Matthieu 2:2 - NYANMIƐN NDƐ'N 1998

² be usali kɛ: «?Zuif'm be famiɛn'n bɔ be wuli i icra'n ɔ o nin? Afin e wunnin i nzraama'n wia afiliɛ lɔ, yɛ e bɛli i sulɛ-ɔ .»

Nyanmien nde Ufle

² bé usa ke: ?Juif'm bé famien'n bo bé wulii ityra'n o ô nin? Afin é wuun i nzraama'n wia afilie lo, ye é bee i nvle yôleo.

Matthieu 2:2 Iomraidhean Croise

Jue Mun 2:6

I waan: «M bɔbɔ min yɛ n sieli famiɛn'n bɔ n fɛli i Siɔn b'ɔ ti min oka'n i su lɔ nin-ɔn.»

Jue Mun 45:11

Min wa talua, nian, sie ɔ su tie. Man ɔ wla fi ɔ nvle nunfuɛ mun nin ɔ si i awlo'n nunfuɛ'm bé su.

Ezai 60:3

Nvle-nvle'm be nunfuɛ'm be wa nanti ɔ lika b'ɔ kpaja weiin'n nun, yɛ famiɛn wie'm be ´nanti ɔ lika b'ɔ kpaja weiin sɔ'n i nun wie.

Zeremi 23:5

Anannganman wan yoo: «Cɛn wie lele David i anunman kpa nanwlɛ su kun wa jaso i osu. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun.

Zeremi 30:9

Sran nga be ´su i'n yɛlɛ min Anannganman bɔ n ti be Nyanmiɛn'n, ɔ nin David bɔ n ´fa sie be su famiɛn'n.»

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Kalɛ 24:17

N wun sa nga ɔ wa ju'n, sanngɛ nán ndɛkɛn yɛ i sɔ sa'n ɔ ´ju-ɔ. N wun kɛ sa dan kun su wa yo, sanngɛ i blɛ nian ju-man ka. Nzraama kun ´fite Zakɔb i osu'n nunfuɛ'm be afiɛn, famiɛn dan kun wa fite Izraɛlfuɛ'm be afiɛn. Famiɛn sɔ'n ɔ ´fɛ i kpɔnman'n fin Moabfuɛ'm be papla nun, ɔ ´fa fin Sɛt i mma'm be kwlaa bé ti'n su .

Matthieu 2:3

Jasin sɔ'n ti, famiɛn Erɔd nin Zerizalɛmfuɛ'm be kwlaa be klun ɔ'a jɔ-man.

Matthieu 21:5

«Se Siɔn wa bla'n kɛ: Nian, ɔ famiɛn'n su ba ɔ sin. Ɔ ti wɛtɛɛfuɛ dan kpa, ɔ fu aflunmun su, ɔ fu aflunmun b'ɔ ti nnɛn b'ɔ sua trɔ'n i wa bɔ ɔ'a kpɛ cro'n i su .»

Matthieu 27:11

Kɛ be fa Jésus ɔli be kpɛnngbɛn'n i ja su sɔ'n, ɔ usɛli i kɛ: «?A ti Zuif'm be famiɛn?» Jésus tɛli i su kɛ: «Yɛ ɔ́ nuan o su lɛ-ɔ.»

JÉSUS-CHRIST I DYASIN FE'N BO LUC KLELI'N 19:38

Be seli kɛ: «Famiɛn ng'ɔ ba e Min Nyanmiɛn dunman nun'n, man ɔ nyan nguan! Alaje o Nyanmiɛn lika lɔ. Man Nyanmiɛn manmanlɛ'n tɛ nyanmiɛn su lɔ !»

JÉSUS-CHRIST I DYASIN FE'N BO LUC KLELI'N 2:11

Yɛlɛ kɛ ndɛkɛn David klɔ lɔ'n, b'a wu Defuɛ kun b'a man amun, ɔ ti Krist, ɔ ti e Min .

JÉSUS-CHRIST I DYASIN FE'N BO LUC KLELI'N 23:3

Yɛ Pilat usɛli i kɛ: «?A ti Zuif'm be famiɛn?» Yɛ i waan: «Ɛɛn, yɛ ɔ́ nuan o su lɛ-ɔ.»

JÉSUS-CHRIST I DYASIN FE'N BO LUC KLELI'N 23:38

Yɛ be klɛli i ti su lɛ kɛ: Zuif'm be famiɛn'n yɛ.

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

Jean 12:13

Be fali mme nnya trali nun. Be fite ɔli i atin kpalɛ, be kpan seli kɛ: «Ozanna! Sran ng'ɔ ba e Min Nyanmiɛn dunman nun'n, Nyanmiɛn man ɔ nyan nguan. Nyanmiɛn man Izraɛl famiɛn'n nyan nguan .»

Jean 18:37

Ɔ man Pilat usɛli i kɛ: «?Ɔ man a ti famiɛn?» Jésus tɛli i su kɛ: «Yɛ ɔ́ nuan o su lɛ-ɔ, n ti famiɛn. Nian sa ti bɔ be wu min'n, sa ti bɔ m bali mɛn'n nun'n yɛ: m bali kɛ n ´kan ndɛ ng'ɔ ti nanwlɛ'n kle sran mun. Sran kwlaa ng'ɔ si nanwlɛ'n, ɔ ti ndɛ nga n kan'n. »

Jean 19:19

Pilat klɛ ndɛ wie sieli waka'n su, ɔ klɛli i kɛ: «Jésus Nazarɛtfuɛ'n b'ɔ ti Zuif'm be famiɛn'n yɛ.»

Jean 20:28

Yɛ Tomas seli i kɛ: «Min Min, min Nyanmiɛn!»

Jean 5:23

nan sran'm be kwlaa be bu i sran kɛ be bu i Si sran'n sa. Sran ng'ɔ bu-mɛn i Wa'n sran'n, wuun ɔ bu-mɛn i Si b'ɔ sunmɛnnin i'n i sran.

Jean 9:38

Ɔ man ɔ seli kɛ: «Nannan, n lafi wɔ su.» Yɛ ɔ kotoli i bo mɛnmɛnnin i-ɔ.

Hébreu 1:6

Kɛ ɔ ´fɛ i Wa kpɛn'n ba mɛn nun'n, ɔ kɛnnin i ekun kɛ: «Man min anz'm be kwlaa be koto i bo be mɛnmɛn i.»

Sa nglô yile 22:16

Min Jésus, n sunmannin min anz'n kɛ ɔ wa kan sa sɔ'n kwlaa kle amun asɔnun'm be nun. N fin David osu'n nun, i anunman yɛlɛ min. Min yɛ n ti awuɛ nzraama nin-ɔn .»