Matthieu 19:4 - NYANMIƐN NDƐ'N 1998

^4-5 Ɔ tɛli be su kɛ: «Kɛ Nyanmiɛn ´yi sran'n, ɔ yili yasua nin bla nan ɔ'a se kɛ: ‹I sɔ'n ti yɛ man yasua ´kpaci i si nin i nin yɛ ɔ ´fɛ i wun mɛntɛn i yi yɛ be nnyɔn'n be kaci sran wunmuan nin-ɔn.› ?An nian kɛnngɛn-mɛn i le ?

Nyanmien nde Ufle

^4-5 O sé bé ke: Ke Nyanmien yih swran'n, o yii yasua nin bla, nan wa sé ke: «I so'n ti ye man yasua kpatyi i si nin i nin, ye o fe i wun menten i yi, ye bé nnyon'n bé katyi swran wunmuan nion.» ?An nian kennge'en lé?

Matthieu 19:4 Iomraidhean Croise

Bo Bolɛ 1:27

Yɛ Nyanmiɛn yili sran'n kɛ i bɔbɔ sa-a. Ɔ yili i kɛ i bɔbɔ Nyanmiɛn'n sa. Ɔ yili yasua nin bla .

Bo Bolɛ 2:18

Kpɛkuun Anannganman Nyanmiɛn'n waan: «Ɔ ti-man kpa kɛ sran ngunmin tran. N wa yo i ukafuɛ kun b'ɔ nin i be ´kwla tran.»

Bo Bolɛ 2:23

Kpɛkuun yasua'n waan: «Ɛn-ɛɛn! Nga li ti kɛ m bɔbɔ min sa. Min nin i e wunnɛn'n ti kun. Man be flɛ i bla, afin ɔ fin yasua'n nun.»

Bo Bolɛ 5:2

Ɔ yili yasua nin bla, ɔ boli muae mannin be. Kɛ ɔ yili be'n, ɔ flɛli be kɛ klɔ sran mun.

2 Be Nyoliɛ 24:3

Zɛozada man Zɔas jali bla nnyɔn. Zɔas nin be wuli ba yasua mun nin ba bla mun.

Malasi 2:15

?Anannganman ɔ'a fa-man amun, ɔ nin amún yi'm be wunnɛn'n, ɔ nin amun wawɛ'n ɔ'a yo-man sran wunmuan kun? ?Nguɛ ti-ɔ? ?Nán ba wulɛ ti-ɔ? Amun `nian amun wun kpa, nán amun yra amun gbanflɛn nun bla mun.

Matthieu 12:3

Sanngɛ Jésus usali be kɛ: «?Kɛ awe kunnin David nin i minniɛn mun'n, like ng'ɔ yoli'n, an nian kɛnngɛn-mɛn i le ?

Matthieu 21:42

Jésus usali be kɛ: «?Ndɛ nga be klɛli i kɛ: ‹Yɛbuɛ nga sua kplanfuɛ'm be yili blo'n i yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase'n, i sɔ'n fin e Min Nyanmiɛn, yɛ kɛ e wun i'n, ɔ bo é nuan'n,› an nian kɛnngɛn-mɛn i le?

Matthieu 21:6

Jésus sɔnnzɔnfuɛ'm be ɔli nan b'a yo i kɛ ng'ɔ kan kleli be'n sa.

Matthieu 22:31

?Be nga be wuli'n be cɛnlɛ'n i wun ndɛ'n, amu'an kanngan-man ndɛ nga Nyanmiɛn kan kleli amun kɛ,

Marc 12:10

?Nyanmiɛn Ndɛ nga be kleli i kɛ: ‹Yɛbuɛ nga sua kplanfuɛ'm be yili i blo'n, i yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase'n,

Marc 12:26

?Be nga be wuli'n be cɛnlɛ'n i wun ndɛ liɛ'n, amu'an kanngan-man Moiz i fluwa'n b'ɔ kle susrɛ'n i wun ndɛ'n nun'n i nun le? Ɔ klɛli i kɛ: ‹N ti Abraam, nin Izaak, nin Zakɔb be Nyanmiɛn .›

Marc 2:25

Jésus seli be kɛ: «?Kɛ awe kunnin David nin i minniɛn'm bɔ bé sa miannin'n, sa nga be yoli'n, an nian kɛnngɛn-mɛn i le?

JÉSUS-CHRIST I DYASIN FE'N BO LUC KLELI'N 10:26

Jésus kusu usɛli i kɛ: «?Be klɛli i sɛ mmla fluwa'n nun? ?Yɛ kɛ a kanngan'n, ɔ se sɛ?»

JÉSUS-CHRIST I DYASIN FE'N BO LUC KLELI'N 6:3

Jésus kusu usali be kɛ: «?Kɛ awe kunnin David nin i minniɛn mun'n, sa nga be yoli'n, an nian kɛnngɛn-mɛn i le ?