Matthieu 2:13 - NYANMIƐN NDƐ'N 1998

¹³ Kɛ be ɔli'n, e Min Nyanmiɛn'n i anz kun yili i wun kleli Zozɛf laliɛ nun, ɔ seli i kɛ: «Jaso fa bakan'n nin i nin an `wanndi wɔ Ezipt, an `tran lɔ lele san n ´se wɔ kɛ a bla, afin Erɔd wa kunndɛ kɛ ɔ ´kun bakan'n.»

Nyanmien nde Ufle

¹³ Ke bé oli'n, é Min Nyanmien'n i ange kun yi i wun kléé Joseph lalie nun, o sé ke: Dyaô fa bakan'n nin i nin anh wanndi o Égypte, anh tran lo lélé san nh séh o ke a bla, afin Hérode wa kunnde ke oh kunh bakan'n.

Matthieu 2:13 Iomraidhean Croise

1 Famiɛn Mun 11:17

Yɛ Adad nin Edɔmfuɛ wie mun bɔ be ti i si i sufuɛ'n, be wanndi ɔli Ezipt-ɔ. Kɛ ɔ ´yo sɔ'n, wuun Adad ti gbanflɛn kan.

1 Famiɛn Mun 3:5

Kɛ Salomɔn o Gabaɔn lɛ'n, kɔnguɛ Anannganman fɛli i wun kleli i laliɛ nun. Nyanmiɛn seli i kɛ: «Like nga a klo kɛ n fa m man wɔ'n, usa min.»

Zɔb I Nyrɛnnɛn Wunlɛ 33:15

Ɔ kan ndɛ laliɛ nun, ɔ kɛn i aolia nun like'm be nun wie. Yɛ kɛ sran'm be la be bɛ'n su, bɔ lafilɛ'n ɔ tɔ be su'n, bɔ be lafi kpa pɔɔ'n, ɔ kan ndɛ kle be.

Zɔb I Nyrɛnnɛn Wunlɛ 33:17

kɛ ɔ ´yo nan b'a yo-man sa tɛ nan b'a tu-man be wun'n ti.

Ezipt Lɔ Tulɛ'n 1:22

Siɛn liɛ'n, Ezipt famiɛn wlali i nvlefuɛ'm be kwlaa be su nun kɛ: «Ebre'm be wa yasua nɔnman kwlaa nga be wu be'n, amun `to be gua Nil nzue'n nun lɔ, sanngɛ amun `yaci ba bla'm be lɛ.»

Matthieu 1:20

Kɛ ɔ ´bu akunndan sɔ'n, e Min Nyanmiɛn'n i anz kun yi i wun kleli i laliɛ nun, ɔ seli i kɛ: «Zozɛf, David anunman, nán srɛ kun wɔ, fa ɔ yi Mari kɔ ɔ bo, afin ba'n bɔ ɔ'a wunnzɛ i'n ɔ fin Nyanmiɛn Wawɛ'n.

Matthieu 10:23

Sɛ be kle amun yalɛ klɔ kun su'n, an `wanndi wɔ klɔ uflɛ su. Nanwlɛ, an su wie-man Izraɛl klɔ'm be su wlan nan m bɔ n kacili Sran'n m'an ba.

Matthieu 2:12

I sin be fa atin uflɛ be ɔli be mɛn nun, afin Nyanmiɛn seli be laliɛ nun kɛ nán man be sa be sin Erɔd wun lɔ kun.

Matthieu 2:14

Yɛ Zozɛf jasoli kɔnguɛ-ɔ, ɔ fali bakan'n nin i nin, nan b'a wɔ Ezipt.

Matthieu 2:16

Kɛ Erɔd wunnin kɛ sa sifuɛ'm b'a lɛkɛ i'n, ɔ fali ya dan kpa. Ɔ man ɔ sunmannin sran kɛ be wɔ Bɛtleɛm nin i akpasua'n kwlaa su. I waan be nian blɛ nga sa sifuɛ'm be kleli i'n su be kun ba yasua nga b'a di afuɛ nnyɔn'n nin nga be nian di-man afuɛ nnyɔn'n be kwlaa.

Matthieu 2:22

Sanngɛ kɛ ɔ tili kɛ Arkelais ɔ'a sin i si Erɔd osu Zide mɛn nun'n, srɛ kunnin i lɔ kɔlɛ nun. Ndɛ nga Nyanmiɛn kan kleli i laliɛ nun'n ti, ɔ ciɛli i wun ɔli Galile akpasua liɛ'n su.

Sa nga bé yôli'n 10:22

Be seli i kɛ: «Nyanmiɛn i anz kun seli Kɔrnɛyi b'ɔ ti sonja ya su kpɛn'n b'ɔ o Sezare lɔ'n kɛ ɔ flɛ wɔ nan a bla, a wa kan ndɛ wie kle i. Ɔ ti sran nanwlɛfuɛ b'ɔ sro Nyanmiɛn, Zuif nvle'n kwlaa nun be bo i dunman kpa.»

