Matthieu 2:12 - NYANMIƐN NDƐ'N 1998

¹² I sin be fa atin uflɛ be ɔli be mɛn nun, afin Nyanmiɛn seli be laliɛ nun kɛ nán man be sa be sin Erɔd wun lɔ kun.

Nyanmien nde Ufle

¹² I sin bé fa atin ufle bé oo bé oo bé men nun, afin Nyanmien séé bé lalie nun ke, nanh man bé sa bé sin Hérode wun lo kun.

Matthieu 2:12 Iomraidhean Croise

Bo Bolɛ 31:24

Kwlaa nan b'a to i'n, kɔnguɛ Nyanmiɛn fiteli Laban nyrun laliɛ nun. Ɔ seli i kɛ: «Nán yo Zakɔb sa fi.»

Ezipt Lɔ Tulɛ'n 1:17

Sanngɛ ba wufuɛ sɔ mun bé nyin yi Nyanmiɛn i ti, b'a yo-man like nga famiɛn'n seli be kɛ be yo'n. Ɔ man be yacili ba yasua'm be lɛ, b'a kun-man be.

Daniɛl 2:19

Kpɛkuun Nyanmiɛn yili nvialiɛ nun sa sɔ'n i nglo kleli Daniɛl aolia nun kɔnguɛ afiɛn. Nan Daniɛl ɔ'a la Nyanmiɛn b'ɔ o nglo lɔ'n i ase.

Matthieu 1:20

Kɛ ɔ ´bu akunndan sɔ'n, e Min Nyanmiɛn'n i anz kun yi i wun kleli i laliɛ nun, ɔ seli i kɛ: «Zozɛf, David anunman, nán srɛ kun wɔ, fa ɔ yi Mari kɔ ɔ bo, afin ba'n bɔ ɔ'a wunnzɛ i'n ɔ fin Nyanmiɛn Wawɛ'n.

Matthieu 2:13

Kɛ be ɔli'n, e Min Nyanmiɛn'n i anz kun yili i wun kleli Zozɛf laliɛ nun, ɔ seli i kɛ: «Jaso fa bakan'n nin i nin an `wanndi wɔ Ezipt, an `tran lɔ lele san n ´se wɔ kɛ a bla, afin Erɔd wa kunndɛ kɛ ɔ ´kun bakan'n.»

Matthieu 2:19

Kɛ Erɔd wuli'n, e Min Nyanmiɛn'n i anz kun yili i wun kleli Zozɛf Ezipt lɔ laliɛ nun, ɔ seli i kɛ:

Matthieu 2:22

Sanngɛ kɛ ɔ tili kɛ Arkelais ɔ'a sin i si Erɔd osu Zide mɛn nun'n, srɛ kunnin i lɔ kɔlɛ nun. Ndɛ nga Nyanmiɛn kan kleli i laliɛ nun'n ti, ɔ ciɛli i wun ɔli Galile akpasua liɛ'n su.

Matthieu 27:19

Kɛ ɔ trannin ase jɔlɛ diwlɛ lɔ'n, i yi sunmannin sran kɛ be ko se i kɛ: «Nán fa ɔ wun wla bian nanwlɛfuɛ sɔ'n i ndɛ'n nun, afin ndɛ n fɛli laliɛ nun dan kpa i ti.»

JÉSUS-CHRIST I DYASIN FE'N BO LUC KLELI'N 2:26

Nyanmiɛn man i Wawɛ'n bo su klɛli i kɛ san ɔ ´wun e Min Nyanmiɛn i Krist'n nan ɔ'a wu.

Sa nga bé yôli'n 10:22

Be seli i kɛ: «Nyanmiɛn i anz kun seli Kɔrnɛyi b'ɔ ti sonja ya su kpɛn'n b'ɔ o Sezare lɔ'n kɛ ɔ flɛ wɔ nan a bla, a wa kan ndɛ wie kle i. Ɔ ti sran nanwlɛfuɛ b'ɔ sro Nyanmiɛn, Zuif nvle'n kwlaa nun be bo i dunman kpa.»

Sa nga bé yôli'n 4:19

Piɛr nin Zan be usali be kɛ: «?Sɛ Nyanmiɛn wun kɛ é nyin yi amun bɔ é nyin yi-mɛn i'n, ɔ ti kpa? An `bu nian,

Sa nga bé yôli'n 5:29

Piɛr nin i wiengu kun mun be seli be kɛ: «Sɛ é nyin yi Nyanmiɛn tra sran mun'n, ɔ ti kpa tra kɛ é nyin yi sran'n.

1 Korɛntfuɛ Mun 3:19

Afin sran'm be ngwlɛlɛ'n bɔ be waan be si i'n, ɔ ti sinnzin Nyanmiɛn nyrun. Afin be klɛli i kɛ: «Ngwlɛlɛfuɛ'm be bɔbɔ be gblɛ bɔ be kpɛ'n yɛ Nyanmiɛn fa tra be-ɔ .»

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

Hébreu 8:5

Be Nyanmiɛn nyrun jranlɛ junman nga be di'n, ɔ ti nyanmiɛn su lɔ liɛ kpa'n i nzɔliɛ ɔ nin i wawɛ. Kɛ Moiz liɛ'n kusu ti sɔ-ɔ. I nun nga ɔ wa kplan tannin sua'n, Nyanmiɛn seli i kɛ: «I wafa nga n kleli wɔ oka'n su lɔ'n, niɛn i kwlaa'n su kpa yo .»