Matthieu 19:16 - NYANMIƐN NDƐ'N 1998

¹⁶ Yɛ sran kun bali Jésus wun lɛ nan ɔ'a usa Jésus kɛ: «?Nja, nguɛ like kpa yɛ n ´yo nan m'an nyan anannganman nguan nin-ɔn ?»

Nyanmien nde Ufle

¹⁶ Ye swran kun baa Jésus wun le, o use i ke: ?Ndya, nzu liké kpa ye n yô nan man nyan anannganman nguan nion?

Matthieu 19:16 Iomraidhean Croise

Daniɛl 12:2

Sran kpanngban bɔ be o ndia nun'n be ´jaso. Wie'm be ´nyan anannganman nguan, wie'm be kusu be ´wun nyannzuɛn b'ɔ lɛ-man awieliɛ'n.

Matthieu 19:15

Ɔ fɛ i sa fuali be su, nan ɔ'a tu i bo lɛ ɔ'a wɔ.

Matthieu 19:26

Jésus niannin be nan ɔ'a se be kɛ: «Sa sɔ'n, sran kwlɛ-mɛn i yo, sanngɛ Nyanmiɛn kwla sa'n kwlaa yo .»

Matthieu 19:29

Yɛ sran kwlaa nga min ti ɔ yaci sɛ i awlo o, sɛ i niaan bian o, sɛ i niaan bla o, sɛ i si o, sɛ i nin o, sɛ i wa o, sɛ i asiɛ o, ɔ ´nyan be wunsu kpɛ ya, yɛ ɔ ´nyan anannganman nguan.

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Jean 10:28

M man be anannganman nguan, be su nunnun-man le, yɛ sran fi su de-man be ń sa nun.

Jean 12:25

Sran nga i waan ɔ ´sɛsɛ i wun'n, ɔ ´kpɛ i nguan'n sin, sanngɛ sran ng'ɔ bu-mɛn i nguan'n like fi mɛn nga nun'n, ɔ ´cɛ lele ɔ ´nyan anannganman nguan.

Jean 3:15

nan sran kwlaa ng'ɔ lafi n su'n, ɔ `nyan Anannganman nguan.

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

Jean 5:39

An suan Nyanmiɛn Ndɛ nga be klɛli'n, afin an bu kɛ i nun yɛ amun ´nyan Anannganman nguan nin-ɔn, yɛ ndɛ sɔ'm be kan min ndɛ.

Jean 6:47

Nanwlɛ, sran ng'ɔ lafi n su'n, ɔ lɛ Anannganman nguan.

Jean 6:68

Yɛ Simɔn Piɛr seli i kɛ: «Wan sin yɛ e ´kɔ-ɔ? Ɔ ndɛ'n yɛ man e nyan anannganman nguan-an.

Sa nga bé yôli'n 16:30

Ɔ fa be fiteli weiin nun lɔ, yɛ ɔ usali be kɛ: «?Nja mun, nguɛ yɛ n `yo nan m'an fite nun-ɔn?»

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 5:21

Ɔ man kɛ sa tɛtɛ'n yo sran'm be nzuɛn lele ɔ man be wu'n, i kunngba'n, Nyanmiɛn i aklunye'n ɔ man sa kpa'n kaci be nzuɛn lele be ´nyan anannganman nguan e Min Jésus-Krist fanngan nun.

1 Timote 1:16

Min bɔ ń sa tɛ liɛ'n tra sran'm be kwlaa be liɛ'n, Nyanmiɛn sili min aunnvuɛ, nan Krist-Jésus fɛ i anwlɛn b'ɔ trɛ i sran wun'n ´kle be nga be wa lafi i su bɔ be ´nyan anannganman nguan'n. Ɔ man be ´wun kɛ ɔ trɛ i anwlɛn bé wun wie.

1 Timote 6:12

Mian ɔ́ nyin man sran'm be lafi Nyanmiɛn su kpa, afin sɛ a mian ɔ́ nyin sɔ'n, ɔ ti kpa. Anannganman nguan bɔ i ti yɛ Nyanmiɛn flɛli wɔ'n, bɔ i ti yɛ a kan Nyanmiɛn su bɔ a lafi'n i ndɛ fɛfɛ'n sran kpanngban be nyrun'n, trɛ i kekle.

1 Timote 6:19

Sɛ be yo sɔ'n, wuun bɛtrɔ kpa kun b'ɔ saci-man'n yɛ b'a kpɛ b'a sie-ɔ, yɛ be ´nyan nguan sakpa.

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

Tite 3:7

nan ye nga ɔ yo ye'n ti'n, ɔ ´bu e sran kpa yɛ ɔ man e ´nyan anannganman nguan nga i waan ɔ ´man ye bɔ é wla o su'n.

1 Jean 1:2

Kɛ i bɔ be flɛ i Nguan'n ɔ yili i wun nglo'n, e wunnin i, ɔ man e kɛn i ndɛ, yɛ i bɔ be flɛ i Anannganman Nguan sɔ'n, b'ɔ wo e Si'n i wun lɔ'n, b'ɔ yi i wun nglo kleli ye'n, e kɛn i ndɛ kle amun.

1 Jean 2:25

An `nian, like nga Krist waan ɔ ´fa man ye'n yɛlɛ anannganman nguan'n.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Jude 1:21

Kɛ amun ´minndɛ kɛ e Min Jésus-Krist si amun aunnvuɛ nan ɔ man amun anannganman nguan'n, an `yo sa nga an yo-ɔ an si kɛ Nyanmiɛn klo amun'n.