Matthieu 18:24 - NYANMIƐN NDƐ'N 1998

²⁴ Kɛ ɔ boli i bo'n, be fa bian kun bɔ i talan akpi blu (10.000) o i su'n blɛli i.

Nyanmien nde Ufle

²⁴ Ke o bôô i bô'n, bé fa bian kun bo i talent (*f11*) akpi-blu ô i su'n blelii.

Matthieu 18:24 Iomraidhean Croise

Bo Bolɛ 44:10

Bian'n waan: «Yoo, n tili, e ´yo i kɛ nga an kɛn i lɛ'n sa. Sran nga n wun klowa'n i trɔ'n nun'n, ɔ ´yo min kanga. Amun nga mun e nin amun lɛ-man ndɛ.»

1 Be Nyoliɛ 29:7

Be mannin sika ɔkwlɛ tɔnun ya ableso, nin sika ɔkwlɛ mma akpi blu (10.000), nin jɛtɛ ufue b'ɔ tra tɔnun ya nsan, nin aaba tɔnun ko ju ya nsiɛn, ɔ nin blalɛ tɔnun akpi nsan (3.000) gua su.

Ɛsdras 9:6

Yɛ n srɛli i n seli kɛ: «Min Nyanmiɛn, nyannzuɛn'n ti dan, m man mín ti'n su n nian ɔ nyrun-ɔn, ɔ yo-man ye. E sa tɛ'm b'a sɔn dan, b'a tra e su fuun! E fɔnlɛ'n ɔ'a tra fɔnlɛ su ɔ'a fu lele ɔ'a ju nyanmiɛn su lɔ.

Jue Mun 38:4

Ɔ ya dan'n i su like bɔ a yoli min'n ti, min wunnɛn'n i lika fi ti-man klonglo. Sɛ n ´kwla se'n, min sa tɛ bɔ n yoli'n ti, min owie'n kwlaa ti bubuwa.

Jue Mun 40:12

Anannganman, ɔ liɛ'n, n si kɛ a ´si min aunnvuɛ titi. A ti nanwlɛfuɛ. Ye nga a yo min titi'n, i ti n si kɛ sa fi su nyan-man min.

Matthieu 18:23

I sɔ'n ti, Nyanmiɛn sielɛ'n ɔ fa famiɛn kun b'ɔ klo kɛ ɔ ´siesie kalɛ b'ɔ o i nin i junman difuɛ'm be afiɛn'n.

Matthieu 18:25

Kɛ ɔ lɛ-man like fi nan ɔ'a fa tua kalɛ sɔ'n, i min'n seli kɛ be `yo i bɔbɔ, nin i yi, nin i mma mun, ɔ nin i bo ninnge'n kwlaa be atɛ be `fa tua kalɛ sɔ'n.

Matthieu 25:15

Ɔ mannin kun talan nnun, ɔ mannin kun nnyɔn, yɛ ɔ mannin kun ekun kun, kɛ sran kun i wunmiɛn'n fa ti ju'n i su yɛ ɔ niannin fa mɛnnin i-ɔ, yɛ ɔ ɔli-ɔ.

Matthieu 25:16

Kɛ ɔ yoli sɔ'n, nga be mɛnnin i talan nnun'n, ɔ fa ko dili aata nan ɔ'a nyan su nnun.

Matthieu 25:20

Nga b'ɔ mɛnnin i talan nnun'n, ɔ fa nnun ekun bali yɛ ɔ seli kɛ: ‹Baba, a mannin min talan nnun, nian, m'an nyan nnun ekun.›

Matthieu 25:22

Nga b'ɔ mɛnnin i nnyɔn'n, i kusu bali yɛ ɔ seli kɛ: ‹Baba, a mannin min talan nnyɔn, nian, m'an nyan nnyɔn ekun.›

Matthieu 25:24

I sin, nga b'ɔ mɛnnin i kun'n bali yɛ ɔ seli kɛ: ‹Baba, n si kɛ a ti sran bɔ ɔ like yolɛ yo ya: lika nga a gua-man awie lɛ'n, a kpɛ awie lɛ, yɛ a isa awie bɔ nán wɔ yɛ a boli'n.

JÉSUS-CHRIST I DYASIN FE'N BO LUC KLELI'N 13:4

?Yɛ sran blu-nin-mɔcuɛ bɔ Silɔe akpa fleiin'n bu tɔli be su kunnin be'n, an bu i kɛ bé wun sa liɛ'n tra Zerizalɛmfuɛ'n kwlaa be liɛ'n?

JÉSUS-CHRIST I DYASIN FE'N BO LUC KLELI'N 16:5

Yɛ ɔ flɛli be nga i min'n i kalɛ o be su'n, ɔ usali kun kɛ: ‹?Min min'n i kalɛ ng'ɔ o ɔ su'n ti nnyɛ?›

JÉSUS-CHRIST I DYASIN FE'N BO LUC KLELI'N 16:7

Yɛ ɔ usali kun ekun kɛ: ‹?Ɔ kusu, ɔ kalɛ liɛ'n ti nnyɛ?› Yɛ ɔ seli i kɛ: ‹Ble bajɛ ya nnun yɛ ɔ o n su-ɔ. Yɛ ɔ seli i kɛ: ‹Fa ɔ fluwa'n klɛ ble bajɛ ya nnan.›