔn .

Ɛsdras 2:21

Bɛtleɛm klɔ'n sufuɛ'm be ti sran ya sran ablaɔn-nin-nsan.

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Kalɛ 24:19

Zakɔb i osu'n nunfuɛ'n ɔ ´sie i kpɔfuɛ mun, ɔ ´nunnun klɔ'm be sufuɛ nga be kali'n mun.»

Matthieu 2:1

Be wuli Jésus Bɛtleɛm, Zide mɛn'n nun. Blɛ sɔ'n nun, famiɛn Erɔd yɛ ɔ sie nvle sɔ nin-ɔn. Mɛn nun sa sifuɛ wie'm be fin wia afiliɛ be bali Zerizalɛm lɛ,

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Jean 21:16

Ɔ usɛli i ekun kɛ: «?Zan wa Simɔn, a klo min?» Piɛr seli i kɛ: «Ɛɛn! Nannan, a si kɛ n klo wɔ.» Jésus seli i kɛ: «Nian m bua'm be lika.»

Jean 7:42

?B'a klɛ-mɛn i Nyanmiɛn Ndɛ nga be klɛli'n nun kɛ Krist'n ´fin David osu'n nun, b'a klɛ-mɛn i kɛ ɔ fin Bɛtleɛm b'ɔ ti David i klɔ'n i su lɔ ?»

Efɛzfuɛ Mun 1:22

Nyanmiɛn man ɔ sie like'n kwlaa yɛ ɔ fɛ i sieli Asɔnun'n su kpɛn .

Kolɔsfuɛ Mun 1:18

Ɔ ti Asɔnun b'ɔ ti i wunnɛn'n i ti, afin i ti yɛ Asɔnun sɔ'n wo lɛ-ɔ. Ɔ ti Nyanmiɛn i Wa Kpɛn bɔ i yɛ ɔ yili cɛnlɛ nin-ɔn, ɔ man ɔ ti like'm be kwlaa bé ti.

Hébreu 7:14

Afin sran'm be kwlaa be si i weiin kɛ e Min'n fin Zida osu bɔ Moiz a kan-man Nyanmiɛn nyrun jranfuɛ fi ndɛ osu sɔ'n nun le'n i nun.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 2:27

kɛ ń Si fa min sieli be su'n sa. Ɔ ´fa blalɛ kpɔnman ´kankan be, yɛ ɔ ´bo be kɛ be bo sɛ'n sa. Yɛ n ´fa awuɛ nzraama'n m ´man sran sɔ'n .

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»