Matthieu 2:4 - NYANMIƐN NDƐ'N 1998

⁴ Ɔ yiali Zuif'm be Nyanmiɛn nyrun jranfuɛ dandan nin be mmla klefuɛ'm be kwlaa nan ɔ'a usa be lika nga be wa wu Krist'n.

Nyanmien nde Ufle

⁴ O yia Juif'm bé Nyanmien nyrun dyranfue dandan nin bé mmla kléfue'n kwlaa, nan wa usa bé lika nga bé wa wu Christ'n.

Matthieu 2:4 Iomraidhean Croise

2 Be Nyoliɛ 34:13

Be nian trɔ suafuɛ'm be su. Yɛ be nian junman difuɛ wafa-wafa'n be kwlaa be su. Levifuɛ wie'm be kusu be ti fluwa klɛfuɛ nin like su nianfuɛ, yɛ wie'n be ti anuan su nianfuɛ.

2 Be Nyoliɛ 34:15

Yɛ Ilkiza kan kleli Safan b'ɔ ti fluwa klɛfuɛ'n kɛ: «M'an wun mmla fluwa'n Anannganman i sua'n nun.» Yɛ ɔ fa mannin Safan-an.

2 Be Nyoliɛ 36:14

I kunngba'n, Nyanmiɛn nyrun jranfuɛ kpɛnngbɛn mun, be nin sran'm be kwlaa be yoli tete sa nga nvle kun nga mun be nunfuɛ'm be yo'n i kwlaa'n wie. Nyanmiɛn i sua'n b'ɔ o Zerizalɛm lɔ'n, b'ɔ yoli i saun'n, be yoli i fiɛn.

Ɛsdras 10:5

Ɛsdras jasoli, ɔ yoli man Nyanmiɛn nyrun jranfuɛ kpɛnngbɛn mun, nin Levifuɛ kpɛnngbɛn mun, ɔ nin Izraɛl kpɛnngbɛn'm be kwlaa be tali nda kɛ be ´nian nga be kannin'n su be ´yo.

Ɛsdras 7:6

Ɛsdras sɔ'n fin Babilɔni lɔ yɛ ɔ bali-ɔ. Ɔ ti Anannganman b'ɔ ti Izraɛl Nyanmiɛn'n i mmla nga Moiz mannin'n i klefuɛ. Ɔ si mmla sɔ'n kpa sakpa. Anannganman b'ɔ ti i Nyanmiɛn'n jin i sin. Ɔ man like kwlaa ng'ɔ usali famiɛn'n, ɔ fa mɛnnin i.

Neemi 12:7

Sali, Amɔk, Ilkiza, ɔ nin Zɛdaɛza. Be yɛ be ti be niaan Nyanmiɛn nyrun jranfuɛ'm be kpɛnngbɛn Zozie i blɛ su-ɔ.

Jue Mun 2:2

Asiɛ'n su wa famiɛn'm b'a jaso. Bé bo ɔ'a yo kun Anannganman nin i sran ng'ɔ sieli i famiɛn'n bé wun.

Zeremi 8:8

«An tɔn amún wun suɛn se kɛ: ‹E si ngwlɛlɛ. Anannganman i mmla'n, é sa nun yɛ ɔ wo-ɔ.› Kusu wuun mmla'n i klɛfuɛ'm b'a kpɛ i wun lele siɛn'n ɔ'a kaci ato .

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Matthieu 13:52

Yɛ ɔ seli be kɛ: «I sɔ'n ti, mmla klefuɛ kwlaa b'ɔ suan Nyanmiɛn sielɛ nun ninnge mun'n, ɔ ti kɛ awlo bo kpɛn kun b'ɔ yi ninnge uflɛ nin ninnge nvuɛn i bɛtrɔ'n nun sa.»

Matthieu 2:3

Jasin sɔ'n ti, famiɛn Erɔd nin Zerizalɛmfuɛ'm be kwlaa be klun ɔ'a jɔ-man.

Matthieu 2:5

Be seli i kɛ: «Bɛtleɛm b'ɔ o Zide mɛn'n nun wa'n i su-ɔ, afin nian ndɛ nga Nyanmiɛn nuan ijɔfuɛ'n klɛli yɛ, ɔ klɛli i kɛ:

Matthieu 21:15

Sanngɛ abonuan sa bɔ Jésus yoli be'n, ɔ nin ba kanngan bɔ be kpan Nyanmiɛn i sua'n nun kɛ: «Nyanmiɛn man David Anunman'n cɛ é su'n!», ɔ yoli Nyanmiɛn nyrun jranfuɛ dandan nin mmla klefuɛ'm be ya.

