Matthieu 2:15 - NYANMIƐN NDƐ'N 1998

¹⁵ Ɔ trannin lɔ lele san Erɔd wuli, kɛ ɔ yo nan ndɛ nga e Min Nyanmiɛn'n man i nuan ijɔfuɛ'n kannin'n ɔ'a kpɛn su'n ti. Nyanmiɛn nuan ijɔfuɛ sɔ'n seli kɛ: «N flɛli n wa yasua'n kɛ ɔ jaso Ezipt lɔ bla .»

Nyanmien nde Ufle

¹⁵ O traan lo lélé san Hérode wuli, nan nde nga é Min Nyanmien'n man i nuan idyofue'n kannin'n o kpen su, o sé ke: «N flee n Wa Yasua'n ke o dyaô Égypte lo bla.»

Matthieu 2:15 Iomraidhean Croise

Ezipt Lɔ Tulɛ'n 4:22

I blɛ sɔ nun'n, se i kɛ: ‹Ndɛ nga Anannganman kan'n yɛ: Izraɛl nvle'n ti kɛ min wa yasua sa, min wa yasua klikli nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 11:1

«Kɛ Izraɛl tɛ yo sɛsɛ kan'n, yɛ n sɔli i klolɛ-ɔ, i nun sɔ'n nun yɛ n flɛli mín wa'n kɛ ɔ jao Ezipt lɔ bla-a .

Kalɛ 24:8

Anannganman yɛ ɔ fali be Ezipt lɔ bali-ɔ, i fanngan bɔ like fi kwla jrɛn-mɛn i nyrun'n b'ɔ ti kɛ awɛ'n i fanngan'n sa'n ti. Be nunnun nvle nga be waan be nin be ´kun'n mun kpɛ kunngba, be bubu be owie mun, yɛ be fa be ta mma mun san-san be.

Matthieu 1:22

I kwlaa sɔ'n yoli sɔ nan ndɛ nga e Min Nyanmiɛn'n man i nuan ijɔfuɛ'n kannin'n ɔ'a kpɛn su, ɔ seli kɛ:

Matthieu 2:14

Yɛ Zozɛf jasoli kɔnguɛ-ɔ, ɔ fali bakan'n nin i nin, nan b'a wɔ Ezipt.

Matthieu 2:17

I sɔ'n ɔ kpɛnnin ndɛ nga Nyanmiɛn nuan ijɔfuɛ Zeremi kannin'n su, ɔ seli kɛ:

Matthieu 2:19

Kɛ Erɔd wuli'n, e Min Nyanmiɛn'n i anz kun yili i wun kleli Zozɛf Ezipt lɔ laliɛ nun, ɔ seli i kɛ:

Matthieu 2:23

Nan ɔ'a tran klɔ kun bɔ be flɛ i kɛ Nazarɛt'n su nan ndɛ nga Nyanmiɛn nuan ijɔfuɛ'm be kannin'n ɔ'a kpɛn su. Be kɛnnin i kɛ: «Be wa flɛ i Nazarɛtfuɛ .»

Matthieu 21:4

Sa sɔ'n yoli sɔ nan Nyanmiɛn nuan ijɔfuɛ'n i ndɛ'n `kpɛn su, afin ɔ seli kɛ:

Matthieu 26:54

?Sɛ ɔ'a yo-man sɔ'n, ɔ ´yo sɛ nan ndɛ nga be klɛli i kɛ be ´yo kɛ nga sa'n, ɔ'a kpɛn su?»

Matthieu 26:56

Sanngɛ be yoli i kwlaa sɔ'n nan ndɛ nga Nyanmiɛn nuan ijɔfuɛ'm be klɛli'n ɔ ´kpɛn su.» Yɛ i sɔnnzɔnfuɛ'm be kwlaa be yacili i lɛ be wanndili-ɔ.

Matthieu 27:35

Kɛ be boboli i waka'n su'n, be tuli i tralɛ'm bé wun fɔtɔ .

Matthieu 8:17

I sɔ'n nun'n, ndɛ nga Nyanmiɛn nuan ijɔfuɛ Ezai kɛnnin i kɛ: «I bɔbɔ fali e wunnɛn ya'n, yɛ ɔ fa e tukpacɛ'n suali'n ,» ɔ kpɛnnin su.

JÉSUS-CHRIST I DYASIN FE'N BO LUC KLELI'N 24:44

I sin ɔ seli be kɛ: «Ndɛ nga yɛ kɛ min nin amun tɛ o lɛ'n n kan kleli amun nin-ɔn, n kɛnnin i kɛ mín wun ndɛ nga be klɛli i Moiz mmla nun'n, nin Nyanmiɛn nuan ijɔfuɛ'm be ndɛ'n nun'n, ɔ nin Nyanmiɛn Jue fluwa be nun'n, san i kwlaa'n ´kpɛn su.»

Jean 19:28

Kɛ ɔ yoli sɔ'n, Jésus sili kɛ ɔ'a wie like ng'ɔ bɛli i yolɛ'n i yo, sanngɛ kɛ ɔ yo nan Nyanmiɛn ndɛ nga be klɛli ɔ'a kpɛn su'n ti'n, ɔ seli kɛ: «Nzue we kun min .»

Jean 19:36

Kɛ ɔ ko yo nan Nyanmiɛn Ndɛ nga be klɛli'n ɔ'a kpɛn su'n ti yɛ ɔ yoli sɔ-ɔ. Be klɛli i kɛ: «Be su bu-mɛn i owie'n wie fi .»

Sa nga bé yôli'n 1:16

«Nja mun, Nyanmiɛn Ndɛ nga i Wawɛ'n fa wlɛli i David nuan bɔ be klɛli i kɛ Zidas ɔ wa yo be nga be tra Jésus'n be nyrun dunfuɛ'n, san ɔ ´kpɛn su.