Matthieu 19:9 - NYANMIƐN NDƐ'N 1998

⁹ Sanngɛ n liɛ'n n ´kan kle amun kɛ, sran kwlaa ng'ɔ yrɛ i yi'n, sɛ nán kɛ ɔ'a kunndɛ bian i bo ti'n, nan ɔ ja uflɛ'n, wuun ɔ'a kunndɛ bla i yi bo .»

Nyanmien nde Ufle

⁹ Sannge n lie'n nh kanh klé amun ke, swran kwlaa ng'o yre i yi'n, se nanh ke wa kunnde bian i bô ti'n, nan o dya ufle'n, wuun wa kunnde bla i yi bô.

Matthieu 19:9 Iomraidhean Croise

Bo Bolɛ 20:3

Kpɛkuun kɔnguɛ laliɛ nun Nyanmiɛn fiteli Abimelɛk nyrun. Nyanmiɛn seli i laliɛ sɔ'n nun kɛ: «Bla nga wɔ man be ko fɛli i lɛ'n ti, a wa wu, afin ɔ lɛ bian.»

2 Be Nyoliɛ 21:11

I kpa'n bɔ Zɔram yoli sraka yiwlɛ lika mun Zida oka'm be su. Ɔ suli Zerizalɛmfuɛ mun nin Zidafuɛ'm bé bo kɛ be `su like uflɛ mun.

Zeremi 3:1

Anannganman'n usa kɛ: «?Sɛ sran kun yrɛ i yi'n nan bla'n jaso ko ja bian uflɛ'n, kɛ ɔ o lɛ'n, yasua klikli'n kwla sɛ i sin ja bla sɔ'n ekun? ?Sɛ ɔ yo sɔ'n, nán tete yɛ ɔ'a bo i mɛn'n nun-ɔn? Sɛ n ´kwla se'n, a ko bo tekle'n lele, kpɛkuun a sa wɔ sin a ba min jalɛ ekun.

Zeremi 3:8

Ɔ wunnin kɛ tekle nga Izraɛl b'ɔ ti kɛ bian safuɛ'n sa'n boli'n ti n ko mɛnnin i yralɛ fluwa n yacili i'n. Sanngɛ Zida b'ɔ kunndɛ bian min bo'n, srɛ ɔ'a kun-mɛn i. I kusu ko boli i tekle liɛ.

Ezekiɛl 16:15

«Sanngɛ a lafili ɔ klanman'n su. Ɔ dunman b'ɔ fuli dan'n ti, a sili blɔdɛ. Sran kwlaa b'ɔ ´sin'n, a nin i be si sua. A kacili kɛ bé sa nun ngowa like sa.

Ezekiɛl 16:29

A nin Kaldefuɛ'm be sili blɔdɛ ekun, sanngɛ ng'ɔ o lɛ'n ɔ'a ju-man wɔ le.

Ezekiɛl 16:8

N sinnin ɔ́ wun lɛ, n ´nian-an, a si yasua-a ɔ yo ye yɛ n fali min tralɛ dan'n n katali ɔ́ wun-ɔn, b'a wun-man ɔ́ wun kplɛn'n kun. N tali nda kɛ n su kpɔci-man wɔ e nin wɔ e trali aenguɛ. Kpɛkuun yɛ a yoli min liɛ-ɔ.› » Anannganman Nyanmiɛn'n yɛ ɔ kan sɔ-ɔ.

Matthieu 19:10

I sɔnnzɔnfuɛ'm be seli i kɛ: «Sɛ kɛ yasua'n i ndɛ ti kɛ nga sa bla'n i lika'n, wuun man be kpɛ kpo, nán man be ja.»

Matthieu 19:8

Yɛ ɔ seli be kɛ: «Amun ketelɛ bɔ amu'an kete'n ti yɛ man Moiz mannin amun atin kɛ an yra amún yi mun nin-ɔn, sanngɛ kɛ Nyanmiɛn yili sran'n, ɔ'a sie-mɛn i sɔ.

Matthieu 5:32

Sanngɛ n liɛ'n, n ´kan kle amun kɛ, sran kwlaa ng'ɔ yrɛ i yi'n sɛ nán bian kunndɛlɛ ti'n, ɔ man bla sɔ'n ɔ ´yo bla b'ɔ kunndɛ bian i wun bo, yɛ sran ng'ɔ ja bla bɔ b'a yrɛ i'n, wuun ɔ'a kunndɛ sran yi .»

JÉSUS-CHRIST I DYASIN FE'N BO LUC KLELI'N 16:18

«Sran kwlaa ng'ɔ yrɛ i yi'n, nan ɔ ja uflɛ'n, wuun ɔ'a kunndɛ bla i yi bo, yɛ sran ng'ɔ ja bla nga i wun yrɛli i'n, wuun ɔ'a kunndɛ sran yi .»

1 Korɛntfuɛ Mun 5:1

Be ti i lika'n kwlaa kɛ amu'an fa bla nin bian kunndɛlɛ'n amu'an cici amún ti lele ɔ man amun nun kun a de i si yi'n. Bla kunndɛlɛ wafa sɔ'n, be bɔ be ti-man Kristfuɛ'n bɔbɔ be yo-man .

1 Korɛntfuɛ Mun 7:39

Kɛ bla kun i wun'n i nyin o su'n, wuun b'a bo i kpaun, sanngɛ kɛ yasua'n ko wu'n, bian kun ng'ɔ klo kɛ ɔ ´jɛ i'n, ɔ kwla jɛ i, sanngɛ man i bian aja sɔ'n yo e Min'n i klun su.

1 Korɛntfuɛ Mun 7:4

Bla'n sie-mɛn i bɔbɔ wun, i wun'n yɛ ɔ sie i-ɔ, yɛ yasua'n kusu sie-mɛn i bɔbɔ wun, i yi'n yɛ ɔ sie i-ɔ.