Matthieu 21:23

Jésus ɔli Nyanmiɛn i sua'n nun lɔ. Kɛ ɔ ´kle like'n, Nyanmiɛn nyrun jranfuɛ dandan nin mɛn kpɛnngbɛn'm be wa usɛli i kɛ: «?Wan dunman nun yɛ a yo sa nga mun-ɔn? ?Yɛ wan yɛ ɔ tuli wɔ kɛ a yo-ɔ?»

Matthieu 26:3

I ti Nyanmiɛn nyrun jranfuɛ'm be su kpɛn nin mɛn kpɛnngbɛn'm be yiali Nyanmiɛn nyrun jranfuɛ dan'n bɔ be flɛ i Kaif'n i awlo lɔ

Matthieu 26:47

Kɛ i nuan tɛ o ndɛ'n su kpɛkuun i sɔnnzɔnfuɛ blu-nin-nnyɔn'n be nun kun bɔ be flɛ i kɛ Zidas'n, ɔ nin sran kpanngban bɔ Nyanmiɛn nyrun jranfuɛ dandan nin mɛn kpɛnngbɛn'm be sunmannin be'n, bɔ tokofi nin klɔnman o bé sa nun'n, b'a bo nun.

Matthieu 27:1

Kɛ aliɛ cɛnnin'n, Nyanmiɛn nyrun jranfuɛ dandan mun nin mɛn kpɛnngbɛn'm be kwlaa be ko wunnin bé wun kɛ be `kun Jésus.

Matthieu 7:29

afin fɔ wafa ng'ɔ fa tu be'n nin be mmla klefuɛ'm be liɛ'n ti-man kun, yɛlɛ kɛ i liɛ'n kle kɛ ɔ lɛ sin jranfuɛ.

Marc 8:31

Yɛ ɔ boli be kan klelɛ'n bo kɛ ɔ fata kɛ i b'ɔ kacili Sran'n ɔ wun nyrɛnnɛn dan, nan kpɛnngbɛn mun, nin Nyanmiɛn nyrun jranfuɛ dandan mun, nin mmla klefuɛ mun be ´yi i blo yɛ be ´kun i, sanngɛ i le nsan su'n, ɔ ´cɛn.

JÉSUS-CHRIST I DYASIN FE'N BO LUC KLELI'N 20:19

Kɛ Nyanmiɛn nyrun jranfuɛ dandan mun nin mmla klefuɛ mun be wunnin kɛ be ti yɛ ɔ buli nyanndra sɔ'n, be waan be ´trɛ i lɛ, sanngɛ srɛ kunnin be sran'm bé wun.

JÉSUS-CHRIST I DYASIN FE'N BO LUC KLELI'N 23:10

Nyanmiɛn nyrun jranfuɛ dandan mun nin mmla klefuɛ bɔ be o lɛ'n, be jao kɛnnin i wun ndɛ tɛtɛ kpa.

Jean 18:3

Ɔ man Zidas fali sonja mun nin Nyanmiɛn i sua'n nun sonja nga Nyanmiɛn nyrun jranfuɛ dandan mun nin Farizifuɛ'm be yili be'n be ɔli lɔ. Kannin, nin tɛ, nin tokofi, ɔ nin klɔnman o bé sa nun.

Jean 3:10

Jésus seli i kɛ: «?Wɔ bɔ a ti Izraɛlfuɛ'm be ninnge klefuɛ dan'n, a wun-man sa nga wlɛ?»

Jean 7:32

Farizifuɛ'm be ti i wun aswre nga sran'm be tu'n. Ɔ man Nyanmiɛn nyrun jranfuɛ dandan mun nin Farizifuɛ'm be yili sonja mun kɛ be ko trɛ i.

Jean 8:3

Mmla klefuɛ mun nin Farizifuɛ'm be nin bla kun bɔ be wunnin i kɛ ɔ su kunndɛ bian i wun bo'n bali.

Sa nga bé yôli'n 23:9

Ɔ yoli ndɛnngan dan kpa, yɛ Farizifuɛ'm be nun mmla klefuɛ'm be jaoli-ɔ, be jrannin nun kekle kpa, be seli kɛ: «Bian nga, e wun-man sa fi i wun. Wienun-ɔn like wie annzɛ anz wie kan ndɛ wie kleli i.»

Sa nga bé yôli'n 4:5

Kɛ aliɛ cɛnnin'n, Zuif'm be su kpɛn mun, nin kpɛnngbɛn mun, nin mmla klefuɛ mun

Sa nga bé yôli'n 6:12

Be fa akunndan tɛtɛ wie mun wlali sran mun nin kpɛnngbɛn mun, ɔ nin mmla klefuɛ'm be nun, kpɛkuun be wa trɛ i fa ɔli jɔlɛ difuɛ dandan'm bé ja su.