Matthieu 17:3 - NYANMIƐN NDƐ'N 1998

³ Moiz nin Eli be fiteli be nyrun yɛ be nin Jésus be kokoli yalɛ.

Nyanmien nde Ufle

³ Moïse nin Élie bé fitéé bé nyrun, bé nin Jésus bé kôkô yale.

Matthieu 17:3 Iomraidhean Croise

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

Matthieu 17:2

I wunnɛn'n kacili be nyrun, i nyrun'n yoli kɛ wia'n bɔ bo'n sa, yɛ i tralɛ'n yoli ufue nyɛnnyɛnnyɛn.

Matthieu 17:4

Piɛr seli Jésus kɛ: «Nannan, kɛ e o wa yɛ'n, ɔ ti kpa, sɛ a kplin su'n, n ´kplan kpata nsan wa, ɔ liɛ kun, Moiz liɛ kun, yɛ Eli liɛ kun.»

Marc 9:4

Eli nin Moiz be fiteli be nyrun, nan be nin Jésus a koko yalɛ.

JÉSUS-CHRIST I DYASIN FE'N BO LUC KLELI'N 1:17

Ɔ ´dun e Min'n i nyrun, akunndan kunngba nga Eli buli'n, ɔ ´bu wie, yɛ sa kekleekle nga Eli yoli'n, ɔ ´yo wie. Ɔ ´siesie ba'm be nin bé si'm be afiɛn, ɔ man nyin keklefuɛ'm be ´kaci, yɛ be ´bu akunndan kpa, ɔ man sran'm be ´buabua bé wun minndɛ e Min'n .»

JÉSUS-CHRIST I DYASIN FE'N BO LUC KLELI'N 16:16

Be dili Moiz mmla'n nin Nyanmiɛn nuan ijɔfuɛ'm be ndɛ'n su lele fa juli Zan blɛ su, i blɛ su yɛ be boli Nyanmiɛn sielɛ'n i jasin fɛ'n i kanlɛ bo-ɔ. Ɔ man sran'm be kwlaa be mian bé nyin kɛ be ´fa bé wun man Nyanmiɛn nan ɔ sie be.

JÉSUS-CHRIST I DYASIN FE'N BO LUC KLELI'N 24:27

Yɛ ɔ yiyi i bɔbɔ wun ndɛ bɔ be klɛli i Nyanmiɛn Ndɛ'n kwlaa nun'n i nun kleli be-ɔ. Ɔ boli i bo Moiz nin Nyanmiɛn nuan ijɔfuɛ'm be kwlaa be ndɛ'n nun.

JÉSUS-CHRIST I DYASIN FE'N BO LUC KLELI'N 24:44

I sin ɔ seli be kɛ: «Ndɛ nga yɛ kɛ min nin amun tɛ o lɛ'n n kan kleli amun nin-ɔn, n kɛnnin i kɛ mín wun ndɛ nga be klɛli i Moiz mmla nun'n, nin Nyanmiɛn nuan ijɔfuɛ'm be ndɛ'n nun'n, ɔ nin Nyanmiɛn Jue fluwa be nun'n, san i kwlaa'n ´kpɛn su.»

JÉSUS-CHRIST I DYASIN FE'N BO LUC KLELI'N 9:33

Kɛ sran sɔ'n be yacili Jésus lɛ bɔ be ´kɔ'n, Piɛr seli Jésus kɛ: «Baba, kɛ e o wa yɛ'n ɔ ti kpa, man e kplan kpata nsan, ɔ liɛ kun, Moiz liɛ kun, yɛ Eli liɛ kun.» I wun b'ɔ bli i'n ti'n, ɔ wun-man ndɛ kun ng'ɔ kan-an.

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Mmla'n 18:18

N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.

Mmla'n 34:10

Kɛ ɔ fɛ i lɛ'n, Nyanmiɛn nuan ijɔfuɛ bɔ Anannganman jran sa ɔ nin i koko yalɛ kɛ Moiz liɛ'n sa'n, b'a wun-mɛn i sɔ Izraɛl mɛn'n nun kun.