Matthieu 18:8 - NYANMIƐN NDƐ'N 1998

⁸ Sɛ ɔ́ sa annzɛ ɔ́ ja'n yɛ man a yo sa tɛ'n, kpɛ yi blo mmua, ɔ flunman kɛ a yo jasinfuɛ annzɛ sasinfuɛ nan a nyan nguan'n tra kɛ ɔ́ sa nnyɔn'n annzɛ ɔ́ ja nnyɔn'n be o lɛ nan b'a fa wɔ a yi anannganman sin nun'n.

Nyanmien nde Ufle

⁸ Se o sa annze o dya'n ye man o yô sa te'n, kpe yi blô mmua, o flunman ke a yô dyasinfue annze sasinfue, nan a nyan nguan'n, tra ke o sa nnyon'n annze o dya nnyon'n bé ô le, nan ba fa o a yi anannganman sin'n nun'n.

Matthieu 18:8 Iomraidhean Croise

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Ezekiɛl 18:31

Amun `gua sa tɛtɛ bɔ be kacili amun nzuɛn'n be blo mmua mmua lɔ. Man amun anwlɛn'n kaci uflɛ, man amun akunndan'n ɔ yo uflɛ. ?Izraɛlfuɛ mun, nguɛ ti yɛ amun klo kɛ amun ´wu-ɔ ?

Matthieu 17:27

Sanngɛ kɛ e klo-man kɛ e ti sran'm bé ti nun saci'n, kɔ jenvie'n su lɔ, ko to kowa. Jue ng'ɔ dun mmua sɔ nun'n, yi. Kɛ a ´trɛ i nuan nun'n, a ´wun sika b'ɔ ju min nin wɔ é ti. Fa ko man be.»

Matthieu 25:41

I sin n ´se be nga be gua m bɛ su'm be kɛ: ‹Amun bɔ n Si boli amun sannzan'n, an `jao min wun lɛ wɔ anannganman sin bɔ be trɔ mannin mmusu'm bé si Satan nin i anz mun'n nun.

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

JÉSUS-CHRIST I DYASIN FE'N BO LUC KLELI'N 14:33

I sɔ'n ti, amun nun sran kwlaa nga ɔ'a yaci-mɛn i ninnge'n kwlaa'n, ɔ su kwla yo-man n sɔnnzɔnfuɛ.»

JÉSUS-CHRIST I DYASIN FE'N BO LUC KLELI'N 16:24

Yɛ ɔ kpannin-ɔn, ɔ seli kɛ: ‹Nannan Abraam, yaci wun min aunnvuɛ, sunman Lazar man ɔ fɛ i sama ti bo nzue nun ɔ wa kpɛn n taaman'n su, n su wun min nyrun dan kpa sin'n nun wa.›

Rɔmfuɛ Mun 13:12

Lika'n ɔ'a ɔ wie, aliɛ'n su wa cɛn! I sɔ'n ti'n, man é wla sa tɛtɛ nga be fa kɔnguɛ kata bé nyin yo'n be ase, yɛ man e fa alɛ ninnge nga be fa kun alɛ wia nun'n e tanndan é wun.

Sa nglô yile 14:10

ɔ ´nɔn Nyanmiɛn i nzan muɛn'n b'ɔ fa guɛ i ya klowa nun'n wie. Nzan sɔ'n yɛlɛ Nyanmiɛn i ya'n b'ɔ fa'n. Be kwlaa nga be yo sɔ'n, be ´kle be nyrɛnnɛn sin bɔ sufru o nun'n nun Nyanmiɛn i anz nin Bua Gbanflɛn'n be nyrun lɛ .

Sa nglô yile 20:15

Sran kwlaa nga b'a klɛ-mɛn i dunman nguan fluwa nun'n, be fɛ i yili sin dan'n nun.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»