Sa nga bé yôli'n 10:7

Kɛ anz'n b'ɔ kan ndɛ kleli Kɔrnɛyi'n wɔli'n, ɔ flɛli i sran'm be nun nnyɔn yɛ i sonja bɔ be mɛntɛn i'n be nun kun b'ɔ sro Nyanmiɛn'n.

Sa nga bé yôli'n 12:11

Kɛ Piɛr nyin su titili i'n, ɔ seli kɛ: «M'an wun i wlɛ siɛn'n kɛ e Min'n yɛ ɔ sunmɛnnin i anz'n yɛ ɔ'a de min Erɔd i sa nun-ɔn, sa nga Zuif'm be waan be fa yo min i kunngba yɛ ɔ'a de min i kwlaa nun-ɔn.»

Sa nga bé yôli'n 12:7

Kpɛkuun e Min Nyanmiɛn i anz kun yɛ, sua ba nga be o nun'n i nun kpajali wauun. Anz'n finnin Piɛr nvɛn'n su nan ɔ'a tinnge. Ɔ seli i kɛ: «Jao waka!» Yɛ jrɔkɔ'm be fin i sa guali-ɔ.

Sa nga bé yôli'n 16:36

Yɛ bisua su kpɛn'n ko kannin ndɛ sɔ'n kleli Pɔl, ɔ seli i kɛ: «Jɔlɛ difuɛ'm be sunmannin sran kɛ be yaci amun nun, ɔ man siɛn'n, an `fite wɔ, man Nyanmiɛn ko sunman amun.»

Sa nga bé yôli'n 5:19

Sanngɛ kɔnguɛ e Min Nyanmiɛn'n i anz kun bali bisua lɛ ɔ wa tike be anuan'n, ɔ yili be nan ɔ'a se be kɛ:

Sa nga bé yôli'n 7:19

Famiɛn sɔ'n lakali e nannan mun, ɔ yoli be tɛtɛ kpa, ɔ man be guali be bɔbɔ be mma'm be blo.

Zozie 3:13

Kɛ Nyanmiɛn nyrun jranfuɛ nga be sua Nyanmiɛn i alaka'n bé ja ´tia Zurdɛn nun cɛ'n, nzue'n ɔ wa kpɛ. Nzue i bue ng'ɔ fin nglo lɔ'n, ɔ wa jran, ɔ ´bo kofie kunndunngluun'n kɛ b'a si i nyrun ce sa.»

Zozie 3:17

Kɛ nzrafuɛ'm be ´sin'n, wuun Nyanmiɛn nyrun jranfuɛ nga be sua Nyanmiɛn i alaka'n be jin Zurdɛn'n i afiɛn aunnyan siɛ'n su, b'a keje-man be wun lele san sran'm be kwlaa be sinnin.

Zozie 4:10

Nyanmiɛn nyrun jranfuɛ nga be sua Nyanmiɛn i alaka'n, be jrannin Zurdɛn ba'n i afiɛn lele san ndɛ nga Anannganman fa wlali Zozie nuan kɛ ɔ `kan kle nzrafuɛ mun'n, be niannin i kwlaa su yoli. Ɔ man Zozie fali ndɛ nga Moiz kan kleli i'n su. Izraɛlfuɛ'm be kannin bé wun be kpɛli Zurdɛn'n.

Zozie 4:18

Kɛ Nyanmiɛn nyrun jranfuɛ'm be fuli cenje'n cɛ'n, kpɛkuun yɛ Zurdɛn'n yi sinnin i osu-ɔ, ɔ su sonji kɛ laa'n sa.

Sa nglô yile 12:14

Be mannin bla'n i ndɛwa nnyɔn kɛ anunman nyin dan'n i liɛ'n sa nan ɔ `fa tu wɔ i lika'n nun aawlɛ flɛnnɛn nun lɔ ɔ `fia wuo dan'n i nyrun, nan be `mɛn i like diwa afuɛ nsan nin sin .

Sa nglô yile 12:4

Nzraama bɔ be bubuli be nun akpasua nsan'n, i lua'n kannin be akpasua kun guali asiɛ wun wa . Dragɔn dan sɔ'n jrannin bla'n bɔ ɔ'a tran awuliɛ'n i nyrun lɛ nan sɛ ɔ wu ba-a ɔ ´di.

Sa nglô yile 12:6

Bla sɔ'n wanndi ɔli aawlɛ flɛnnɛn nun lɔ. Nyanmiɛn mɛnnin i tranwlɛ kun lɔ kɛ be mɛn i like diwa lɔ cɛn ba akpi kun cɛn ba ya nnyɔn cɛn ba ablesiɛn (1.260).